Juan 21:3 - Nuevo Testamento Toba Sur

³ Nachi so Simón Pedro 'enapegalo' soomayi, 'eeta': –Aÿim ashic da shi'aco. Nachi soomayi 'ena'po': –Qomi' nataq'en 'am seca'ataxague. Nachi je'c soomayi, nachi huenojyingui aso nnotaxaqui', qalaxayi se'eso pe sa ishit da huo'o ca lalliiguishi'c.

Nuevo Testamento Toba Sombrero Negro

³ Qama'le ñe'me Simón Pedro enaac joca'li: —Nayi da'me jec, ji'yaco. Qama'le jogaa'me 'yadeteguet joñe'me: —Da'me qo'mi nach'e ena'am qolaq, am qolaĝague. Qama'le yenoĝodegue joca'li, queda'me nedañgui jaga'me nelicota, qama'le yema jo'me pi'yaq da'me di'yaco'tape, qalaĝaja qaya'te ta'le loĝone'j ga'me niyaq.

La'aqtaqa Ñim Lo'onatac 'Enauacna 2013

³ Nache so Pedro 'enapegalo' soomaye, 'eeta': –Aỹem ashec da sha'aco. Nache soomaye 'ena'apo': –Qomi' nataqa'en 'am seca'ataxague. Nache je'c soomaye, nache huenooyingui aso l-llocta', qalaxaye se'eso pe saishet da huo'o ca lalliiguishe'c.

Juan 21:3 Referans Kwoze

Lucas 5:5

Nachi so Simón 'enapeco': –'Am mayi 'auapaxaguenataxaatac, qomi' imauec so pe da shi'acoqtac, qalaq qaica ca qadalliguishic. Qalaxayi 'am yi qomi' 'auama'q, qaq nagui aÿim sasaxañi na ÿasagoxonaxat.

1 Ts 2:9

Qami' qadqaÿa't, machi qauaÿajñiita co'ollaq qami' souaqta'agueta, qalaq ÿataqta so'onataxanaqtac, qataq ñasamaqtañi. Cha'ayi ñishoqtaique da ñauegaq cam qadhuenec. Qaq nachida da huo'o mshi so'onataxanaqtac na na'axa'tesat qataq pesa'chi, yaqto' sa ishit da huo'o ca nsallaxaueetapegueto qomi' da qoñiita. Qaq 'eda da shinaqtec co'ollaq qami' sa'axataqtapeguema da l'aqtac ñi Dios.

1 Corintios 3:7

Qaq ÿoqo'oyi ca danaxaatac qataq ca decodaxaatac qaica ca 'enec. Nachiñita ñi Dios mayi huo'o naq 'enec, cha'ayi ñimayi mayi i'ot da lañaxataxac da n'onataxanaxac.

1 Corintios 9:6

Qaq qami' ¿qaupi'itaxañiÿa peta'a da aÿim qataq so Bernabé nachiqomaqta da sa ishit da saxanaxañi da yi'oqchigui qad'onataxanaxac souaxat da sa'axataqtac da n'aqtac?

Hechos 20:34

Chaqdata da qami' qauaÿajñiita da aÿim ÿataqta so'onataxaatac, da yaqto' ñauec cam seueetac qataq naua iÿa't.

Hechos 18:3

qaq cha'ayi nachi 'eeta'ama soomayi da l'onataxanaxa'c da i'ottrac na npe'l, nachi na'asopa soomayi da l'onataxanaxa'u.

Juan 21:4

Qaq co'ollaq mashi yaqta'a da yi'oxoñi, nachi so Jesús nachaxan, hueto'ot so loigue, qalaxayi se'esoua lapaxaguenataqa sa ishit da ÿaÿate'n da nachiso somayi.