Juan 15:5 - Nuevo Testamento Toba Sur

⁵ Qaq aÿim mayi shiita'am aca nanguishi, qaq qami' nachiqami' icoue. Qaq cam nachi 'eetai' da aÿim n'attau'a qataq ñi'atta'ai', nachi camayi ÿataqta qalota da alaÿaxac, cha'ayi qami' sa ishit da huo'o ca qoñiic da huo'otaq sa ishit da aÿim qan'ayiitau'a.

Nuevo Testamento Toba Sombrero Negro

⁵ “Naqayem jo'ne jayem uva lichidic, qama'le da'me ami naqa'ami jo'ne lepeel. Ga'me jo'ne nach'e eta't jayem yoqote'taguet, nataq'aen jayem da'me joqote'taguet joga'me, qama'le jalcote ga'me nejalayaĝac; qalaĝaja qom ja jayem 'te auoqochi'taguet, qama'le qaya'te auaqanachichi.

La'aqtaqa Ñim Lo'onatac 'Enauacna 2013

⁵ Qaq Aỹem maye sheeta'am aca 'eesa nañiguishe, qaq qami' nacheqami' icoue. Qaq cam nache 'eetai' da Aỹem na'attaua'a qataq ña'atta'ai', nache camaye ỹataqta qalota da alaỹaxac, cha'aye saishet da huo'o ca 'eneque qami' da huo'otaq saishet da Aỹem qana'ayeetaua'a.

Juan 15:5 Referans Kwoze

Filipenses 4:13

Aÿim ishit da ñala'aguet 'enauac na chochaqna, cha'ayi so Cristo aÿim ÿanem da i'añaxac.

Colosenses 1:10

Qaq yaqto' qami' ishit da no'on da qadataxaqui, 'eeta'am da lataxac na quetague' so qadataxala', qataq yaqto' qau'ochiitac cam ÿaÿamaxadeeta somayi. Huaña, nachi huo'o da alaÿaxac 'enauac nam ÿaÿamaqchiguiñisat mayi qau'ochi, qataq qaviyiita'a da ÿataqta qauauattoñiita ñi Dios.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

2 Corintios 13:8

Cha'ayi qomi' sa ishit da sañoxotaq da sataÿaqa'aguet cam 'eesa lataxac, chaqdata da setauanaq.

Juan 5:19

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da ne'ena llalec ñi Dios, namayi sa ishit da huo'o ca i'ot da huo'otaq maichi ndojlec, cha'ayi namayi i'ot cam ÿauaachigui da i'ot ñi lta'a. Qaq ÿoqo'oyi 'enauac nam i'otpi ñi lta'a, qaq nataq'en i'ot nam llalec.

Santiago 1:17

'Enauac na ÿaÿamaqchiguiñi qataq nalochiguiñi mayi qomi' qoÿanema, namayi chigaqshiguem, chigoqtot ñi Dios ñim l'onata ana ishit da icoÿadelecna. Ñimayi sa ishit da nadalaxajla't, qataq sa ishit da nqochin, 'ico' ca lpaqal.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

Juan 12:24

Qaq ÿataqta 'eesa de'eda qami' sa'axatema, da aca ala na trigo, da huo'otaq sa ishit da taigui na 'alhua da yaqto' ileu, nachi acamayi nachi 'eetai' da 'oonole. Qalaxayi acamayi da huo'otaq ileu, nachi ÿataqta qalota ana ala da qanqat.

Romanos 7:4

Qaq nachi 'eetec nataq'en qami' ÿaqaÿadolqa mayi qan'ayiitau'a da l'oquiaxac so Cristo, 'eeta'am da mashi qaullivi, da yaqto' qoquiÿa'ai na nqataxacpi, da yaqto' ishit da 'ico' qaltaq qauadoñi. Nachi nagui qaq qami' lalamqa'te so Cristo som nca'alaxateeguesop naq'en ñi Dios da nleuaxa, da yaqto' so'onataxanqot ñi Dios da so'otaq ca ÿaÿamaqchiguiñi.

Filipenses 1:11

Qaq yaqto' so Jesucristo ÿataqta nlaxatchigui da qanachaalataxaqui ca no'on nataxac, da yaqto' huo'o da ñi'oxonnataguec qataq da lli'oxoyic ñi Dios.

Juan 9:33

Qaq se'eso shiÿaxaua da huo'otaq saq chigoqtot ñi Dios, nachi sa ishíttaxa da huo'o ca i'ot.

