Juan 19:4 - Nuevo Testamento Toba Sur

⁴ Nachi so Pilato qaltaq pa'auec, nachi 'enapego' somayipi, 'eeta': –Ña qauloÿa, nagui damayi ñaqateec, yaqto' ishit da qauaÿajñiita da aÿim qaica ca sanata lasouaxashit damayi.

Nuevo Testamento Toba Sombrero Negro

⁴ Ñe'me Pilato yitaĝa yenoĝonegue, qama'le t'aqataĝanema ga'me judiopi, enaac: —Auec'achiñe jenjo' jo'ne ami ñauegalo, qaedi auayachiñe da'me qaya'te loec ta'le jauana.

La'aqtaqa Ñim Lo'onatac 'Enauacna 2013

⁴ Nache so Pilato qaltaq pa'auec, nache 'enapego' somayepi, 'eeta': –Ña qauloỹa, nagui damaye ñeqatec yaqto' ishet da qauaỹaañita da aỹem qaica ca sanata lasouaxashet damaye.

Juan 19:4 Referans Kwoze

Juan 19:6

Qaq co'ollaq qaila'a somayi, nachi na lataxala'pi na ntaxaÿaxanaxanecpi da qaitaxaÿapegue' ñi Dios qataq nam maichi nhuataxanaqpi, somayipi i'alqagui. Nachi 'eeta': –¡Qaiuaxaneuo qome damayi! ¡Qaiuaxaneuo qome damayi! Nachi so Pilato 'enapego' somayipi, 'eeta': –Qauaviquiiuec qone' damayi, nachi maichi qauaxañiiuo, cha'ayi aÿim sa ishit da huo'o ca sanata lasouaxashit damayi.

Juan 18:38

Nachi so Pilato 'enapego' somayi, 'eeta': –¿Chaq négue't cam 'eesa lataxac? Qaq co'ollaq imat de'eda nnataxanaxac so Pilato, nachi qaltaq pa'auec da da'aqtaxanem so judiopi, 'eeta': –Aÿim sa ishit da huo'o ca sanata lasouaxashit de'eda shiÿaxaua.

Lucas 23:4

Nachi so Pilato 'enapega som lataxala'pi nam ntaxaÿaxanaxanecpi qataq som shiÿaxauapi, 'eeta': –Aÿim sa ishit da huo'o ca sanata lasouaxashit de'eda shiÿaxaua.

Lucas 23:47

Nachi som lataxala' so huataxanaqpi co'ollaq ÿauaachigui de'eda, nachi ÿi'oxoden ñi Dios, 'eeta': –Ÿoqta 'eesa ñi'iñi shiÿaxaua da qaica ca ÿasouaxat.

1 Juan 3:5

Cha'ayi qami' mashi qauaÿajñi da so Jesucristo somayi anaÿa ana 'alhua, da yaqto' ÿapalaxat 'enauac na qadasouaxashitpi. Qaq somayi ÿataqta qaica ca 'oonolec lasouaxashit.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

1 Pedro 2:22

Somayi sa ishit da huo'o ca lasouaxashit, qataq sa ÿauango' da huo'o ca ÿatenachit.

1 Pedro 1:19

cha'ayi nachisouate' soua ltago'q so Cristo mayi ÿataqta lta'adaic da lashiichiÿaxa'c co'ollaq 'eeta'am ca qagueta llalec mayi qaica ca lque'emaxa qataq qui'itta da qaÿalauat nachi qoÿaneuo da qaÿavigaxat.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

Lucas 23:41

Qomi' ÿoqta 'itchiguiñi dam qanque'ejnaxac, cha'ayi maichi seshiitenaqtac dam naigui nam so'otaqpi. Qaq ñim ña' shiÿaxaua, qalaxayi sa ishit da huo'o ca i'ot qauem.

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Mateo 27:24

Qaq so Pilato co'ollaq ila'a da sa ishit da ÿañoxot so shiÿaxauapi, chaqdata da nquictashiguem somayipi da lliÿa't, nachi somayi damaxasoxonaique so 'etaxat. Nachi somayi ÿauaachigui naq'en so shiÿaxauapi da iÿoi' naua lhua'q, nachi 'enapeco': –Aÿim sa ishit da ÿasouaxashit da l-leuaxa de'eda shiÿaxaua mayi qaica ca ÿasouaxat. Qaq damayi maichi qadasouaxashichi.

Mateo 27:19

Qaq so Pilato co'ollaq ña nso'ootaña so l'onataxanqa', nachi aso lhua namaxai' da l'aqtac, 'eeta': “Sa ishit qome da 'aÿapegueu'a que'eca shiÿaxaua mayi no'on da lataxac, cha'ayi so pe ÿataqta qaica ca 'en'am da lchic so ichoxonaxac, souaxat camayi.”

Mateo 27:4

Nachi 'eetega somayipi, 'eeta': –Aÿim huo'o da ÿasouaxashit, cha'ayi sanguet da nalaataguec so shiÿaxaua mayi qaica ca ÿasouaxat. Qalaxayi somayipi 'enapeco': –Aque', ¡Damayi sa ishit da qomi' saqtapegueu'a! ¡Damayi maichi 'adasouaxashit!

Hebreos 7:26

Qaq ÿoqo'oyi so Jesús nachiso so 'oonolec qadtaxaÿaxanaxanec da detaxaÿapegue' ñi Dios mayi seuenaqtac. Cha'ayi somayi ÿataqta qui'itta, sa qauem da lataxac, qataq qaica ca lasouaxashit, qataq sa ishit da nhuoiguet qanqoÿin na 'itaxaloxoicpi, qataq somayi neta'ague qanqoÿin da laÿi na piguem.

Juan 18:33

Nachi so Pilato qaltaq ÿi'iguelaxaigui so lma', nachi iÿaxaneuga so Jesús, nachi inattac, 'eeta': –¿Peta'a nachi'am lta'a na judiopi?