Juan 3:17 - Nuevo Testamento Toba Sur

¹⁷ Ñi Dios sa ishit da namaxa na llalec ana 'alhua, da yaqto' ÿauo'o ca nhuaxanaguec na shiÿaxauapi. Chaqdata da anaga da nca'alaxateec namayipi.

Nuevo Testamento Toba Sombrero Negro

¹⁷ Qa'a ñe'me Dios namaĝa'ña jena'me aleua ñe'me Lec'oĝot: ja namaĝa'ña jogaa'me aleua laje'pi qaedi ya'uo ga'me ne'uaĝanague'j, dite da'me qaedi nec'alaĝatedegue jogaa'me jiyaĝadipi.

La'aqtaqa Ñim Lo'onatac 'Enauacna 2013

¹⁷ Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.

Juan 3:17 Referans Kwoze

1 Juan 4:14

Qataq qomi' nataq'en ÿataqta sauanaqchigui ñi qadta'a Dios qataq sa'axataqtac da ñimayi namaq so llalec, da yaqto' nca'alaxateec 'enauac nam huetalec ana 'alhua.

Lucas 19:10

Cha'ayi ne'ena shiÿaxaua llalec, namayi anac da nmitaique qataq nca'alaxateec nam shiÿaxauapi mayi isomtac.

Juan 6:57

Ñim ita'a mayi aÿim namaq, ñimayi huo'o da lca'alaxa, nachi de'eda ica'alaxa chigoqo'ot ñimayi. Qaq nachi 'eetec nataq'en ca aÿim chic, nachi camayi aÿim ÿachigoxoto'ot da lca'alaxa.

Juan 6:40

Da 'eetapeguec ñim aÿim namaq, nshitaique da 'enauac nam ÿamato'ot na llalec ñi Dios qataq i'amaqten namayi, nachi huo'o da lca'alaxa chochaq tateec, qataq da ñica'alaxateec qom iviteuga ca pa'ateec na'a'q.

Juan 6:29

Nachi so Jesús 'enapeco': –Da 'eetapeguec ñi Dios nshitaique da qami' qau'amaqchiñi nam namaq ñimayi.

Juan 20:21

Ime, nachi so Jesús qaltaq 'enapegalo soomayi, 'eeta': –Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.

1 Juan 2:2

Cha'ayi somayi nachiso so chigoqchigui da huo'o mshi qaÿapalaxa't naua qadasouaxashi'te, qaq sa ishit da nachiqomaqta, cha'ayi nataq'en 'enauac na shiÿaxauapi mayi huetalec ana 'alhua.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Juan 11:42

Qaq aÿim saÿaten da 'am nachi 'eetai' naxa da aÿim 'au'aqtega. Qalaxayi aÿim shinapec de'eda souaxat nam shiÿaxauapi mayi hueta'a ne'ena, yaqto' namayipi ishit da i'amaqten da 'eesa da aÿim 'adamaxashic.

Juan 7:29

Aÿim, qalaxayi sauatton, cha'ayi sachigoqtot ñimayi, qataq ñimayi aÿim namaq.

Juan 5:45

Qaq sa ishit qome da qaupi'itaxañiitega da nachaÿim mayi sa'aqtaxanem qome ñi ita'a da chaq negue't ca qadasouaxashichi, cha'ayi som Moisés mayi nachiso so i'axat ca qadsomaxaqui, som qami' qauachiito'ot da qanaquitaxaqui.

Juan 8:42

Nachi so Jesús 'enapega somayipi, 'eeta': –Da ÿoqta 'eesáctaxa da qadta'ai ñi Dios, nachi qamí'ctaxa ÿataqta aÿim qauauochiic. Cha'ayi aÿim nachi sachigoqtot ñimayi, qaq nagui qami' sootaiguilo. Aÿim sa ishit da maichi ñalligoxottela't da ñanac, cha'ayi ñimayi aÿim namaq.

