Juan 16:7 - Nuevo Testamento Toba Sur

⁷ Qalaxayi ÿataqta 'eesa de'eda qami' sa'axatema, mayi 'eeta': Aÿim ÿaÿamaqchiguiñi da ashic souaxat da qoñiita. Cha'ayi da sa ishit da ashic, nachi sa ishit qome da anac da qami' hueta'agueta cam qami' itaua'n qataq qami' i'añaqchi't. Qalaxayi da aÿim ashic, nachi ñamaq qome camayi.

Nuevo Testamento Toba Sombrero Negro

⁷ Qalaĝaja ami ja'aĝatema da'me jo'ne eja: yataqachiñe 'noota da'me jec. Ta'le ja jec, qama'le ñe'me Necochaĝaua ja novitequena qama'le ja ami 'te uetauelo; qalaĝaja qom jec, qama'le ñamaĝaquena.

La'aqtaqa Ñim Lo'onatac 'Enauacna 2013

⁷ Qalaxaye ỹataqta 'eesa de'era qami' sa'axatema, maye 'eeta': Aỹem ỹaỹamaqchiguiñi da ashec souaxat da qoñiita. Cha'aye da saishet da ashec, nache ca Saqcha'a Na'añaxac maye qami' itaua'n qataq qami' ỹa'añaqche't saishet da anac. Qalaxaye da Aỹem ashec, nache ñamaq Camaye.

Juan 16:7 Referans Kwoze

Juan 14:26

Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

Juan 15:26

Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

Romanos 8:28

Cha'ayi qomi' saÿajnaqta da ñi Dios ÿaqataxanai' 'enauac na lataxaguesat da ÿauotaique chigoqchigui naq'en da ÿaÿamaxatchiguiñi da lliquiaxac nam ÿauotec ñimayi mayi maichi lÿaxanataguishicpi co'olloxochiyi da ÿauotaique nca'alaxateec.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

Juan 7:39

Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

Lucas 24:49

Qaq aÿim qome qami' ñamaxalo cam ÿachaxanapec co'olloxochiyi ñi ita'a. Qalaxayi nachi qoviita'a qome na la ciudad Jerusalén, to' qom mashi qauacoñiiguet cam n'añaxac mayi chigaqshiguem.

Hechos 10:34

Huaña, nachi so Pedro da'aqtaxan, 'eeta': –Nagui aÿim saÿaten da ñi Dios ÿoqta 'eesa da sa ishit da lca'atagui 'enauac na shiÿaxauasat.

Juan 14:28

Qaq mashi aÿim qau'aqaitega da aÿim ashic, qataq ñi'iguelaq, da yaqto' qaltaq qami' soota'agueta. Qaq da ÿoqta 'eesa da aÿim qauauochiic, nachi ishit da qauamaichiguiñi, da qauaÿajñi da aÿim saÿa ñi ita'a; cha'ayi ñimayi aÿim napacalec da l'amaqchic.

Juan 14:3

Qaq qom mashi ime da ashic da saqataxanai' ca qadmayi, nachi qaltaq ñi'iguelaq da qami' saue'c, yaqto' qami' nachi 'eetai' da aÿim qoviita'aguet que'eca soota'a.

Lucas 9:27

Ÿataqta 'eesa da qami' sa'axatema da huo'o nagui na ÿalectauo da saxanaxa qome da ileu qom huo'otaq saxanaxa da ilogui da 'eetec qom ilo'ogue 'enauacna ñi Dios.

Lucas 4:25

'Eesa da ÿoqta qalota anam pa'aipi nam llalaqpi so Israel so na'a'q co'ollaq huo'o so l'aqtaxanaxanec ñi Dios l'enaxat Elías, co'ollaq qaica ca auot soua tres vi'iyi qataq soua seis ca'agoxoiqa. Nataq'en ÿataqta qalota na nqouaxa 'enauac se'eso 'alhua.

2 Corintios 4:17

Cha'ayi nam qanque'ejnaxaco nagui de'eda qanachaalataxac, naamayi saq 'amaqtachi qataq saqaÿaloq da inoxoodeec, qaq nachinaua na qomi' i'otegueta cam ÿataqta lta'adaic ñi'oxoyic mayi qaica ca loga't, qaq saq 'en'am na qanque'ejnaxacpi.

Juan 16:8

Qaq qom ivita da anac camayi, nachi ÿaÿajnaxanaxanec nam shiÿaxauapi mayi huetalec ana 'alhua da 'itaxaloxoicpi, qataq da huo'o ca nqa'aic mayi ÿaÿamaqchiguiñi, qataq da ñi Dios ÿauo'o qome ca nhuaxanaguec namayipi.