Juan 20:26 - Nuevo Testamento Toba Sur

²⁶ Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.

Nuevo Testamento Toba Sombrero Negro

²⁶ Qama'le joca'li yenoĝodegue jaa'me ocho noloqo'ote, jogaa'me napaĝaguenataqa yitaĝa nalo'ta't da'me yema'a'ajalo, netedaue ga'me emec, qama'le nach'e ena'am 'uo ñe'me Tomás. Yataqata napadichigui ga'me najom joca'li, qalaĝaja ñe'me Jesús yitaĝa yenoĝoneua'alo jogaa'me, qama'le yitaĝa yep'iye'n da'me uañe laeñi jogaa'me, enaac: —¡'Nemaĝac ami uetauelo!

La'aqtaqa Ñim Lo'onatac 'Enauacna 2013

²⁶ Qaq co'ollaq mashe ivi' naua ocho na'axa'te, nache soua napaxaguenataqa qaltaq lapoota'a't da huetra'a so nỹec, nache ỹalectauo so Tomás da hueta'agueta soomaye. Qaq na'aictaxa da ỹataqta ỹapochigui so lasom, qalaq So Jesús pa'auo, nache vichiguinguilo soomaye. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da qarlagaxayiqui.

Juan 20:26 Referans Kwoze

Juan 20:19

Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

Juan 20:21

Ime, nachi so Jesús qaltaq 'enapegalo soomayi, 'eeta': –Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.

Juan 14:27

Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Lucas 9:28

Qaq co'ollaq mashi inoxoodeec soua ocho na'axa'te da nasaxauec de'eda so Jesús, nachi nqo'ooshiguemec aso qasoxonaxa da nqouagaxauen, nnaictagueto soua Pedro, Santiago, qataq so Juan.

Mateo 17:1

Qaq co'ollaq mashi inoxoodeec soua seis na'axa'te, nachi so Jesús ÿauec so Pedro qataq soua nqaÿa't Santiago qataq Juan. Nachi ndotreec soomayi, nnaicapegueto da nqo'ooshiguemque aso saqaÿoqotchiguemec 'alhua.

Marcos 16:14

Qaq co'ollaq qaÿata'ague de'eda, nachi so Jesús nachaxanalo soua once lapaxaguenataqa, co'ollaq soomayi nso'ootrañi, datatalguete ca nqui'axala'. Nachi somayi nlaxaiguilo soomayi, souaxat da qaica ca lpi'iÿaxa'c qataq da ÿataqta qadamchiguilo naua lquiyaqte, cha'ayi sa ishit da i'amaqte'n nam nauane' somayi da mashi qaltaq qanca'alaxateec.

Lucas 24:36

Qaq ña qan'aqtaxaatapigui de'eda, co'ollaq so Jesús nachatchiguingui na laiñi somayipi. Nachi iquin, 'eeta': –Ÿataqta huo'o da qadlagaxayiqui qome.

Juan 11:16

Nachi som Tomás mayi qaÿamata'ac da huaya' 'enapegalo' soua lÿa't mayi napaxaguenaxa'u, 'eeta': –Qolaq nataq'en qomi', yaqto' nataq'en qadleuaxaua damayi.

Juan 21:1

Qaq co'ollaq ime de'eda, nachi so Jesús qaltaq nachaxanalo soua lapaxaguenataqa huaña yi loigue aso lapel mayi huaña yi Tiberias. Qaq da 'eetec co'ollaq nachaxanalo, 'eeta':

Juan 21:14

Qaq 'eda da 'eetec co'ollaq mashi ivi' na tres da ÿi'iguelaxalec da nachaxanalo soua lapaxaguenataqa co'ollaq ime da mashi qaltaq nca'aleec.

Hechos 1:3

Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.