Juan 12:43 - Nuevo Testamento Toba Sur

⁴³ qataq souaxat da namayipi nqopita da maichi lli'oxonnataxanaxac na shiÿaxauapi, qaq sa ishit da ipacapegue' cam lli'oxoyic mayi ÿanem ñi Dios.

Nuevo Testamento Toba Sombrero Negro

⁴³ Qa'a ja en 'te p'ajaye da'me 'nonaĝac jo'ne yanem joñe'me Dios, dite da'me jo'ne chiyaqayilo jogaa'me ch'e jiyaĝa'u.

La'aqtaqa Ñim Lo'onatac 'Enauacna 2013

⁴³ qataq souaxat da namayepi nqopita da maiche ỹo'oxoreetac na 'eeta'am shiỹaxauapi, qaq saishet da ipacapegue' cam llo'oxoyec maye ỹanem Ñim Lo'onatac 'Enauacna.

Juan 12:43 Referans Kwoze

Juan 5:44

Qaq ¿táloxochiyictoxo' da qami' ishit da qau'amqajnataxañi, yi ñi 'oonolec da qoñiita maichi ÿaconguet ca lli'oxonnataxanaxac ca maichi 'en'am lÿa, qaq sa ishit da qanmichiÿaique ca ñi'oxoyic mayi chigoqo'ot ñi 'oonolec Dios?

Juan 5:41

Aÿim sa ishit da saconguet da lli'oxonnataxanaxac na shiÿaxauapi da shiita.

Lucas 16:15

Nachi so Jesús 'enapeco': –Qami' mayi nachiqami' chochi qanachaxañiitega 'enauac na shiÿaxauapi da qami' no'on, qalaxayi ñi Dios ÿauatto'n naua qadquiyaqchilli'. Cha'ayi cam ÿamata'ac nam shiÿaxauapi da 'eetega 'amaqtaqaic, qaq nachica cam ÿataqta ÿaÿimec ñi Dios.

1 Ts 2:6

Qataq sa ishit da qomi' ñimitaqtaique da qomi' qavi'oxoyiñi', huo'otaq na ÿaqauga shiÿaxauapi, nai'ctaxa da qomi' lamaxa'shi so Cristo. Qalaxayi ñaqaiyita sa ishit da nachida da shigaqtega da yaqto' qomi' qauloigueta.

2 Corintios 10:18

Cha'ayi ca shiÿaxaua mayi qaÿaÿamaxadeeta, sa ishit da nachica cam maichi ñi'oxodeetapeguela't, cha'ayi chaqcata cam ÿaÿamaxadeeta ñi qadataxala'.

Mateo 6:2

Qaq ÿoqo'oyi da ivita da qautauañi cam huo'o da lhuenaxanaxa, qalaq sa ishit da ÿaÿajna'a't qanqashiñi 'enauac na shiÿaxauapi da qoñiita'am da 'eetec nam saq ÿataxalec da lataxac da nachaxaata da huetaigui ana laponaxaquipi na judiopi qataq na nqa'aicpi. Qaq 'eetec de'eda namayipi, cha'ayi chochi nshitaique da no'on da n'aqtaguec. Qalaxayi aÿim shinapec, da de'eda i'ot, damayi naigui da sogote da huo'o da nshiitenaguec.

1 Corintios 4:5

Qaq ÿoqo'oyi qami' sa ishit da huo'o ca qau'aviÿalec da qanmichi. Qauachiÿa'aguet so qadataxala' qom ñi'iguelaq da yi'oq naq'en na huetaigui na napalaxa. Somayi mayi yi'aqlec naq'en na 'eetapeguecpi ana nquiyaqtepi. Ime, qanachi ñi Dios ÿaconguet ca 'oonolec da ÿanem ca 'itchiguiñi naÿamaxannataguec.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Juan 8:54

Nachi so Jesús 'enapeco': –Da aÿim maichi ñi'oxodeetapeguela't, nachi de'eda ñi'oxonnaxac, damayi qaica ca naigui. Qalaxayi ñim aÿim ÿi'oxodeetac, nachiñi ñi ita'a ñi qami' qoñiitega nataq'en da qadta'ai Dios.

Lucas 19:17

Nachi so nta'a 'enapeco': “Aja', no'on, ÿaÿamaqchiguiñi, ÿataqta 'am no'on nlatac. Qaq cha'ayi ÿataqta 'aupactelec da 'au'ot dam saq 'amaqtaq mayi 'am qaipataxalec, qaq nagui sanagui da 'am nta'a da 'aulo'oguelo caua diez puebloyi.”

1 Pedro 3:4

Chaqdato' da ÿaañi ca saq cha'a 'otaxat mayi chochaq tateec da lyaquiaxac. Huosotta naq'en da lataxac qataq qaica camachicague't. 'Eda mayi ÿataqta huo'o naq 'enec naq'en ñi Dios.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

Juan 7:18

Ca shiÿaxaua da huo'otaq maichi nalligoxottela't ca ltaxaÿaxac, camayi 'eetec de'eda, cha'ayi nshitaique da na shiÿaxauapi ÿi'oxoden. Qalaxayi cam ÿataqta npogoxoueetague' da yaqto' qaÿi'oxoden cam namaq, camayi nachica ca ÿoqta 'eesa ca l'aqtaxanaxac, qaq sa ishit da chochi datenataxaatac.

Romanos 2:29

Cha'ayi ca ÿoqta 'eesa da judío l'ec, qalaxayi nachida dam saq cha'a lavilÿaxac. Qataq cam ÿoqta 'eesa da qaÿauo'o ca n'anaxat, qalaxayi nachañi añi lquiyaqte qai'an. Qaq de'eda sa ishit da chigoqchigui naua ñiyigui'shi nqataxaco, cha'ayi damayi chigoqchigui dam saq cha'a nvilÿaxac. Qaq cam nachi 'eetec de'eda, nachi camayi ÿataqta qaÿaÿamaxadeeta, qalaxayi sa ishit da chochi shiÿaxaua ca ÿaÿamaxadeeta, cha'ayi nachiñi ñi Dios.