Juan 12:17 - Nuevo Testamento Toba Sur

¹⁷ Nachi na shiÿaxauapi mayi hueta'aguet so Jesús, co'ollaq iÿaxaneu'a so Lázaro, co'ollaq huetaigui aso huachiqui da nca'aleec naq'en, namayipi i'axattac dam lauanaqchic.

Nuevo Testamento Toba Sombrero Negro

¹⁷ Qama'le ga'me jiyaĝadipi jo'ne ueteda'ajop ñe'me Jesús joca'li nec'alaĝadijeguem ñe'me Lázaro, da'me yiyaĝaneuo joca'li uetaue jaga'me napa'l lae't, joga'me jiyaĝadipi male 'yaĝatetedac da'me jo'ne yauata ca'li.

La'aqtaqa Ñim Lo'onatac 'Enauacna 2013

¹⁷ Nache so shiỹaxauapi maye hueta'aguet So Jesús co'ollaq iỹaxaneua'a so Lázaro co'ollaq huetaigui aso huachiqui da nca'alec naqa'en, namayepi ỹa'axattac dam lauanaqchec.

Juan 12:17 Referans Kwoze

Apocalipsis 1:2

Qaq ÿoqo'oyi somayi ÿataqta 'eesa de'eda l'aqtaxanaxac 'enauac nam ÿauaachigui, da ÿataqta 'eesa da l'aqtacpi ñi Dios dam qomi' nda'alo so Jesucristo.

Hechos 5:32

Qaq de'eda nachiqomi' mayi sa'axataqtac, qataq so Espíritu Santo nataq'en i'axattac, qaq ñi Dios ÿanem somayi cam ÿalaxaguet ñimayi.

Hechos 1:22

chigoqchiguiña co'ollaq chita'ague da nachilaxan so Juan somayi qataq ivitta'a co'ollaq somayi taigue da piguem. Qaq ÿoqo'oyi naamayi no'on da huo'o ca qalca'au'a da qomi' qaÿalecnoiguilo, yaqto' nataq'en i'axat da somayi mashi qaltaq qanca'alaxateec.

Juan 19:35

Qaq som i'axat de'eda, somayi co'ollaxa ÿauaachigui qataq ÿataqta 'eesa de'eda 'enapec. Cha'ayi somayi ÿaÿateeta da ÿataqta 'eesa de'eda l'aqtac, yaqto' qami' nataq'en ishit da qau'amqajnataxañi.

Juan 12:9

Qaq ÿataqta qalota na judiopi na huo'o da l'axaÿaxac da so Jesús hueta'a yi Betania. Nachi qanqo'ona yimayi. Qaq sa ishit da chaqsota so Jesús da qaÿauotaique da qailo'ot, cha'ayi nataq'en so Lázaro som qaltaq nca'alaxateec co'ollaxa somayi.

Juan 21:24

Qaq nachiso se'eso napaxaguenatac, som i'axattac 'enauac de'eda, qataq maichi ÿiyiñi. Qaq qomi' saÿajnaq da ÿoqta 'eesa de'eda 'enapec.

Juan 11:42

Qaq aÿim saÿaten da 'am nachi 'eetai' naxa da aÿim 'au'aqtega. Qalaxayi aÿim shinapec de'eda souaxat nam shiÿaxauapi mayi hueta'a ne'ena, yaqto' namayipi ishit da i'amaqten da 'eesa da aÿim 'adamaxashic.

Juan 11:31

Qaq co'ollaq qaila'a da sa naÿaloxon da ñishiguem aso María, nachi jec, nachi na judiopi mayi hueta'a ca lma' asomayi da i'añaqchittac, namayipi ca'attaueegue, cha'ayi ipi'itaxaatega da asomayi taÿauga aso huachiqui da huaña da noÿin.

Juan 1:34

Qaq aÿim mashi sauaachigui somayi, nachi sa'axattac da somayi nachiso so llalec ñi Dios.

Juan 1:32

Nataq'en so Juan 'enapeco': –Aÿim sauaateguet so Espíritu Santo da chigoqtot na piguem, 'eeta'am na qoto', nachi talec somayi.

Juan 1:19

Na judiopi mayi lma' yi Jerusalén ÿamaq na ntaxaÿaxanaxanecpi da qaitaxaÿapegue' ñi Dios qataq nam Leví llalaqpi mayi ltaua namayipi da nnataxana so Juan da chaq negue'tso somayi.