Juan 16:32 - Nuevo Testamento Toba Sur

³² Qalaxayi nagui mashi ivita yi laloqo', qaq nachina nagui na huetoigui, da qami' qanlagaxachiitac qome, ñi 'oonolec maichi ÿoiqueetac ca dataigue, nachi aÿim qaualachiÿa'a't qome. Qalaxayi aÿim sa ishit da aÿim 'oonolec, cha'ayi ñi ita'a aÿim hueta'aguet.

Nuevo Testamento Toba Sombrero Negro

³² Qa'a male jayem novita da'me yaloqo', nataq'aen da'me nach'ena jenjo' nolo' da'me adelagaqai ami onolqa'tape naa'me ayiyapegue'galo, qama'le jayem aueñi onolec. Qalaĝaja ja jayem 'te onolec qa'a ñe'me Taĝadena' jayem ue'tajop.

La'aqtaqa Ñim Lo'onatac 'Enauacna 2013

³² Qalaxaye nagui mashe nayeeta'a da ivita ye laloqo' da qami' qauataiuec, ñi 'oonolec maiche ỹoiqueetac ca dataigue, nache Aỹem qaualachiỹa'a't qome. Qalaxaye Aỹem saishet da Aỹem 'oonolec, cha'aye Ñim Lo'onatac 'Enauacna maye Ita'a Aỹem hueta'aguet.

Juan 16:32 Referans Kwoze

Mateo 26:31

Nachi so Jesús 'enapeco': –'Enauac da qoñiita aÿim qaualachiÿa'a't na pe. Cha'ayi nachi 'enapec naua ñiyigui'shi l'aqtaqa ñi Dios, mayi 'eeta': “Salauat qome ñim ilotague' ana qagueta, nachi ana qaguetapi qome nlagaxattac.”

Juan 8:29

Cha'ayi ñim aÿim namaq, ñimayi aÿim hueta'aguet; ñim ita'a sa ishit da aÿim ndoqteeteec, cha'ayi aÿim sa i'atai' da so'ot cam ÿaÿamaxadeeta ñimayi.

Juan 8:16

Qalaxayi da huo'otaq ñimit ca nasouaxashit, qalaq ca imitaxanaxac ÿataqta ÿashicteec, cha'ayi sa ishit da ñidoteec da huo'o ca ñimit. Cha'ayi ñim ita'a mayi aÿim namaq, ñimayi aÿim itauan da huo'o ca ñimit nasouaxashit.

Marcos 14:27

Nachi so Jesús 'enapegalo soomayi, 'eeta': –'Enauac da qoñiita aÿim qaualachiÿa'a't ne'ena pe, cha'ayi nachi 'enapec naua ñiyigui'shi l'aqtaqa ñi Dios, 'eeta': “Salauat qome ñim ilotague' ana qagueta, nachi ana qaguetapi qome nlagaxattac.”

Mateo 26:56

Qalaxayi 'enauac de'eda qau'ochi damayi, yaqto' ipacchigui dam ÿiyiñi co'ollaxa da l'aqtaxanaxanecpi ñi Dios. Nachi soua lapaxaguenataqa n'onaxatchiguilo somayi. Nachi datadeec.

Juan 20:10

Nachi se'esoua napaxaguenataqa, soomayi ÿi'iguelaxadeu'a ca lma't.

Juan 16:25

Qaq qami' sa'axatema 'enauac ne'ena, qalaxayi sauota'alo naua ÿaloqnaxanqa'te. Qalaxayi natai' ca laloqo' da sa ishit qome da sauota'ai naua ÿaloqnaxanqa'te, chaqdata da ÿataqta qami' sa'axattema ñi ita'a.

Juan 16:2

Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Juan 4:23

Qalaxayi mashi ivita yi laloqo', qaq nachina nagui na huetoigui da nam ÿoqta 'eesa da ÿi'oxodeetac ñi qadta'a ishit da ÿi'oxoden ñimayi, qalaxayi saq cha'a da lli'oxonnataxanaxac qataq ÿataqta 'eesa. Cha'ayi ñi qadta'a nachida da 'eetapeguec da qaÿi'oxoden.

Juan 4:21

Nachi so Jesús 'enapeco': –'Am 'alo, aÿim 'au'amaqten qome, ten, mashi anatai' ca laloqo' da qami' sa ishit da iuen da qanqo'oñiishiguemec aña'añi qasoxonaxa, huo'otaq yi Jerusalén, da qanatamñiÿot ñi Dios.

Juan 12:23

Nachi so Jesús 'enapegalo soomayi, 'eeta': –Nagui mashi ivita yi laloqo' da na shiÿaxaua llalec qaÿauo'o da lli'oxoyic.

Juan 5:28

Qaq sa ishit qome da qau'aalaic de'eda, cha'ayi huo'o qome ca laloqo' da 'enauac na leuaxaicpi, da hua'axaÿa da lavilÿaxac namayi,

Juan 5:25

Qataq ÿataqta 'eesa de'eda qami' sa'axatema, da nagui mashi ivita yi laloqo', qaq nachina nagui na huetoigui da nam leuaxaicpi, da huo'otaq hua'axaÿa da lavilÿaxac na llalec ñi Dios, nachi cam ÿalaq nachi nca'aleec.

Marcos 14:50

Nachi 'enauac so lapaxaguenatacpi datauec, n'onaxatchigui so Jesús.

Hechos 8:1

Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.

Juan 16:31

Nachi so Jesús 'enapeco': –Qaq ¿'eesa peta'a da qami' qau'amqajnataxañi nagui?

Juan 19:27

Ime, qataq 'enapego' so lapaxaguenatac, 'eeta': –'Ada qome ada 'adate'e. Nachi chigoqchiguiña se'eso na'a'q da se'eso lapaxaguenatac ÿauegueu'a so lma' asomayi.

Hechos 21:6

Huaña, nachi ñaqapalaqtague' somayipi da ñicoyiguenaqtague', nachi senotaxau'a aso barco. Qaq somayipi ÿi'iguelaxau'alo naua lma'te.