Filipenses 4:17

Qalaxayi aÿim sa ishit da chaqdata da iuennataxa da saconguet aca ñitaunaqte. Cha'ayi chaqdata da aÿim ñishitaique da nquictashiguem da qad'onataxanaxaqui, da yaqto' qami' ishiite'n qome ñi Dios.

Romanos 6:22

Qalaxayi nagui da mashi qansoiueguesop da l-lataxanaxac da ñi'itaxaloxo, nachi qami' qaunoxoñiu'a da qami' l-lataqa ñi Dios. Qaq 'eda mayi ÿataqta huo'o ca naigui. Qaq dam naigui nachida da achaalataxac qui'itta mayi qoÿanot ñi Dios qataq dam achaalataxac mayi qaica ca loga't.

Hechos 4:12

Qaica ca lÿa ishit da chigoqchigui da nca'alaxa. Cha'ayi ñi Dios qaica ca lÿa n'enaxat da qomi' ÿanema ana 'alhua, da yaqto' ishit da qomi' nca'alaxatreec.

1 Corintios 12:12

Cha'ayi so Cristo 'eeta'am da 'oonolec n'oquiaxac mayi saqalota na logoxoshitpi. Qaq ne'ena logoxoshitpi, nai'ctaxa da saqalota, qalaxayi n'atta'a't, 'oonolec da n'oquiaxac.

1 Pedro 2:4

Qaq ÿoqo'oyi qanquiquiu'a qome so qadataxala' Jesús som 'eeta'am ca coma' mayi ÿataqta nca'altauec. Se'eso coma' l'otanec co'olloxochiyi na shiÿaxauapi, qalaxayi ñi Dios lca'aguishic qataq ÿataqta lauotaxat.

1 Corintios 12:27

Qaq qami' mayi nachiqami' l'oquiaxac so Cristo. Ñi 'oonolec da qoñiita n'attau'a de'eda n'oquiaxac.

Efesios 5:9

Cha'ayi na yi'oqchiguiñi nachina na chigoqchigui da nauotaxanaqtaic, qataq da 'eesa lataxac, qataq dam achaalataxac mayi qui'itta.

2 Corintios 9:10

Ñim Dios mayi nachiñi ñi ÿan acam nanguishi qataq cam qanallic, ñimayi qami' ÿanema qome ca qaviñiitaique da yaqto' ishit da qanaxañi, qataq da ñaxat naq'en aca qodanguishii, ivitta'a da ÿataqta qalota naq'en ana ala, yaqto' da qanqat, qalaq qalota cam naigui nam ÿaÿamaqchiguiñi n'onataxanaxaguesat,

Colosenses 1:6

De'eda n'aqtac mayi qami' qai'axatema co'ollaxa, damayi ÿataqta nquictashiguem qataq huo'o da alaÿaxac 'enauaque naua 'ale'u, da 'eeta'am da qoñiita co'ollaq qan'axaÿaxañiÿa da lqouagaxanaqtaic ñi Dios, huaña, nachi qauaÿajñi da de'eda nqouagaxanaqtaic ÿataqta 'eesa.

Romanos 12:5

Qaq nachi 'eetec nataq'en qomi', nai'ctaxa da ÿataqta qomi' qalota, qalaxayi 'oonolec da qad'oquiaxac da ñi'adaqtau'a so Cristo. Qataq ñi 'oonolec da shinaqta ÿataqta n'atte' ca lÿa, nachi 'eeta'am da 'oonolec da n'oquiaxac.

1 Corintios 10:16

Ana ÿomaxaqui mayi qaiÿotauga da yaqto' ñoqouagaxaunaxalec, anamayi da ivita da ñiÿomaxagui nachi naigui da 'eeta'am da qomi' qaÿauaxaÿaxana't souaxat naua ltago'q so Cristo. Nataq'en ana pan mayi ñicolaxataxañi, anamayi da ivita da sachiguenaq nachi naigui da 'eeta'am da qomi' qaÿauaxaÿaxana't souaxat da l'oquiaxac so Cristo.

Mateo 13:21

Qalaxayi souaxat da qaica ca lpa'a'ÿaxac da n'aqtac, nachi sa ishit da 'eetai'. Cha'ayi da huo'o da ñi'iguenataguec, huo'otaq da ncanaguec souaxat da n'aqtac, nachi qoshiuec.