Juan 15:27 - Nuevo Testamento Toba Sur

²⁷ Qataq qami' nataq'en aÿim qau'axachi, cha'ayi nachi 'eetai' da aÿim qoviita'aguet co'ollaq chita'ague da so'onataxan.

Nuevo Testamento Toba Sombrero Negro

²⁷ Qama'le nach'e ena'am da'me naqa'ami jo'ne ami 'yaqataĝanaĝanaqa, qa'a joote jayem ovi'tajop ca'li da'me jo'ne 'uaechiñe.

La'aqtaqa Ñim Lo'onatac 'Enauacna 2013

²⁷ Qataq qami' nataqa'en Aỹem qaua'axache, cha'aye nache 'eetai' da Aỹem qoviita'aguet co'ollaq cheta'ague da so'onataxan.

Juan 15:27 Referans Kwoze

1 Juan 4:14

Qataq qomi' nataq'en ÿataqta sauanaqchigui ñi qadta'a Dios qataq sa'axataqtac da ñimayi namaq so llalec, da yaqto' nca'alaxateec 'enauac nam huetalec ana 'alhua.

Juan 21:24

Qaq nachiso se'eso napaxaguenatac, som i'axattac 'enauac de'eda, qataq maichi ÿiyiñi. Qaq qomi' saÿajnaq da ÿoqta 'eesa de'eda 'enapec.

Lucas 24:48

Qaq nachi qami' qome mayi qau'axachiiuec 'enauac de'eda qadauanaqchiqui.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

1 Pedro 5:12

Qaq ana ÿide mayi shiyiñi da qami' samaxalo, chigoqchigui da ÿiyiñi ñaq'en ñi Silvano ñim ÿaqaÿa mayi ÿataqta ipe'et. Da qami' saqatalo qataq da ÿoqta 'eesa ñaq'en da qanchoxonnataguiiqui mayi qauacoñiiguet, qaq damayi nachida da ÿoqta 'eesa naq'en da lauotaxanaqtaic ñi Dios. Qaq damayi ÿataqta qoquiitelec qome.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

Hechos 4:20

Cha'ayi qomi' sa ishit da saxanaxañi da sa'axataqtac cam sauanaqchigui qataq ca sa'axasoqchigui.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Apocalipsis 1:9

Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

Apocalipsis 1:2

Qaq ÿoqo'oyi somayi ÿataqta 'eesa de'eda l'aqtaxanaxac 'enauac nam ÿauaachigui, da ÿataqta 'eesa da l'aqtacpi ñi Dios dam qomi' nda'alo so Jesucristo.

Hechos 18:5

Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Hechos 13:31

Nachi somayi ÿataqta huo'oi soua na'axa'te da nachaxaategalo soua ÿataqta nnaigaxa'u co'ollaq chigoqchiguiña yi Galilea, chochi ivitta'a yi Jerusalén. Qaq nagui nachisoua soomayi som da'aqtaxaatapeguema na shiÿaxauapi de'eda.

Hechos 4:33

Qaq soua namaxa'shi ÿataqta huo'o da l'añaxa'c, nachi quetoto da i'axattrac da mashi qaltaq qanca'alaxateec so qadataxala' Jesús, qaq ñi Dios ÿanem da nqouagaxa 'enauac somayipi.

Juan 19:35

Qaq som i'axat de'eda, somayi co'ollaxa ÿauaachigui qataq ÿataqta 'eesa de'eda 'enapec. Cha'ayi somayi ÿaÿateeta da ÿataqta 'eesa de'eda l'aqtac, yaqto' qami' nataq'en ishit da qau'amqajnataxañi.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Marcos 1:1

'Eda da 'eetec co'ollaq chita'ague da no'on qad'axaÿaxac mayi i'axat da llic so llalec ñi Dios, l'enaxat Jesucristo.