Juan 2:18 - Nuevo Testamento Toba Sur

¹⁸ Nachi na judiopi inattac somayi, 'eeta': –¿Négue't ca n'anec qomi' 'auachaxanalo, da yaqto' ishit da 'am sa'amaqtenaq da ÿoqta 'eesa huo'o ca qonec da 'au'ot de'eda?

Nuevo Testamento Toba Sombrero Negro

¹⁸ Jogaa'me judiopi lajoĝola'te male yena't: —¿Jach'e ga'me 'nanec jo'ne qo'mi aualoĝonalo qaedi jayatenaq queda'me 'uo da'me adejaliaĝa jo'ne en auaqanatet ta'le aua'uo da'me dojo'?

La'aqtaqa Ñim Lo'onatac 'Enauacna 2013

¹⁸ Nache so lataxala'pi na judiopi inattac Somaye, 'eeta': –¿Negue't ca na'anec qomi' 'auachaxanalo, da yaqto' ishet da 'am sa'amaqtenaq da ỹoqta 'eesa da huo'o ca qonec da 'auo'ot de'era?

Juan 2:18 Referans Kwoze

Juan 6:30

Nachi qainat somayi, qoÿiita': –Qaq ¿négue'to' ca n'anec ishit da qomi' 'auachaxanalo, da yaqto' seloxogui, nachi ishit da 'am sa'amaqtenaq? Qaq ¿négue't cam 'au'ot?

Hechos 5:28

–Qomi' mashi qami' sellaqpeguema co'ollaxa da sa ishit da qauapaxaguenataxañiic da l'enaxat so Jesús, qalaq ¿huá'ague ca 'eetec de'eda qau'ochi? Qami' mashi qanlaxachiichigui 'enauac na Jerusalén da qadapaxaguenataxanaxaqui, qataq qanshiitaique da qomi' qauasaqailguete da l-leuaxa se'eso shiÿaxaua da qadasouaxashit.

Hechos 4:7

Nachi qaÿamaxasoxonalo da qanaviguiyi' so Pedro qataq so Juan. Nachi qanachaalataxanguilo na laiñi, nachi qainatta'pe, qoÿiita': –¿Négue't cam l'añaxac, huo'otaq cam l'enaxat de'eda qau'onataxañiitega da qau'ochi de'eda?

Juan 1:25

Nachi somayipi inattac so Juan, 'eeta': –Qalaq ¿tá'ainco' qone' yi 'auachilaxanataxan, yi sa ishit da nachi'am que'eca nta'a nca'alaxaqui, qataq sa ishit da nachi'am Elías, huo'otaq que'eca n'aqtaxanaxanec mayi qoÿinac naÿa'cna?

Lucas 11:29

Qaq ÿataqta nquictauec na shiÿaxauapi mayi laponeu'a so Jesús. Nachi somayi detaqa, 'eeta': –Ne'ena shiÿaxauapi nagui ÿataqta qauemaicpi, qataq iÿaxaataique da qai'ot cam n'anec mayi sa qaÿauanapega. Qalaxayi sa ishit da qaltaq qoÿan camayi, chaqsota som n'anec mayi qai'otec co'ollaxa so l'aqtaxanaxanec ñi Dios, l'enaxat Jonás.

Marcos 8:11

Nachi anac na fariseopi da huotaique da ncotaÿapegue' so Jesús. Qaq qaiÿaxanot somayi, da yaqto' ÿachaxan cam n'anec mayi sa qaÿauanapigui da chigoqo'ot naq'en na piguem. Qalaxayi somayi chochi qaÿi'iguen.

Mateo 21:23

Nachi so Jesús huenoxoneu'a aso n'onaxanaxaqui late'edai. Qaq co'ollaq ña dapaxaguenataxaatac, nachi nqo'oneu'a somayi nam lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios qataq nam lquedoxonecpi na judiopi. Nachi inattac somayi, 'eeta': –¿Huá'ague ca 'auachigoxota'ague ca 'an'aqtac da huo'o mshi 'au'ot de'eda? ¿Négue't ca 'am ÿanem de'eda 'adamaxasoxonaxac?

Juan 1:19

Na judiopi mayi lma' yi Jerusalén ÿamaq na ntaxaÿaxanaxanecpi da qaitaxaÿapegue' ñi Dios qataq nam Leví llalaqpi mayi ltaua namayipi da nnataxana so Juan da chaq negue'tso somayi.