Juan 13:1 - Nuevo Testamento Toba Sur

¹ Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Nuevo Testamento Toba Sombrero Negro

¹ Ca'li jona'li yovita ga'me neualaĝayaĝaiqui jo'ne Pascua, qama'le Jesús joote yayaten da'me yovida'a ga'me laloqo' da'me male ca'e jena'me aleua qaedi yec'ata ñe'me Let'a qama'le yitaĝa na'ajop. Joote yaloĝonalo da'me loqopich'i jogaa'me lapaĝaguenataqa jo'ne neteda'ña jena'me aleua, qama'le naq'aeta da'me noqopitalo jogaa'me chayovida'a qom yovita da'me loiquiaqa'.

La'aqtaqa Ñim Lo'onatac 'Enauacna 2013

¹ Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Juan 13:1 Referans Kwoze

Juan 12:23

Nachi so Jesús 'enapegalo soomayi, 'eeta': –Nagui mashi ivita yi laloqo' da na shiÿaxaua llalec qaÿauo'o da lli'oxoyic.

1 Juan 4:19

Qaq qomi' ÿataqta sauotaxac ñi Dios, cha'ayi ñimayi hua'auñi da qomi' ÿauoteque.

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec qome da qoñiita ÿataqta ÿauotec ca lÿa. Qoñiita'am da shiitec da ÿataqta qami' sauoteque, qaq nachida qome da qoñiitec da ñi 'oonolec da qoñiita ÿataqta ÿauotec ca lÿa.

Juan 16:28

Aÿim sachigoqtot co'ollaxa ñi ita'a da ñanaÿa ana 'alhua, qalaxayi nagui aÿim shica'ai ana 'alhua da shi'iguelaxa ñi ita'a.

Juan 18:4

Qalaxayi so Jesús, yi mashi sogote ÿaÿateetac 'enauac dam huaigui, nachiso mayi huaqata'aguet somayipi, nachi inattac, 'eeta': –¿Négue't ca qanmichiitaique?

1 Corintios 1:8

Qaq ñimayi ÿataqta qami' lasoqchiyiñi, qami' ividaxatta'alo ca loga'tna, yaqto' sa ishit da huo'o ca qami' ÿasaxalguete ca qadasouaxashichi qom nvi' so qadataxala' Jesucristo.

Juan 17:16

Qaq de'eda 'eetec da aÿim sa ishit da ima' ana 'alhua, qaq nachida da 'eetec namayipi da sa ishit da lma' ana 'alhua.

Juan 17:1

Qaq co'ollaq ime da 'enapec de'eda so Jesús, nachi ÿamato'ot na piguem, nachi 'enapeco': –'Am ita'a, mashi ivita yi ÿaloqo'. Nagui 'avi'oxoden qome na 'ai'alec, yaqto' na 'ai'alec nataq'en 'am ÿi'oxoden.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

Juan 17:5

Qaq nagui, 'am ita'a, ñishitaique da sootau'a na 'adaÿi, da aÿim 'ai'anem da ÿi'oxoyic mayi saatañi co'ollaq 'am sooto'ot co'ollaq saxanaqaca ana 'alhua.

Mateo 26:45

Nachi qaltaq nqo'onalo soua lapaxaguenataqa, nachi 'enapegalo, 'eeta': –Hua', nagui mayi qau'ochii, qataq qanmachiiuec. Mashi ivita yi laloqo' da na shiÿaxaua llalec qoÿaneu'a na shiÿaxauapi 'itaxaloxoicpi.

1 Pedro 1:13

Qaq ÿoqo'oyi no'on da ÿataqta qauaÿamaxachiichiguiñi cam qau'ochi, qataq ÿataqta qanloiteec, qataq ÿataqta qaumachiÿo'ot 'enauac da qadpi'iÿaxaqui ñi Dios souaxat da lqouagaxanaqtaic mayi qami' ÿanema qom ivita da nachaxan so Jesucristo.

Hebreos 6:11

Qalaxayi qomi' sauoqtaique da ñi 'oonolec da qoñiita quetot qome da n'añaxataxac, chochi ivitta'a ca loga't, yaqto' ÿataqta ipacchigui 'enauac cam qanaquichiitaique.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

Romanos 8:37

Qalaxayi 'enauac namayipi senoxotaqchiviigui. Chaqdata da ÿataqta qomi' 'añaxaiqa, da qad'añaxac chigoqchigui som qomi' lauotaqa'te.

