Juan 21:20 - Nuevo Testamento Toba Sur

²⁰ Qaq co'ollaq nqoilec so Pedro, nachi ila'aguet so napaxaguenaxaua mayi ÿataqta nauochaxaua so Jesús, som huetau'a co'ollaxa na laÿi co'ollaq huo'o so nqui'axac, som inattac somayi co'ollaq 'eeta': “'Am ÿataxala', ¿chaq négue't cam taÿa'a da 'am ÿaneuo?”

Nuevo Testamento Toba Sombrero Negro

²⁰ Mane'e da'me nejelec ñe'me Pedro, qama'le yauana ñe'me napaĝaguenatac laqaya jo'ne yataqachiñe nauotaĝaua ñe'me Jesús, nach'eñe jo'ne ue'ta lae ñe'me Jesús joca'li 'uo jo'me niqui'yaĝac ca'li pi'yaq qama'le 'uo da'me lenataĝanaĝac ca'li: “Jaliaĝanec, ¿jach'e ga'me jo'ne am yaneuo qomle?”

La'aqtaqa Ñim Lo'onatac 'Enauacna 2013

²⁰ Qaq co'ollaq namatapec so Pedro, nache ila'aguet so napaxaguenaxaua maye ỹataqta nauochaxaua So Jesús, som huetaua'a co'ollaxa na laỹe co'ollaq huo'o so lquia'axa'c so na'a'q le'enaxat Lapascua, som inattac somaye co'ollaq 'eeta': «'Am Ỹataxala', ¿chaq negue't cam taỹa'a da 'am ỹaneuo?»

Juan 21:20 Referans Kwoze

Juan 21:7

Nachi som napaxaguenatac mayi ÿataqta nauochaxaua so Jesús, somayi 'enapego' so Pedro, 'eeta': –¡Nachida da qadataxala'! Nachi co'ollaq chochi hua'aqchigui de'eda so Simón Pedro da nachiso so qadataxala', nachi ÿaayiñi soua alogo (cha'ayi somayi nqa't co'ollaxa soua alogo), nachi padenaxangui so 'etaxat.

Juan 20:2

Nachi asomayi jec, nqalgoqtau'a ca hueta'a so Simón Pedro qataq so lÿa napaxaguenatac som ÿataqta nauochaxaua so Jesús. Nachi 'enapegalo', 'eeta': –So qadataxala' qanqateeguesop co'ollaxa añi nhuachiqui, qaq qomi' sa ishit da saÿajnaq ca qaÿacha'ague camayi.

Juan 21:24

Qaq nachiso se'eso napaxaguenatac, som i'axattac 'enauac de'eda, qataq maichi ÿiyiñi. Qaq qomi' saÿajnaq da ÿoqta 'eesa de'eda 'enapec.

Mateo 26:46

Qoñiishiguem qome, qolaq, mashi nvi' nam aÿim ÿaneuo.

Juan 21:21

Qaq so Pedro co'ollaq ila'a somayi, nachi inattac so Jesús, 'eeta': –'Am ÿataxala', qaq ne'ena cha'aguet ¿chaq huá'ague qome ca 'eetec ca taÿa'a?