Juan 15:10 - Nuevo Testamento Toba Sur

¹⁰ Qaq da qaualaqaiguet na ÿamaxasoxonaxacpi, nachi qami' ishit da qoquiitegue da 'eetec da qami' sauoteque, 'eeta'am da shiitec da ÿataqta salaxaguet na lamaxasoxonaxacpi ñi ita'a, qataq shictegue da 'eetec da lauotaxanaqtaic aÿim ñimayi.

Nuevo Testamento Toba Sombrero Negro

¹⁰ Qom auoqochiyalo naa'me yamaĝajoĝonaĝaco, da'me yoqopich'i nach'e eta't ami uetauelo, qama'le ena'am da'me jayem jo'ne joqocha'alo naa'me lamaĝajoĝonaĝaco ñe'me Taĝadena', qama'le nach'e eta't jouetaue da'me mach'e loqopich'i.

La'aqtaqa Ñim Lo'onatac 'Enauacna 2013

¹⁰ Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.

Juan 15:10 Referans Kwoze

Juan 14:15

Qaq da qami' aÿim qauauochiic, qaq qaualaqailguete naua ÿamaxasoxonaxaco.

1 Juan 5:3

Cha'ayi da qaÿauotec ñi Dios, damayi naigui da qaÿalaxaguet nam lamaxasoxonaxacpi ñimayi. Qaq nam lamaxasoxonaxacpi sa ishit da qapa'atta.

1 Juan 2:5

Qaq cam i'o't naua lamaxasoxonaxaco ñimayi, nachi camayi ivida'a da ÿataqta ÿauotec ñi Dios. Qaq 'eda da 'eetec da huo'o mshi saÿajnaq da qomi' ñi'adaqtau'a ñimayi.

2 Pedro 2:21

Cha'ayi namayipi no'ónctaxa da sa ishit co'ollaxa da ÿauatton da lliquiaxac da achaalataxac mayi qui'itta. Cha'ayi l'axaso' da mashi ÿauatton damayi, ime, qataq ca'ai dam qoÿanem napaxaguenataxanaxac mayi qui'itta.

Juan 8:29

Cha'ayi ñim aÿim namaq, ñimayi aÿim hueta'aguet; ñim ita'a sa ishit da aÿim ndoqteeteec, cha'ayi aÿim sa i'atai' da so'ot cam ÿaÿamaxadeeta ñimayi.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

Juan 17:4

Qaq aÿim ÿataqta 'am shi'oxodeetac nagui da soota'a ana 'alhua, qataq ÿataqta sematta da aÿim 'auamaxalec da so'ot.

Juan 14:31

Qalaxayi damayi nachi lliquiaxac, yaqto' nam huetalec ana 'alhua ishit da ÿaÿaten da aÿim ÿataqta sauotec ñi ita'a, qataq da salaxaguet da so'ot ca aÿim ÿamaxalec ñimayi. Qaq qoñiishiguem qome. Qolqa'ai ne'ena.

Juan 12:49

Cha'ayi aÿim nam i'aqtaqa sa ishit da maichi ñalligoxottrela't; cha'ayi ñim ita'a mayi aÿim namaq, ñimayi chigoqtot cam i'aqtac qataq cam sapaxaguenataxanec.

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

Juan 14:21

Qaq ca ÿaÿateeteguet qataq ÿalaxaguet na ÿamaxasoxonaxacpi, camayi yi'oq da ÿataqta 'eesa da aÿim ÿauotec. Qaq ñim ita'a ÿataqta ÿauotec cam aÿim ÿauotec, qaq aÿim nataq'en ÿataqta sauotec camayi, qataq ñachaxana.

1 Corintios 7:19

Nai'ctaxa da huo'o ca n'anaxashit na l'oc ca shiÿaxaua, huo'otaq qaica, qalaxayi nachi 'en'am. Cha'ayi chaqcata ca i'ot na lqataxacpi ñi Dios nachica ca qaÿaÿamaxadeeta.

Hebreos 7:26

Qaq ÿoqo'oyi so Jesús nachiso so 'oonolec qadtaxaÿaxanaxanec da detaxaÿapegue' ñi Dios mayi seuenaqtac. Cha'ayi somayi ÿataqta qui'itta, sa qauem da lataxac, qataq qaica ca lasouaxashit, qataq sa ishit da nhuoiguet qanqoÿin na 'itaxaloxoicpi, qataq somayi neta'ague qanqoÿin da laÿi na piguem.

Juan 8:55

Qalaxayi qami' sa ishit da qauauattoñi ñimayi; aÿim, qalaxayi sauatton ñimayi. Cha'ayi da aÿim shinapec da sa sauatton, nachi aÿim chochi satenataxaatac, qaq nachi shiita'ama qami'. Qalaxayi aÿim ÿataqta sauattoota ñimayi, qataq salaxaguet cam 'enapec.

Juan 10:18

Qaica ca ishit da deuotaxanec de'eda ñachaalataxac, qalaxayi maichi aÿim chigoqchigui da san damayi. Qaq aÿim huo'o da shinec da san damayi, qataq da ñi'iguelaxajla't. Qaq 'eda dam aÿim ÿamaxalec ñi ita'a.

Juan 14:23

Nachi so Jesús 'enapeco': –Ca aÿim ÿauotec, camayi ÿalaxaguet cam shinapec; nachi ñi ita'a ÿauotec camayi. Nachi ñi ita'a qataq aÿim ñanaguenaq da souaqta'aguet camayi.

1 Juan 2:3

Qaq da ÿataqta salaxasoxogueta naua lamaxasoxonaxaco ñi Dios, nachi huaña, qaq saÿajnaqta da sauattonaqta ñimayi.

1 Juan 2:6

Qataq ca 'eetega da n'attau'a ñi Dios, nachi camayi no'on da i'enaxatchigui da lataxac so Jesucristo.