Juan 13:17 - Nuevo Testamento Toba Sur

¹⁷ Qaq qami' da qauaÿajñiita de'eda, qataq ishit da qau'ochi, nachi ÿataqta qami' machiyiñi qome.

Nuevo Testamento Toba Sombrero Negro

¹⁷ Qom auayachiñe' naa'me naajo' uo'oe nataq'aen qom male a'vichi, qama'le yataqata ami made'tape qomle.

La'aqtaqa Ñim Lo'onatac 'Enauacna 2013

¹⁷ Qaq qami' da qauaỹaañita de'era, nache qauo'oche, qaq huaña, nache ỹataqta qauamaichiguiñi.

Juan 13:17 Referans Kwoze

Lucas 11:28

Qalaxayi somayi 'enapeco': –¡Qalaxayi ÿataqta ÿacteec da machiguiñi cam n'axaÿaxana dam l'aqtac ñi Dios qataq ÿalaxaguet!

Santiago 4:17

Cha'ayi ca shiÿaxaua da ÿaÿaten ca ÿaÿamaqchiguiñi, qalaxayi sa ishit da i'ot, qanachi huo'o da lasouaxashit.

Santiago 1:25

Qaq ca sa ishit da icoua'ai cam hua'aqchigui, chaqdata da ilotelec cam 'enapec dam nalochiguiñi nqataxac mayi ishit da qomi' huosochiyiñi naq'en, qataq quetelec damayi da ÿataqta i'ot cam 'enapec, que'eca shiÿaxaua cam ÿacoolec da i'ot, qalaq ÿataqta machiguiñi.

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Mateo 12:50

Cha'ayi camachaqcague't shiÿaxaua, da huo'otaq i'ot cam 'eetapeguec ñi ita'a mayi neta'ague da piguem, qaq nachica cam ÿaqaÿa, qataq aca ÿaqaÿa, qataq aca ÿate'e.

Juan 15:14

Qaq qami' nachiqami' ñauochaxa'u, da qau'ochi dam qami' samaxalguete.

Romanos 2:13

Cha'ayi sa ishit da ÿaÿamaxadeeta ñi Dios ca ndoxotteec da n'axaÿaxaatega na nqataxacpi, chaqcata cam ÿataqta ÿalaq.