Juan 16:17 - Nuevo Testamento Toba Sur

¹⁷ Nachi som lapaxaguenatacpi huo'o na nnattega't, 'eeta': –¿Chaq huá'ague ca 'eetec ca naigui da l'aqtac? Da 'eetega da saqaÿaloq qome da sa selaqa'a, qalaxayi nataq'en saqaÿaloq da qaltaq selaqa'a, cha'ayi souaxat da taigue da neta'ague ñi lta'a.

Nuevo Testamento Toba Sombrero Negro

¹⁷ Qama'le uo'oe gaa'me lapaĝaguenataqa jo'ne mach'e nenatetapega'ajalo: —¿Jach'e ga'me yelo'teguet da'me dojo' jo'ne qo'mi 'yaĝatema, da'me cha'li cada'ac da'me male ja jauanaĝa, nataq'aen da'me 'uo ga'me ja cop'a da'me yitaĝa jauanaĝa? ¿Jach'e ga'me eeta yec'ata ga'me neta'ña ñe'me Let'a?

La'aqtaqa Ñim Lo'onatac 'Enauacna 2013

¹⁷ Nache soua lapaxaguenataqa huo'oi soua maiche nnattega't, 'eetra': –¿Chaq negue't ca naigui de'era? Da 'eetega da saqaỹaloq da sa selaqa'a, qalaxaye nataqa'en saqaỹaloq da qaltaq selaqa'a. Qataq 'eetega da 'enauac de'era qome ipacchigui, cha'aye souaxat da taigue da neta'ague Ñim Lo'onatac 'Enauacna maye Lta'a.

Juan 16:17 Referans Kwoze

Juan 16:16

Qaq mashi yaqta'a da qami' sa ishit qome da aÿim qauloÿa'a, qalaxayi saqaÿaloq qome da qaltaq aÿim qauloÿa'a, cha'ayi aÿim saigue da neta'ague ñi ita'a.

Juan 16:5

Qalaxayi nagui aÿim ashic da ñoqo'ona ñim aÿim namaq; qaq sa ishit da huo'o ca 'oonolec da qoñiita da aÿim inattac da chaq hua'ague ca sataigue.

Marcos 9:32

Qalaxayi soomayi sa ishi't co'ollaxa da ÿaÿate'n de'eda qai'axattapeguema, qalaxayi ñi'iÿalguete da qaltaq denataxa'n.

Juan 16:19

Nachi so Jesús noma'a da huotaique da qainat, nachi 'enapega somayipi, 'eeta': –Aÿim shinapec da mashi saqaÿaloq da aÿim sa qauloÿa'a, qalaxayi saqaÿaloq qome da qaltaq aÿim qauloÿa'a. Qaq ¿nachida peta'a da qannachiitapigui qami'?

Juan 14:5

Nachi 'enapego' so Tomás, 'eeta': –'Am ÿataxala', qomi' sa saÿajnaq cam 'auataigue; ¿ca 'éeteco' da sauanaxa ca nqa'aic?

Juan 12:16

Qaq co'ollaq chita'ague, nachi soua lapaxaguenataqa sa ishit da ÿaÿate'n ca llic de'eda. Qalaxayi co'ollaq qaÿata'ague de'eda, co'ollaq mashi ime da qoÿanagui da lli'oxoyic so Jesús, nachi qaiuennate 'enauac nam nanettañi mayi i'axat da llic somayi, da 'enauac ipacchigui.

Lucas 18:34

Qalaxayi somayipi sa ishit da ÿaÿajneguet de'eda. Sa ÿaÿaten negue'to'ca cam qoÿiitega. Cha'ayi dam qai'axattac sa ishit da nqat cam naigui.

Marcos 9:10

Qaq ÿoqo'oyi soomayi ÿataqta ñi'imaxattre' de'eda lauanaqchi'c, qalaxayi nchimaxattrapigui da 'eetec ca naigui da qaltaq nca'aleeguesop da l-leuaxa.

Juan 16:1

Qaq nagui qami' sa'axatema de'eda, yaqto' sa ishit qome da qauashiiuec.

Juan 14:22

Qaq som Judas (som l'enaqteua so Iscariote) 'enapeco': –'Am qadataxala', ¿tá'ainco' da nachiqomaqta da qomi' 'anachaxanalo, qaq sa ishit da nataq'en 'anachaxana nam shiÿaxauapi mayi huetalec ana 'alhua?

Lucas 9:45

Qalaxayi so lapaxaguenatacpi sa ishit da ÿaÿaten de'eda qoÿiitega, cha'ayi sa ishit da qoÿanem da ÿaÿaten, qataq huo'o da lcolanaxa da denataxaalec da qai'axategue ca naigui de'eda n'aqtac.

Juan 16:18

Qaq ¿chaq huá'ague ca 'eetec de'eda 'eeta': “saqaÿaloq qome da aÿim sa qauloÿa'a?” Qomi' sa ishit da saÿajnaq chaq negue't ca 'eetega.