Juan 20:1 - Nuevo Testamento Toba Sur

¹ Qaq som l'auaxanec na'a'q naua na'axa'te, nachi aso María mayi lashi yi Magdala, asomayi tauga aso huachiqui co'ollaq nte'etom. Qaq co'ollaq ña napaltañi, nachi asomayi ila'a da so coma' mayi lapoxot aso huachiqui da mashi qanqat.

Nuevo Testamento Toba Sombrero Negro

¹ Joca'li ne'teta jo'me nolo' jo'ne domingo, queda'me joote yenoĝonegue jo'me nolo' jo'ne niyamaqatac, qama'le María jo'ne Magdala laje dajoyi jaga'me napa'l lae't, qama'le yauana ga'me qa' jo'ne lapadenaĝat joga'me nadiiuo da'me joote qonaqat.

La'aqtaqa Ñim Lo'onatac 'Enauacna 2013

¹ Qaq som la'auaxanec na'a'q naua na'axa'te, nache aso María maye lma' ye Magdala, asomaye tauga aso huachiqui co'ollaq nte'etom, co'ollaq ñaq napaltañi, qaq co'ollaq mashe saqaỹapeque aso huachiqui, nache asomaye ila'a da so coma' maye lapoxot asomaye da mashe qanqat.

Juan 20:1 Referans Kwoze

Marcos 16:9

Qaq co'ollaq mashi qaltaq qanca'alaxateec so Jesús se'eso l'auaxanec na'a'q, nachi somayi hua'auchiguiñi da nachaxana aso María mayi lashi yi Magdala, asom i'odauec co'ollaxa so siete l'ecpi leguemaxaicpi.

Mateo 27:60

Nachi ÿachangui aso maichi lalamaqte nhuachiqui mayi damaxasoxoolec co'ollaxa da qanshi' da qoÿanaigui so coma'. Qaq co'ollaq imat da ÿapogui asomayi so coma' lta'adaic, nachi jec.

Marcos 15:46

Nachi so José deshijnaxana so hualoq lapagaxaic nsaxaatac, nachi nqajñi so l'oquiaxac so Jesús, nachi ÿaxategue. Qaq co'ollaq ime, nachi ÿachaigui aso huachiqui mayi naigui aso coma', nachi ÿapogui asa'aso huachiqui, dapoxona so coma' lta'adaic.

Juan 20:26

Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.

Juan 19:25

Qaq se'eso npe'enaxaqui so Jesús nachi huetau'a na laÿi aso late'e, qataq aso lqaÿa, qataq aso lÿa María mayi lhua so Cleofás, qataq aso María mayi lashi yi Magdala.

Apocalipsis 1:10

Qaq huetoigui so na'a'q mayi laloxoqui da qaÿi'oxoden so qadataxala', co'ollaq aÿim nvita da sootaigui da l'añaxac so Espíritu Santo. Nachi sa'axaÿa co'ollaxa so lta'adaic nvilÿaxac, chimaxague na ilaq, 'eeta'am na l-lamaxa ana nashiide.

Mateo 27:64

Qaq ÿoqo'oyi no'on da qanauanalec qome añi laÿi', chochi ivitta'a da inoxoodeec caua tres na'axa'te, yaqto' sa ishit da anac qome na lapaxaguenatacpi da pe da decachiÿa da l'oquiaxac, ime, qaq 'enapega na shiÿaxauapi, 'eeta': “Nca'aleeguesop na leuaxaicpi somayi.” Huaña qome, nachi que'eca pa'ateec nashipegaxanaxac ÿataqta saq 'ena'aÿa', sa ishit da 'eeta'am so hua'auteec nashipegaxanaxac.

1 Corintios 16:2

Da iviteuga ca na'a'q l'auaxanec naua la semana, nachi ñi 'oonolec da qoñiita huo'o aca iÿotauga, qalaxayi acatai' nalotau'a nachaca ÿaÿamaxat, yaqto' sa ishit da iuen da qai'ot aca ntaunaxanaqte qom qami' sevitalo.

Hechos 20:7

Qaq so l'auaxanec na'a'q naua na'axa'te, nachi huo'o so qalaponaxac, da yaqto' sachiguenaq ana pan. Nachi so Pablo ÿapaxagueetac na 'amqajnataxanaxaicpi. Qaq cha'ayi somayi huotaique da jec so lÿa na'a'q, nachi ÿataqta quetot da l'aqtaxanaxac, chochi ivitta'a da laiñi so pe.

Mateo 27:56

Qaq se'eso 'alpi ÿalectauo aso María mayi lma' yi Magdala, qataq aso lÿa María mayi late'e so Santiago qataq so José, qataq aso late'e' soua llalqa so Zebedeo.

Mateo 27:66

Nachi somayipi jec, da yaqto' qanauanalec qanqoÿin aso huachiqui, qataq qoÿanagui aso l'anaqte so coma' mayi lapoxot aso huachiqui. Nachi qan'onaxatrañi soua huataxanaq lashi', da yaqto' nauaatralec asomayi.

Mateo 28:1

Qaq co'ollaq mashi inoxoneec so na'a'q mataxaqui, nachi mashi yi'oxoguejda so l'auaxanec na'a'q. Nachi aso María mayi lashi yi Magdala, qataq aso lÿa María, soomayi nqo'oodeuga aso huachiqui.

Mateo 28:2

Nachi nque'elaxatta da huo'o so lacholaxanaxa ana 'alhua, cha'ayi so lamaxashic piguem l'ec ñi qadataxala', somayi chigoqtot na piguem da naÿaña aso huachiqui. Nachi nqat so coma' lta'adaic mayi lapoxot asomayi, nachi nso'ootalec.

Juan 11:38

Qaq so Jesús qaltaq nomteguet da 'eeta lta'adaic, nachi nqochineu'a aso huachiqui. Qaq asa'aso huachiqui 'eeta'am na chochi auac, qaq huo'o so lapoxot coma' som ñigueuo.

Juan 11:41

Nachi qanqateec so coma'. Nachi so Jesús ÿamato'ot na piguem, nachi 'enapeco': –'Am ita'a, 'am sanot da ñi'achiquiaxac, cha'ayi 'am aÿim 'au'axaÿa.