Juan 16:2 - Nuevo Testamento Toba Sur

² Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Nuevo Testamento Toba Sombrero Negro

² Qa'a male ami qoyamaĝadegue qomle jogaa'me tamenaĝaiqui', nataq'aen yovida'a qomle da'me 'uo ga'me ami yala't queda'me eetedapega naq'aeta da'me loequenataĝanaĝac joñe'me Dios.

La'aqtaqa Ñim Lo'onatac 'Enauacna 2013

² Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Juan 16:2 Referans Kwoze

Juan 9:22

Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui.

Mateo 10:28

Qaq sa ishit qome da qayi'iÿai cam ishit da ÿalauat da n'oquiaxac, qalaxayi sa ishit da ÿalauat som lqui'i. Chaqdato' qome da qayi'iÿai añi Dios mayi ishit da nlaxajñi da n'oquiaxac qataq som lqui'i, da ÿasaxaña cam nhuaxanqa' na 'itaxaloxoicpi.

Apocalipsis 6:9

Qaq se'eso qagueta llalec can qaltaq nqat aso lÿa n'anaxanaqte, nachi sela'a na lqui'ipi nam qaÿalauat co'ollaxa, souaxat da ipacchigui da i'axattac da l'aqtac ñi Dios. Qaq namayipi hueto'ot na pa'aguiñi aso nca'atoxonaxalate.

Juan 12:42

Qalaxayi ñaqaiyita ÿataqta qalota na judiopi na i'amaqten so Jesús, ivida'a nam ÿataqta 'amaqtaqaicpi. Qalaxayi namayipi sa ishit da ÿataqta nachaxaata, souaxat da ñi'itega na fariseopi da huo'otaq ÿamaqhuec namayipi da huo'otaq huaigui ana naponaxaqui,

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

1 Corintios 4:13

Qomi' qaÿasaxalguete naua ntaxaÿaxaco sa ÿaÿamaxayiñi, qalaxayi huo'o da qadhualaxavic da saqataqtega. Qaq nagui ñaq 'eetalec da qomi' qai'enaxatteguema ca lasogoñi, huo'otaq na lte nam ÿasaxauec na shiÿaxauapi.

Hechos 7:56

Nachi somayi 'enapeco': –¡Ña qauloÿa! Aÿim sela'a da nauatoigui na piguem qataq ñim shiÿaxaua llalec, ñimayi nso'oota'ague da aloic ñi Dios.

Mateo 24:9

Huaña, nachi qami' qoÿaadeuo, da yaqto' qami' qaiuaxaata'pe, qataq da qami' qaÿalauat. Qataq 'enauac na shiÿaxauapi ÿataqta qami' nquiÿalo, souaxat da aÿim qoquiitague'.

Juan 9:34

Nachi qoÿinapego' somayi, qoÿiita': –'Am mayi ÿataqta 'ananacteueegue' na 'adasouaxashitpi, qalaq ¿tá'ainco' yi 'anshitaique da qomi' 'auapaxague'n? Huaña, nachi qaÿamaqhuec somayi asom laponaxaqui namayipi.

Hechos 5:33

Qaq co'ollaq qai'axaÿa de'eda, nachi somayipi ÿataqta dalemata, nachi qaÿauotaique da qaÿalaua't soomayi.

Juan 4:21

Nachi so Jesús 'enapeco': –'Am 'alo, aÿim 'au'amaqten qome, ten, mashi anatai' ca laloqo' da qami' sa ishit da iuen da qanqo'oñiishiguemec aña'añi qasoxonaxa, huo'otaq yi Jerusalén, da qanatamñiÿot ñi Dios.

Filipenses 3:6

Qaq da lataxac da qanayicteguelo naua 'ena'pe naua nqataxaco, qalaq ÿataqta sa ishit da huo'o ca aÿim qaÿasaxalec ÿasouaxashit.

Juan 4:23

Qalaxayi mashi ivita yi laloqo', qaq nachina nagui na huetoigui da nam ÿoqta 'eesa da ÿi'oxodeetac ñi qadta'a ishit da ÿi'oxoden ñimayi, qalaxayi saq cha'a da lli'oxonnataxanaxac qataq ÿataqta 'eesa. Cha'ayi ñi qadta'a nachida da 'eetapeguec da qaÿi'oxoden.

Juan 16:25

Qaq qami' sa'axatema 'enauac ne'ena, qalaxayi sauota'alo naua ÿaloqnaxanqa'te. Qalaxayi natai' ca laloqo' da sa ishit qome da sauota'ai naua ÿaloqnaxanqa'te, chaqdata da ÿataqta qami' sa'axattema ñi ita'a.

Juan 16:32

Qalaxayi nagui mashi ivita yi laloqo', qaq nachina nagui na huetoigui, da qami' qanlagaxachiitac qome, ñi 'oonolec maichi ÿoiqueetac ca dataigue, nachi aÿim qaualachiÿa'a't qome. Qalaxayi aÿim sa ishit da aÿim 'oonolec, cha'ayi ñi ita'a aÿim hueta'aguet.