Juan 18:4 - Nuevo Testamento Toba Sur

⁴ Qalaxayi so Jesús, yi mashi sogote ÿaÿateetac 'enauac dam huaigui, nachiso mayi huaqata'aguet somayipi, nachi inattac, 'eeta': –¿Négue't ca qanmichiitaique?

Nuevo Testamento Toba Sombrero Negro

⁴ Qalaĝaja ñe'me Jesús joote yayaten yema da'me lajouaĝac qoyen qomle, qama'le chiyoqotouelo jogaa'me lapaĝaguenataqa qama'le yena't joga'me coicopi: —¿Jach'e ga'me anechetaque?

Juan 18:4 Referans Kwoze

Juan 13:1

Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Juan 18:7

Nachi so Jesús qaltaq ÿi'iguelaxalec da denataxan, 'eeta': –¿Négue't ca qanmichiitaique? Nachi somayipi 'enapeco': –Qomyi ñimitaqtaique ca Jesús mayi Nazaret l'ec.

Hechos 2:28

Qataq aÿim 'auachaxana so nqa'aic mayi taÿa'a da nca'alaxa, qataq ÿataqta aÿim nlaqchigui da ñitonaxac, cha'ayi aÿim qoueta'aguet.

Juan 19:28

Qaq co'ollaq ime de'eda, nachi so Jesús ÿaÿaten da mashi ipacchigui 'enauac nam qai'axat co'ollaxa, da yaqto' ipacchiguilo naua nanettrañi n'aqtaqa. Nachi 'enapeco': –Huo'o na ÿaquip.

Juan 13:11

Somayi 'enapec de'eda, 'eeta': “Sa ishit da imauec da ÿoqta qami' qui'itte',” cha'ayi somayi ÿaÿateetac da huo'o som huotaique da ÿaneuo somayi.

Juan 6:64

Qalaxayi ñaqaiyita huo'o da qoñiita na sa ishit da da'amqajnataxan. Qaq 'enapec de'eda so Jesús, cha'ayi nal'ena da ÿaÿaten co'ollaq chita'ague da do'onataxan nam sa ishit da da'amqajnataxan qataq som huotaique co'ollaxa da ÿaneuo somayi.

Lucas 24:44

Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Mateo 26:31

Nachi so Jesús 'enapeco': –'Enauac da qoñiita aÿim qaualachiÿa'a't na pe. Cha'ayi nachi 'enapec naua ñiyigui'shi l'aqtaqa ñi Dios, mayi 'eeta': “Salauat qome ñim ilotague' ana qagueta, nachi ana qaguetapi qome nlagaxattac.”

Mateo 26:21

Qaq co'ollaq ña deque'eta'pe, nachi 'enapeco': –Ÿataqta 'eesa de'eda qami' sa'axatema da ñi 'oonolec da qoñiita aÿim ÿaneuo.

Mateo 26:2

–Qami' qauaÿajñi da qom inoxoodeec ne'enaua dos na'axa'te, nachi nnoxoneuo ca na'a'q mayi huetoigui da qaiuennate so na'a'q co'ollaq qanayica'ai yi Egipto. Nachi na shiÿaxaua llalec qome qoÿaneuo, da yaqto' qaiuaxaneuo.

Mateo 16:21

Qaq huaña, nachi so Jesús ÿataqta da'aqtaxaatema soua lapaxaguenataqa, 'eeta': –Aÿim saigue da Jerusalén. Qaq huaña qome yimayi, nachi na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na lqataxacpi so Moisés, namayipi ÿataqta qalota qome naq'en da ñique'ejnaxac, qataq aÿim qaÿalauat. Qalaxayi qom mashi inoxoodeec caua tres na'axa'te, nachi qaltaq ñica'aleec.

1 Pedro 4:1

Qaq ÿoqo'oyi de'eda 'eetec da so Cristo huo'o da nque'ejnaxac da l'oquiaxac, qami' nataq'en sa ishit da huo'o ca qai'iquiitega da qanque'etaxañi. Cha'ayi cam huo'o da nque'ejnaxac da l'oquiaxac, camayi ca'ai da ñi'itaxaloxo,

Juan 18:5

Nachi somayipi 'enapeco': –Qomyi ñimitaqtaique ca Jesús mayi Nazaret l'ec. Nachi so Jesús 'enapeco': –Qomyi nachaÿim. Qaq so Judas mayi nachiso so ÿaneuo, somayi nataq'en ÿalectaigui somayipi.