Juan 21:19 - Nuevo Testamento Toba Sur

¹⁹ Qaq de'eda 'enapec so Jesús, damayi naigui da nshitaique da ÿaÿajnaxanaxanec da 'eetec qome da l-leuaxa so Pedro qataq da 'eetec da ÿi'oxoden ñi Dios. Qaq co'ollaq ime, nachi 'enapego' somayi, 'eeta': –¡Aÿim 'auca'ategue qome!

Nuevo Testamento Toba Sombrero Negro

¹⁹ Da'me 'yaĝatem da'me dojo', ñe'me Jesús yayatenaĝanaĝanec ñe'me Pedro da'me eeta qomle da'me leleuaĝa jo'ne chiyaqayi da'me qo'nonaĝachigui ñe'me Dios. Ca'li yem da'me jo'ne 'yaĝatem qama'le uaqata joñe'me, enaac: —¡Jayem oquegue!

La'aqtaqa Ñim Lo'onatac 'Enauacna 2013

¹⁹ Qaq de'era 'enapec So Jesús, damaye naigui da huotaique da ỹaỹaanaxanaxanec da 'eetec qome da l-leuaxa so Pedro qataq da 'eetec da ỹo'oxoren Ñim Lo'onatac 'Enauacna. Qaq co'ollaq ime, nache 'enapego' somaye, 'eeta': –¡Aỹem 'auca'ategue!

Juan 21:19 Referans Kwoze

2 Pedro 1:14

Cha'ayi so qadataxala' Jesucristo mashi aÿim ÿaÿajnaxanaxanec da saqaÿaloq da shica'ai de'eda yi'oqchigui ñachaalataxac.

Juan 21:22

Nachi so Jesús 'enapeco': –Da aÿim ñishitaique da namayi nachi 'eetai' qome da nca'altauec, chochi ivitta'a qom aÿim ñi'iguelaq, qalaxayi ¡'auauaqta'a qome; sa ishit da 'atapegueu'a namayi! 'Am, qalaxayi aÿim qoquegue.

Mateo 10:38

Qataq cam aÿim quegue da huo'otaq sa ishit da lhuennataxa da nai'ctaxa da aÿim ileetalec, nachi camayi sa ishit da ÿalamaxat.

Filipenses 1:20

Cha'ayi aÿim da shiitapeguec qataq dam ñaquitta'a da sa ishit qome da huo'o ca ñi'aloxootaique. Chaqdata da qaica ca shi'itaique da sa'aqtaxaatac, da yaqto' 'eeta'am nagui, huo'otaq dam sata'ague, da aÿim chigoqchigui da nquictashiguem da qaila'a da l'amaqchic so Cristo, nagui da ña ñica'altauec, huo'otaq da mashi seleu.

Juan 12:33

Qaq de'eda 'enac, damayi naigui da 'eetec da l-leuaxa qom ileu.

Juan 18:32

Huaña, nachi ÿataqta ipacchigui da 'enapec so Jesús co'ollaq i'axata'a da 'eetec qome da nalaataguec.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Mateo 19:28

Nachi so Jesús 'enapeco': –Ÿataqta 'eesa de'eda qami' sa'axatema da que'eca na'a'q, qom mashi qanadalaxat 'enauacna, qom mashi ivita ca laloqo' da na shiÿaxaua llalec nso'oongui aca nso'onaxaqui mayi qaica ca 'en'am da lli'oxoyic da nta'a, nachi qami' mayi aÿim qauca'achiitague' nataq'en qanso'oñiinguilo caua doce nso'onaxaqui' na nta'a, da yaqto' qanmichi na llalaqpi soua doce llalqa so Israel.

Mateo 8:22

Nachi so Jesús 'enapeco': –Aÿim 'auca'ategue, 'au'axaÿa'a nam 'ico' leuaxaicpi da ña ilayiñi nam lqatacpi.

Juan 21:18

Qaq ÿataqta 'eesa de'eda 'am sa'axatem nagui, da co'ollaq ñaq 'am nsoqolec, qalaq 'am maichi 'ai'aayiñi naua 'ogo da 'an'ot qataq 'am maichi 'oiqueetac ca 'aigue. Qalaxayi da ivita da 'am ÿi'axaiquiolec, nachi 'am 'ai'aatrauec naua 'adhua'q, qaq ÿaqa'a ca 'am n'otaxanaxan, qataq 'am qaÿaueegue cam sa ishit da ÿoqta 'atapeegue.