Juan 15:9 - Nuevo Testamento Toba Sur

⁹ Aÿim ÿataqta qami' sauoteque, shiita'am da 'eetec ñi ita'a da ÿataqta aÿim ÿauotec. Qaq qami' qome ÿataqta qoquiitegue da 'eetec da qami' sauoteque.

Nuevo Testamento Toba Sombrero Negro

⁹ Da'me jayem ami joqopitalo nach'e ena'am ñe'me Taĝadena' da'me jayem noqopita; da'me mach'e yoqopich'i 'noota qom nach'e eta't ami uetauelo.

La'aqtaqa Ñim Lo'onatac 'Enauacna 2013

⁹ Qaq da 'eetec Ñim Ita'a da ỹataqta Aỹem ỹauotec, qaq nache sheetec nataqa'en da ỹataqta qami' sauoteque. Qaq qami' qome ỹataqta qoquiitegue da 'eetec de'era ỹauotaxanaqtaic.

Juan 15:9 Referans Kwoze

Juan 17:26

Aÿim mashi saÿajnaxanaxanec namayipi da qoneta, qalaxayi ñaqaiyita aÿim ñaq shicto'ot da 'am sa'axattac, yaqto' dam 'adauotaxanaqtaic da shiita nachi 'eetai' da huetaigui namayipi, qataq yaqto' aÿim nachi 'eetai' da soota'aguet namayipi.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Juan 15:13

Qaq dam nauotaxanaqtaic mayi ÿataqta lta'adaic 'eeta': Ca shiÿaxaua ishit da ÿaalec da nachaalataxac na nauochaxauapi.

Juan 15:11

Qaq shiitec de'eda da qami' shinapegalo, yaqto' qami' ishit da aÿim qantonaxauai, nachi qami' ÿataqta qami' nlaqchiguilo da qantonaxaqui.

Efesios 3:18

da yaqto' qami' qataq 'enauac na laÿipi 'amqajnataxanaxaicpi ishit da qauaÿajñiita yi lcachiguiñi qataq yi locta qataq da lalogaxa qataq yi lshicchiguiñi da lauotaxanaqtaic so Cristo.

Judas 1:20

Qalaxayi qami' ñauochaxa'u ÿaqaÿa't, ÿataqta qauaÿamaxachiitec qome dam qui'itta qad'amqajnataxanaxaqui. Qataq da qanqouagaxauñi, qalaq nachida da l'añaxac so Espíritu Santo.

Juan 3:35

Cha'ayi ñi lta'a Dios ÿataqta ÿauotec so llalec, ÿoqo'oyi ÿataqta imato'ot 'enauac nam lalamaxatpi.