Juan 17:26

Aÿim mashi saÿajnaxanaxanec namayipi da qoneta, qalaxayi ñaqaiyita aÿim ñaq shicto'ot da 'am sa'axattac, yaqto' dam 'adauotaxanaqtaic da shiita nachi 'eetai' da huetaigui namayipi, qataq yaqto' aÿim nachi 'eetai' da soota'aguet namayipi.

Juan 14:28

Qaq mashi aÿim qau'aqaitega da aÿim ashic, qataq ñi'iguelaq, da yaqto' qaltaq qami' soota'agueta. Qaq da ÿoqta 'eesa da aÿim qauauochiic, nachi ishit da qauamaichiguiñi, da qauaÿajñi da aÿim saÿa ñi ita'a; cha'ayi ñimayi aÿim napacalec da l'amaqchic.

Juan 11:55

Qaq mashi sa qaÿauga so na'a'q mayi laponaxaqui na judiopi da qaiuennate so na'a'q co'ollaq qanayica'ai yi Egipto. Nachi ÿataqta qalota na shiÿaxauapi mayi nañalo naua lÿa't pueblo da taÿa yi Jerusalén, da yaqto' i'ot da n'onataxac da nqui'itaxat ca shiÿaxaua, da yaqta'a nvideuo se'eso na'a'q naponaxaqui.

Juan 7:30

Huaña, nachi qanshitaique da qaÿaconeu'a somayi da qaicoñi'. Qalaxayi sa ishit da huo'o ca nañoxota da ÿaconeu'a, cha'ayi somayi saxanaxa da ivita ca laloqo'.

Juan 7:6

Nachi so Jesús 'enapeco': –Aÿim saxanaxa da ivita yi ÿaloqo'. Qami', qalaxayi camachica na'a'q nachi 'en'am 'onaxaic qanqashiñi.

Juan 6:4

Qaq mashi sa qaÿapeque som na'a'q mayi laponaxaqui na judiopi da iuennate co'ollaq qanayica'ai yi Egipto.

Lucas 22:53

Qami' soota'agueta soua na'axa'te añi n'onaxanaxaqui late'edai, qalaq ¿tá'ainco' yi sa ishito' da aÿim qauacoñiu'a? Qalaxayi mashi ivita yi laloqo' da qau'onataxañi qataq da do'onataxan da l'añaxac na napalaxa.

Lucas 9:51

Qaq co'ollaq mashi sa qaÿapeque so laloqo' da taigue da piguem so Jesús, nachi huesoteec yi lavilÿaxac da taigue da Jerusalén.

Mateo 28:20

Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

Juan 8:20

Qaq so Jesús 'enapec de'eda co'olla ñaq huetaigui aso n'onaxanaxaqui da dapaxaguenataxaatac, hueta'a yim naña aso laÿi' ana nachitaqtaxanaqte. Qalaxayi sa ishit da huo'o ca ÿañoxot da ÿaconeu'a somayi da icoñi', cha'ayi somayi saxanaxa da ivita ca laloqo'.

Juan 2:13

Qaq co'ollaq mashi sa qaÿapeque so laloxoqui da na judiopi iuennate so na'a'q co'ollaq ca'ai qanqoÿin yi Egipto, nachi so Jesús nqo'oneu'a yi la ciudad Jerusalén.

Juan 13:29

Cha'ayi so Judas, somayi nachiso so ilotague' aso laÿi' ana plata, qaq ÿoqo'oyi huo'o na ipi'itaxaatega da qoÿiitega somayi da huo'o ca queu'a nallic souaxat se'eso naponaxac, huo'otaq da huo'o aca ÿami' nam choxodaqpi.

Juan 14:31

Qalaxayi damayi nachi lliquiaxac, yaqto' nam huetalec ana 'alhua ishit da ÿaÿaten da aÿim ÿataqta sauotec ñi ita'a, qataq da salaxaguet da so'ot ca aÿim ÿamaxalec ñimayi. Qaq qoñiishiguem qome. Qolqa'ai ne'ena.

Juan 19:28

Qaq co'ollaq ime de'eda, nachi so Jesús ÿaÿaten da mashi ipacchigui 'enauac nam qai'axat co'ollaxa, da yaqto' ipacchiguilo naua nanettrañi n'aqtaqa. Nachi 'enapeco': –Huo'o na ÿaquip.