Juan 15:24 - Nuevo Testamento Toba Sur

²⁴ Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Nuevo Testamento Toba Sombrero Negro

²⁴ Te'me qaya'te ta'le laviyaĝajet, ta'le ja jauo'oe naa'me jo'ne ja yaqanate't ta'le yauo'oe jogaa'me jiyaĝa'u laqaya'. Qalaĝaja da'me joote yauata jenjo' 'uo, qama'le jayem niquiyata nataq'aen niquiyata ñe'me Taĝadena'.

La'aqtaqa Ñim Lo'onatac 'Enauacna 2013

²⁴ Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.

Juan 15:24 Referans Kwoze

Juan 14:9

Nachi so Jesús 'enapego' somayi, 'eeta': –Felipe, aÿim mashi huo'oi soua na'axa'te da qami' soota'agueta, ¿qalaq ñaq saxanoxo' da aÿim 'auauatton? Cha'ayi ca aÿim ila'a, camayi nataq'en ila'a ñi ita'a, qaq ¿tá'ainco' yi aÿim 'auÿaxaatacot da qami' salloxonaxanguilo ñi ita'a?

Juan 5:36

Qalaxayi aÿim huo'o da ñi'aqtaguec mayi ÿataqta napacalec da l'aqtaxanaxac so Juan. Cha'ayi nam so'otpi, nachina na aÿim ÿamaxalecpi ñi ita'a. Qaq nachina na ÿoqta ichoxot da 'eesa da aÿim namaq ñimayi.

Juan 10:37

Da huo'otaq sa ishit da so'ot dam l'onataxanaxac ñi Dios, nachi sa ishíttaxa da aÿim qau'amaqchiñi.

Juan 10:32

Nachi so Jesús 'enapeco': –Aÿim ÿataqta qalota na so'ot ÿaÿamaqchiguiñi da qami' qauauañiichigui, chigoqchigui da l'añaxac ñi ita'a. Qaq ¿chaq négue't cam sasoilec namayipi da huo'o mshi qanshiitaique da aÿim qauasaqai?

Juan 9:32

Cha'ayi ÿataqta sa ÿauango' da huo'o ca qai'axaÿapeguelec da huo'otaq nauaañi naq'en ca shiÿaxaua da huo'otaq nacteueegue' da sa nauaañi.

Juan 7:31

Qalaxayi ÿataqta qalota na i'amaqten somayi. Nachi namayipi 'eeta': –Qom ivita da nvi' ca nta'a nca'alaxaqui, qaq ¿peta'a ÿacteec na i'ot n'anecpi mayi sa qaÿauanapega da napacalec dam da' shiÿaxaua?

Juan 3:2

Se'eso Nicodemo huo'o so pe nachi somayi nqo'ona so Jesús. Nachi 'enapega, 'eeta': –'Am mayi 'auapaxaguenataxaatac, qomi' saÿajnaq da 'am namaq ñi Dios da qomi' 'auapaxague'n. Cha'ayi qaica ca ishit da i'ot na 'au'ottac n'anecpi mayi ÿachaxan da 'ad'añaxac. Chaqcata cam hueta'aguet ñi Dios.

Mateo 9:33

Qaq co'ollaq chochi i'odauec se'eso l'ec leguemaxaic so Jesús, nachi se'eso qaicaua naua l'aqtaqa ishit da detaqa. Nachi na shiÿaxauapi ÿataqta huo'o da l'aalaxa. Nachi 'eeta': –Ÿataqta sa ÿauanaga da huo'o ca qaÿauaachigui da huangui na llalaqpi so Israel da huo'otaq 'eeta'am de'eda.

Santiago 4:4

¡Qami' mayi qai'axañiiuec da qauauochiic ñi Dios! ¿Qami' sa qauaÿajñiÿo' da ca shiÿaxaua da nauote' na nqopitaxanaqtaicpi mayi huetalec ana 'alhua, nachi camayi 'ico' npa'aguenaxaua ñi Dios? Qaq ca ÿi'iguena'a da nauote' na nqopitaxanaqtaiguesat mayi huetalecna, que'eca shiÿaxaua ÿataqta npa'aguene' ñi Dios.

2 Timoteo 3:4

Namayipi que'elaqtaxanaxaic, qataq saq llivigui lauel, qataq ÿashittagui da ñi'oxonnaxac, qataq ÿagaqainapeguec ca maichi lqochoxo, qaq sa ÿoqochi'iguet ñi Dios.

