Juan 12:39 - Nuevo Testamento Toba Sur

³⁹ Qaq ÿoqo'oyi nachi sa ishit da huo'o ca da'amqajnataxan. Cha'ayi so Isaías nataq'en ÿiyiñi co'ollaxa da 'eeta':

Nuevo Testamento Toba Sombrero Negro

³⁹ Chane'eja joga'me jiyaĝadipi ja yaqanate't ta'le 'yamaqaten, qa'a nach'e ena'am yediñe ca'li ñe'me Isaías:

La'aqtaqa Ñim Lo'onatac 'Enauacna 2013

³⁹ Qaq ỹoqo'oye nache saishet da huo'o ca da'amqaanataxan. Cha'aye so Isaías nataqa'en ỹiyiñi co'ollaxa da 'eeta':

Juan 12:39 Referans Kwoze

2 Pedro 2:14

Namayipi nataq'en qaca aca 'alo da sa nqopitta'a da huo'otaq ilota'a. Ÿataqta sa ishit da nasamiisop da i'ottac da lli'itaxaloxo. Qataq chochi ÿayin da ÿashaxaneec ca shiÿaxaua mayi qaica ca l'añaxac, qataq ÿataqta sa ishit da nqalaate' da chochi nqat aca alom ca lÿa. Namayipi huetalec da lta'adaic nhuaxanaguec.

Juan 10:38

Qalaxayi da huo'otaq so'ottac damayi, nachi nai'ctaxa da aÿim sa qau'amaqchiñi, qalaxayi qau'amaqchiñi nam so'otpi, yaqto' ishit da imauec da qauaÿajñi da ñi ita'a aÿim hueta'aguet, qataq aÿim soota'aguet ñimayi.

Juan 5:44

Qaq ¿táloxochiyictoxo' da qami' ishit da qau'amqajnataxañi, yi ñi 'oonolec da qoñiita maichi ÿaconguet ca lli'oxonnataxanaxac ca maichi 'en'am lÿa, qaq sa ishit da qanmichiÿaique ca ñi'oxoyic mayi chigoqo'ot ñi 'oonolec Dios?

Juan 6:44

Qaica ca ishit da chochi aÿim nau'a da huo'otaq sa nauegueuo ñi ita'a mayi aÿim namaq; nachi camayi ishit da qaltaq ñica'alaxateec ca pa'ateec na'a'q.

Juan 12:38

Qaq ÿataqta ipacchigui dam l'aqtaxanaxac som l'aqtaxanaxanec ñi Dios, l'enaxat Isaías, mayi 'eeta': 'Am ÿataxala', ¿negue'tom ca ishit da i'amaqten da qad'aqtaxanaxac? Qataq ¿negue'tom ca ÿachaxana da l'añaxac ñi qadataxala'?

Juan 12:40

Ñi Dios i'otec naq'en namayipi da sa nauaañi qataq da ÿataqta qadamchiguilo naq'en naua lquiyaqte, yaqto' namayipi sa ishit da nauaayiñi naua yi'oqchiguilo l'ai'te, qataq qaica ca ÿaÿaten da lquiyaqteÿaxac, qataq da sa ishit da aÿim ñi'iguelaxa, da yaqto' ñataden.