Juan 18:17 - Nuevo Testamento Toba Sur

¹⁷ Nachi asa'aso lasom l'o inattaco' so Pedro, 'eeta': –¿Sa ishit peta'a da nachi'am nam lapaxaguenatacpi de'eda shiÿaxaua? Nachi so Pedro 'enapeco': –'A'i, sa ishit da nachaÿim.

Nuevo Testamento Toba Sombrero Negro

¹⁷ Jaga'me jom lo'o yenat joñe'me Pedro: —¿Qo'li ja am 'te lapaĝaguenatac laqaya da'me dojo' jiyaĝaua? Pedro 'yateguet jaga'me: —Ja naqayem.

La'aqtaqa Ñim Lo'onatac 'Enauacna 2013

¹⁷ Nache asa'aso lasom lo'o inattaco' so Pedro, 'eeta': –¿Saishet peta'a da nache 'am 'oonolec nam lapaxaguenatacpi de'era ỹale? Nache so Pedro 'enapeco': –'A'i, saishet da nachaỹem.

Juan 18:17 Referans Kwoze

Juan 21:15

Qaq co'ollaq ime da nqui'axac, nachi so Jesús inat so Simón Pedro, 'eeta': –'Am Simón mayi 'am llalec so Jonás, ¿peta'a ÿacteec da aÿim 'auauotec, qaq sa ishit da qoneta'am ne'ena 'adaÿipi da aÿim ÿauotec? Nachi so Pedro 'enapeco': –Aja', 'am ÿataxala', 'am 'auaÿaten mque' da 'am sauotec. Nachi so Jesús 'enapego' somayi, 'eeta': –'Antela'a qone' na ilopi qagueta llalaqpi.

Juan 18:25

Qaq so Pedro ñaq queto'ot da nachattañi, ntootapigui so nodec. Nachi qaltaq qainattac, qoÿiita': –¿Sa ishit peta'a da nachi'am 'oonolec nam lapaxaguenatacpi de'eda shiÿaxaua? Nachi so Pedro qataq nqolguettac, 'eeta': –'A'i, sa ishit da nachaÿim.

Juan 18:16

Qaq som Pedro, qalaq pa'ataueegue da laÿi so lasom. Qaq ÿoqo'oyi ishit da pa'auec se'eso napaxaguenatac mayi maichi nauattonaxaua som lataxala' na ntaxaÿaxanaxanecpi. Nachi somayi detaxaÿapegue' asom ilotague' so lasom, nachi ipa'axaneuo so Pedro.

Lucas 22:54

Nachi qaÿaconeu'a so Jesús da qaicoñi', nachi qaÿauegueu'a ca lma' som lataxala' na ntaxaÿaxanaxanecpi da qaitaxaÿapegue' ñi Dios. Nachi so Pedro ca'attau'ogue somayi.

Mateo 26:33

Nachi so Pedro 'enapeco': –Nai'ctaxa da 'enauac 'am qaÿalata'a't, qalaxayi aÿim sa ishit da 'am salat.

Hechos 12:13

Qaq somayi co'ollaq iuaxaatapegueu'a so lasom som qasoxoc, nachi huo'o aso qa'añole, l'enaxat Rode, npa'auga da chochi nalliuga.

Juan 18:8

Nachi somayi 'enapeco': –Mashi qami' shiitegalo mque' da nachaÿim. Da ÿoqta 'eesa da aÿim qanmichiitaique, qaq no'on da qauauaqaita'a ne'ena ÿaÿipi da jec.

Juan 18:5

Nachi somayipi 'enapeco': –Qomyi ñimitaqtaique ca Jesús mayi Nazaret l'ec. Nachi so Jesús 'enapeco': –Qomyi nachaÿim. Qaq so Judas mayi nachiso so ÿaneuo, somayi nataq'en ÿalectaigui somayipi.