Romanos 1:30

Qataq sa iyacnapec ca lÿa da detaxaÿa, sa ÿauotec ñi Dios, nogoqtaxanaxaicpi, n'amqajnaxaicpi, ñi'oxonnaxaicpi. Namayipi chigaqpigui na qauempi, sa ishit da ÿalaxalguete caua lta'al,

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

Hechos 2:22

Qaq ÿoqo'oyi qami' Israel llalaqpi, qan'axaÿaxañiÿa da i'aqtac, 'eeta': So Jesús mayi Nazaret l'ec, somayi ÿataqta qaÿaÿateeta da 'eesa lamaxashic ñi Dios. Qaq qami' qauauañiichigui co'ollaq somayi i'ot nam i'ot na n'aalaxa qataq nam sa qaÿauanapega qataq nam n'anecpi mayi qami' huanguilo da i'ot naq'en somayi ñi Dios. Qaq qami' mashi sogote da qauaÿajñiita damayi.

Juan 12:45

Qataq ca aÿim ila'a, camayi nataq'en ila'a ñim aÿim namaq.

Juan 6:36

Qalaxayi aÿim mashi ime da qami' shinapegalo da qami' sa ishit da aÿim qau'amaqchiñi, nai'ctaxa da aÿim qauloito'ot.

Lucas 24:19

Nachi somayi 'enapeco': –¿Négue'to' camaxa? Nachi soomayi 'ena'po': –Qomyi dam huaigui so Jesús mayi l'ec yi Nazaret som l'aqtaxanaxanec ñi Dios. Se'eso shiÿaxaua qaica ca ÿaqalanapec cam l'aqtac qataq cam i'ot, qaq ÿataqta ÿaÿamaxadeeta somayi ñi Dios qataq 'enauac na shiÿaxauapi.

Marcos 2:12

Nachi so sa da'añiigue ñishiguem, nachi inana't so lacanec, ca'ai ca hueta'a, qaq 'enauac da qaÿauaachigui. Qaq ÿoqo'oyi 'enauac na shiÿaxauapi ÿataqta huo'o da l'aalaxa, nachi ÿi'oxodeetac ñi Dios, 'eeta': –Ÿataqta sa ÿauana da sauanaqchigui ca 'eeta'am de'eda.

Mateo 21:32

Cha'ayi anac so Juan mayi nachilaxanataxanaq, da yaqto' qami' ÿapaxaguenque ca lataxac da yaqto' no'on da qadataxaqui, qalaq qami' sa ishit da qau'amaqchiñi somayi. Qalaxayi nam ÿacootapeeguet ana nshiitenaqte ca nta'a qataq nam quishiguetaxaipi i'amaqten somayi co'ollaxa. Qalaxayi qami' nai'ctaxa da qauauañiichigui 'enauac de'eda, qalaxayi ñaqaiyita da sa ishit da qai'axañiideec naua qan'onataxacolli' da yaqto' qau'amqajnataxañi.

Mateo 11:5

Qau'axachiim camayi da na qaicaua naua l'ai'te, qalaq nlouec, qataq nam ñi'iidauo naua lchil, qalaq queuoÿapigui', qataq nam nchiga na l'oc, qalaq qaiÿouec da lalolaxa, qataq nam sa hua'aqa, qalaq ishit da hua'aqa, qataq na mashi ileu, qalaq nca'aleec qanqoÿin, qataq nam choxodaqpi, qalaq qai'axatem da n'aqtac mayi chigaqaigui da nca'alaxa.

Juan 12:10

Nachi nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi detaxaÿapigui co'ollaxa nataq'en da qaÿauotaique da qaÿalauat so Lázaro,

Juan 9:41

Nachi so Jesús 'enapeco': –Qamí'ctaxa da sa qanauañiiñi, nachi qaica ca qadasouaxashichi. Qalaxayi qami' qoñiitega da qanauañiichiguiñi, qaq ÿoqo'oyi huo'o da qadasouaxashichi.

Juan 15:21

Qaq 'enauac qome ne'ena qami' qai'oteque souaxat aÿim, cha'ayi namayipi sa ishit da ÿauatton ñim aÿim namaq.

Juan 15:22

Namayipíctaxa sa ishit da huo'o ca lasouaxashit, da huo'otaq sa ñanac da setaxaÿot. Qalaxayi namayipi nagui sa ishit da ÿoqolguet da huo'o da lasouaxashit,

Juan 15:23

cha'ayi ca aÿim nquiÿa, camayi nataq'en nquiÿa ñi ita'a.

Juan 16:9

Namayipi huo'o da lasouaxashit, cha'ayi sa ishit da aÿim i'amaqten;