Juan 3:10 - Nuevo Testamento Toba Sur

¹⁰ Nachi so Jesús 'enapeco': –'Am mayi 'auapaxagueetac na llalaqpi so Israel, qalaq ¿tá'ainco' yi sa 'auaÿaten de'eda?

Nuevo Testamento Toba Sombrero Negro

¹⁰ Jesús male 'yateguet: —Am jo'ne p'ajaye napaĝaguenoqo't di'me Israel, ¿toqoch'e ja auayate'n naa'me naajo' jo'ne uo'oe?

La'aqtaqa Ñim Lo'onatac 'Enauacna 2013

¹⁰ Nache So Jesús 'enapeco': –'Am maye 'auapaxagueetac naxa na Israel le'ecpi, qalaq ¿ta'ainco' ye sa 'auaỹaten de'era?

Juan 3:10 Referans Kwoze

Mateo 22:29

Nachi so Jesús 'enapeco': –Qami' qauesomiÿapec, cha'ayi sa ishit da qauaÿajñi' naua ñiyigui'shi l'aqtaqa ñi Dios qataq da l'añaxac ñimayi.

Mateo 15:14

Qaq ÿoqo'oyi sa ishit qome da qauqochiÿa namayipi. Cha'ayi namayi sa nauaañi qataq lauegaxala' nam sa nauaañipi. Qaq cam sa nauaañi da huo'otaq ÿauecta'aguet cam 'eeta'am sa nauaañi, nachi caamayi ishit da tayingui acam nshide.

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Filipenses 3:3

Cha'ayi nam qaÿauo'o n'anaxashit na l'oc mayi ÿataqta 'eesa, nachiqomi' mayi chigoqchigui so Espíritu Santo da ñatamnaqtacot ñi Dios, qataq ÿataqta ñitonaqtapigui' souaxat da qomi' lalamqa'te so Cristo Jesús. Qataq sa ishit da chochi sepi'aqtega cam chochi yi'oqchigui.

Romanos 2:28

Cha'ayi da 'am judío l'ec, qalaxayi sa ishit da chaqdata dam yi'oqchigui. Qataq da qaÿauo'o ca 'an'anaxat, qalaxayi sa ishit da chaqdata dam yi'oqchigui 'ad'oquiaxac.

Colosenses 2:11

Qaq nataq'en nagui qami', da qan'ayiitau'a so Cristo, nachi qaÿauo'o ca qan'anaxachi. Qalaxayi sa ishit da nachida da yi'oqchigui qai'an da n'oquiaxac; mayi nachida da qadca'alqai co'ollaq qami' qanca'alaxateeguesopa da n'onataxac da qadapachiyaxaqui. Qaq 'eda da n'anaxanaxac mayi chigoqo'ot so Cristo.

Lucas 2:46

Qaq co'ollaq mashi inoxoodeec soua tres na'axa'te, nachi qaÿanata somayi, huetaigui aso n'onaxanaxaqui late'edai, nso'ootañi, datataigui som dapaxaguenataxaatapeguec na nqataxacpi, n'axaÿaxaatega qataq huo'o na nnataxanaxacpi.

Lucas 5:17

Qaq huo'o so na'a'q so Jesús dapaxaguenataxaatac, nachi huo'o na ÿalectauo, nso'ootañi, nam ÿalectaigui na fariseopi qataq nam dapaxaguenataxaatapeguec na nqataxacpi mayi anac, chigaqa'alo naua 'ale'u yim Galilea qataq yi Judea qataq Jerusalén. Nachi da l'añaxac ñi Dios yi'oq da hueta'aguet somayi co'ollaq natadeetac na sa no'onpi.

Juan 3:9

Nachi so Nicodemo qaltaq ÿi'iguelaxalec da denataxan, 'eeta': –¿Chaq huá'ago' ca 'eetec ca lataxac de'eda?

Hechos 5:34

Qalaxayi se'eso nta'alpi nachi ÿalectaigui som chigaqaigui na fariseopi, l'enaxat Gamaliel. Somayi nachi dapaxaguenataxaatapeguec na nqataxacpi, ÿoqo'oyi ÿataqta huo'o naq 'enec qanqoÿin. Nachi somayi nachajñi, nachi damaxasoxoolec da cada'ac da qanqatreec soua namaxa'shi.