Juan 12:20 - Nuevo Testamento Toba Sur

²⁰ Qaq huo'o na ÿalectauo griego l'ec naua l'aqtaqa nam shiÿaxauapi mayi taÿa yi Jerusalén se'eso na'a'q naponaxaqui da ÿi'oxoden ñi Dios.

Nuevo Testamento Toba Sombrero Negro

²⁰ Ga'me jiyaĝadipi jo'ne dajotegue di'me Jerusalén da'me yema'ajalo jaa'me noloqo'ote jo'ne neualaĝayaĝaiqui, uo'oe gaa'me jo'ne griegopi.

La'aqtaqa Ñim Lo'onatac 'Enauacna 2013

²⁰ Qaq huo'oi soua ỹalectrauo griego som huetra'a ye Jerusalén da ỹo'oxoren Ñim Lo'onatac 'Enauacna se'esoua na'axa'te maye naponaxaqui' maye le'enaxat Lapascua.

Juan 12:20 Referans Kwoze

Juan 7:35

Nachi nam judiopi maichi nnattega't, 'eeta': –¿Chaq huá'ago' ca dataigue damayi, da yaqto' qomi' sa ishit da sanataxa? ¿Qalqo' nqo'ona nam judiopi mayi nlagaxattac nam netaigui nam saq judiopi, da yaqto' ÿapaxaguen na sa ishit da judiopi?

Hechos 17:4

Nachi huo'o nam judiopi na da'amqajnataxan, nachi quegue so Pablo qataq so Silas. Nataq'en qalota na da'amqajnataxan na griego l'ecpi mayi nachi 'eetai' da quetague' ñi Dios. Qataq qalota na 'alpi na da'amqajnataxan nam ÿataqta ÿi'oxodaipi.

Hechos 8:27

Nachi so Felipe ñishiguem, nachi jec, nachi natena'aguet co'ollaxa so shiÿaxaua mayi chigaqa'ague da Etiopía. Qaq somayi sa deco'o qataq nta'a lta'adaic, somayi nachiso so ilotague' ana alom aso nate'e l'enaxat Candace, asom late'e nam netaña yi Etiopía. Qaq somayi taigue co'ollaxa da Jerusalén da natamnot ñi Dios.

Marcos 7:26

Qaq asa'aso 'alo chigaqhuec, asomayi chigaqaigui na Sirofenicia l'ecpi. Qaq asomayi anac da iÿaxanot so Jesús, da yaqto' i'odauec so l'ec leguemaxaic aso llale.

Gálatas 2:3

Qaq so Tito mayi ñinaictague', qalaxayi ñaqaiyita sa ishit da qoÿinapega da i'ot ca n'anaxashit na l'oc, nai'ctaxa da somayi sa ishit da judío l'ec.

Hechos 21:28

Nachi qai'alaqtalec somayi, qoÿiita': –¡Qami' Israel l'ecpi, ña qomi' qautauañi'! 'Ena nam shiÿaxaua mayi ÿataqta nmatte' 'enauaque naua 'ale'u da ÿapaxagueetapeguec na shiÿaxauapi, da yaqto' npa'aguene' na qadhuo' l'ecpi, qataq na nqataxacpi mayi chigoqo'ot so Moisés, qataq anam qad'onaxanaxaqui. Qaq namayi nagui qataq huenoxonoigui naq'en ana qad'onaxanaxaqui naua griego lashi', qaq ÿataqta ishipaxanaqchi't ne'ena n'onaxanqa' mayi qui'itta.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Hechos 16:1

So Pablo qataq so Silas ivitra yi pueblo l'enaxat Derbe qataq yi Listra. Qaq huaña yimayi, nachi nateedalec so 'amqajnataxanaxaic l'enaxat Timoteo. Somayi llalec aso judío lashi 'amqajnataxanaxai, qaq so lta'a qalaxayi griego l'ec.

Hechos 14:1

Qaq huetra'a yi Iconio so Pablo qataq so Bernabé, nachi soomayi nqo'oodeu'a aso laponaxaqui na judiopi, nachi da'aqtaxaata'pe. Nachi ÿataqta qalota na da'amqajnataxan nam judiopi, qataq ivida'a nam saq judiopi.

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

Romanos 10:12

Cha'ayi qaica ca ÿaqa'a ca lataxac da qanca'alaxateec na judiopi qataq nam sa ishit da judiopi. Cha'ayi so qadataxala' nachiso so lataxala' 'enauac namayipi, qataq somayi ÿataqta sa naloqnañi ca ÿanem cam nqouagaxaueetega somayi.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Juan 12:1

Qaq saxanaqcaua caua seis na'axa'te da iviteuga so na'a'q mayi huetoigui da qaiuennate co'ollaq qanayica'ai yi Egipto. Nachi so Jesús taÿa yi Betania yim netaña so Lázaro som qaltaq nca'alaxateec co'ollaxa somayi.

Juan 12:19

Nachi nam fariseopi maichi detaqtapega't, 'eeta': –Ña qauloÿa da qomi' mashi qaica ca ñishaqpeque. Cha'ayi 'enauac na shiÿaxauapi ca'attague' somayi.