Juan 1:29

Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.

Juan 17:8

cha'ayi mashi sanem dam 'ad'aqtac mayi aÿim 'ai'anem. Qaq namayipi ÿaconguet, qataq ÿaÿateeta da ÿoqta 'eesa da 'am sachigoqtot, qataq i'amaqten da aÿim 'adamaxashic.

Juan 10:36

Qaq da huo'otaq ñim Dios aÿim iÿotauga co'ollaxa, nachi aÿim namaxa ana 'alhua, qaq ¿tá'ainco' qami' yi qoñiitega da npa'agueneto naua i'aqtaqa ñimayi, souaxat da shiitega da aÿim llalec ñimayi?

Juan 5:36

Qalaxayi aÿim huo'o da ñi'aqtaguec mayi ÿataqta napacalec da l'aqtaxanaxac so Juan. Cha'ayi nam so'otpi, nachina na aÿim ÿamaxalecpi ñi ita'a. Qaq nachina na ÿoqta ichoxot da 'eesa da aÿim namaq ñimayi.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Juan 5:38

Qalaxayi de'eda l'aqtac ñimayi sa ishit da qami' taiguilo, cha'ayi qami' sa ishit da qau'amaqchiñi nam namaq ñimayi.

Mateo 1:23

Aca 'alo saxanaxa da huadon, qalaq hualaxai qome, nachi huo'o ca llalec. Qaq camayi l'enaxat qome da Emanuel. De'eda n'enaxat 'eeta': Ñi Dios qomi' hueta'agueta.

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

Lucas 9:56

Cha'ayi ne'ena shiÿaxaua llalec sa ishit da anaga da nlaxajñi da nachaalataxac na shiÿaxauapi. Chaqdata da nca'alaxateec. Ime, nachi nqo'ooda nam naña na saq 'amaqtaq shiÿaxauapiolec.

Juan 3:34

Cha'ayi cam namaq ñi Dios, camayi i'axa't naua l'aqtaqa ñi Dios, cha'ayi ñimayi ÿataqta imato'ot naq'en so n'Espíritu da ÿami' camayi.

Juan 6:38

Cha'ayi aÿim sa ishit da sachigoqtot na piguem da ñanac da so'ot ca maichi shiitapeguec, chaqdata da ñanac da so'ot ca 'eetapeguec ñim aÿim namaq.

Juan 8:11

Nachi asomayi 'enapeco': –'A'i, qaica, 'am ÿataxala'. Nachi so Jesús 'enapego' asomayi, 'eeta': –Aÿim nataq'en sa ishit da 'am salauat. Nagui 'am qojec. Qalaxayi sa ishit qome da qaltaq 'auauo'o ca 'adasouaxashit.

Juan 17:18

Qaq de'eda 'eetec da aÿim 'anamaxa na huetalec ana 'alhua, qaq nachida da shiitec nataq'en da aÿim samaxa namayipi nam huetalec ana 'alhua.

Juan 17:23

Aÿim soota'aguet namayipi, qataq 'am aÿim qoueta'aguet, yaqto' namayipi ishit da ÿataqta 'oonolec ca lataxac, qaq yaqto' nam huetalec ana 'alhua ishit da ila'a da 'am aÿim 'adamaxashic, qataq da ÿataqta 'auauotec namayipi, 'eeta'am da 'eetec da ÿataqta aÿim 'auauotec.

Juan 17:25

'Am ita'a mayi ÿataqta ÿaÿamaqchiyiñi naua 'au'o't, nam huetalecpi ana 'alhua sa ishit da 'am ÿauatton. Qalaxayi aÿim 'am sauatton, qaq ne'enapi mashi sogote da ÿaÿaten da 'am aÿim 'adamaxashic.

Mateo 18:11

Cha'ayi ne'ena shiÿaxaua llalec, namayi anaga da nca'alaxateec na shiÿaxauapi mayi daqat.