Juan 13:14 - Nuevo Testamento Toba Sur

¹⁴ Qaq aÿim mayi sapaxaguenataxaatac qataq aÿim nataxala', yi seÿota'pe naua qadapia'chilli', qaq nagui no'on da ñi 'oonolec da qoñiita nataq'en iÿoi' naua lapia'te ca lÿa.

Nuevo Testamento Toba Sombrero Negro

¹⁴ Chane'eja qom jayem 'me jayem Paĝaguenataĝanaĝaic nataq'aen da'me jayem Adejaliaĝanequi male jiyo'tape naa'me adapia'chidi', qama'le 'noota qom nach'e ena'ama onolqa'tape da'me ami, aviyo'y naa'me lapiachidi' naa'me adaqayadi'.

La'aqtaqa Ñim Lo'onatac 'Enauacna 2013

¹⁴ Qaq Aỹem, maye Aỹem Qarataxala'ai qataq Aỹem Qanapaxaguenaxala'ai seỹota'ape naua qarapia'achilli', qaq nagui no'on da ñi 'oonolec da qoñiita nataqa'en iỹoi' naua lapia'ate ca lỹa.

Juan 13:14 Referans Kwoze

1 Pedro 5:5

Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

Hechos 20:35

Qaq nachi 'eetai' da qami' sapaxagueetapegueeque de'eda, da ca shiÿaxaua do'onataxan, yaqto' ishit da itauan cam huo'o da lhuenaxanaxa. Qaq ñitounaqta'ac qome da l'aqtac co'ollaxa so qadataxala', mayi 'eeta': “Ÿataqta machiguiñi ca shiÿaxaua qom dachitaqtaxan, qaq saq 'en'am cam chochi qaÿachit.”

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Romanos 12:16

Qataq sa ishit da huo'o ca ÿoqtapeuga da qoñiita. Qataq sa ishit da qami' ñi'oxonnaxaiqa. Chaqdata da qau'enaxachi cam qaica ca l'amaqchic. Qataq sa ishit da qaupi'itaxañiitega da qami' ÿajnaxanaxaiqa.

1 Pedro 4:1

Qaq ÿoqo'oyi de'eda 'eetec da so Cristo huo'o da nque'ejnaxac da l'oquiaxac, qami' nataq'en sa ishit da huo'o ca qai'iquiitega da qanque'etaxañi. Cha'ayi cam huo'o da nque'ejnaxac da l'oquiaxac, camayi ca'ai da ñi'itaxaloxo,

1 Corintios 8:13

Qaq ÿoqo'oyi aÿim da sasouaxateguet da huo'o ca lasouaxashit ca ÿaqaÿa souaxat ca nallic mayi sachic, qaq no'on da nal'en sa ishit da sachic ca lapat, yaqto' sa ishit da sasouaqtaxan.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

Romanos 12:10

Ñi 'oonolec ÿataqta ÿauotec ca lÿa, 'eeta'am naq'en da lauotaxanaqtaic ca maichi lqaÿa. Qataq ÿataqta ipacapega ca lÿa, qataq ñi 'oonolec sa ishit da saq huo'o naq'en ca 'enec ca lÿa.

Juan 11:2

Qaq asa'aso María, mayi lqaÿa so Lázaro som sa no'on, nachaso asom icodelguete co'ollaxa naua lapia'te so Jesús so codaxat, nachi deÿoxona na laue.

1 Corintios 12:3

Ÿoqo'oyi ñishitaique nagui da qauaÿajñiita da ca itaxaÿaxanaxan so Espíritu mayi chigoqo'ot ñi Dios, sa ishit da 'enapec da l'aqtac: “¡Yi sa qaÿalauato' so Jesús!” Qataq qaica ca ishit da 'enapec: “¡Nachiso so Jesús mayi ÿataxala'!” da huo'otaq sa ishit da nachiso so Espíritu Santo da i'aqtaxanaxan.

Filipenses 2:11

qataq yaqto' 'enauac qai'axat da ÿoqta 'eesa da so Jesucristo nachiso so qadataxala', nachi ÿataqta qaÿi'oxoden ñi qadta'a Dios.

1 Timoteo 5:10

Qataq qaÿauattoota da l'onataxanaxac ÿaÿamaqchiguiñi. Qaq 'eda da n'aqtaguec acamayi: Da ÿataqta no'on da lco'oxoc, qataq da ilo'oguet ca namaxasoxoic, qataq qaica ca huotaique da huapegue' na 'amqajnataxanaxaicpi, qataq da huo'otaq mashi itauaatac da huo'o ca huetapigui ca lÿa, qataq da huo'o ca lÿa l'onataxanaxac ÿaÿamaqchiguiñi.