Juan 11:41 - Nuevo Testamento Toba Sur

⁴¹ Nachi qanqateec so coma'. Nachi so Jesús ÿamato'ot na piguem, nachi 'enapeco': –'Am ita'a, 'am sanot da ñi'achiquiaxac, cha'ayi 'am aÿim 'au'axaÿa.

Nuevo Testamento Toba Sombrero Negro

⁴¹ Qama'le qonaqategue ga'me qa'. Ñe'me Jesús male yeloje'ma di'me piyem qama'le enaac: —Taĝadena', am janem da'me yamaic queda'me jayem anaquiaĝana.

La'aqtaqa Ñim Lo'onatac 'Enauacna 2013

⁴¹ Nache qanqat so coma'. Nache So Jesús ỹamato'ot na piguem, nache 'enapeco': –'Am Ita'a, 'am sanot da ña'achecỹaxac, cha'aye 'am Aỹem 'aua'axaỹa.

Juan 11:41 Referans Kwoze

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Juan 17:1

Qaq co'ollaq ime da 'enapec de'eda so Jesús, nachi ÿamato'ot na piguem, nachi 'enapeco': –'Am ita'a, mashi ivita yi ÿaloqo'. Nagui 'avi'oxoden qome na 'ai'alec, yaqto' na 'ai'alec nataq'en 'am ÿi'oxoden.

Lucas 10:21

Huaña, nachi so Espíritu Santo i'ot da ntonapigui' naq'en so Jesús, nachi 'enapeco': –'Am ita'a, 'am sanot da ñi'oxonnataxanaxac, mayi nachi'am lataxala' na neto'ot na piguem qataq na huetalec ana 'alhua, cha'ayi 'am 'auachaxana nam qaica ca ÿaÿajnapec dam 'oxochiisop co'olloxochiyi nam ÿajnaxanaxaicpi qataq nam huattonaxanaxaicpi. Aja', 'am ita'a, cha'ayi nachida da maichi 'adhuennataxac.

Filipenses 4:6

Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.

Lucas 18:13

Qaq som ÿacootapeeguet ana nshiitenaqte ca nta'a, qalaq nachi qaÿata'a ca hueta'a, qataq sa ishit da ÿamato'ot na piguem. Chaqdata da iuaxaalec ana ltogue, nachi 'eeta': “¡'Am ita'a Dios, aÿim 'auchoxoden qome, cha'ayi aÿim huo'oi naua sasouaxa't!”

Mateo 11:26

Aja', 'am ita'a, cha'ayi nachida dam maichi 'adhuennataxac.

Mateo 27:60

Nachi ÿachangui aso maichi lalamaqte nhuachiqui mayi damaxasoxoolec co'ollaxa da qanshi' da qoÿanaigui so coma'. Qaq co'ollaq imat da ÿapogui asomayi so coma' lta'adaic, nachi jec.

Marcos 15:46

Nachi so José deshijnaxana so hualoq lapagaxaic nsaxaatac, nachi nqajñi so l'oquiaxac so Jesús, nachi ÿaxategue. Qaq co'ollaq ime, nachi ÿachaigui aso huachiqui mayi naigui aso coma', nachi ÿapogui asa'aso huachiqui, dapoxona so coma' lta'adaic.

Lucas 24:2

Qaq co'ollaq qaiviteuga asomayi, nachi qailalec so coma' mayi lapoxot da sa ishit da huetaña so lma'.

Juan 11:22

Qalaxayi aÿim saÿaten da ñi Dios ishit da 'am ÿanem 'enauac cam 'auÿaxanaique.

Juan 20:1

Qaq som l'auaxanec na'a'q naua na'axa'te, nachi aso María mayi lashi yi Magdala, asomayi tauga aso huachiqui co'ollaq nte'etom. Qaq co'ollaq ña napaltañi, nachi asomayi ila'a da so coma' mayi lapoxot aso huachiqui da mashi qanqat.

Hechos 7:55

Qalaxayi so Esteban, yi somayi ÿataqta nlaqchigui so Espíritu Santo, nachi ÿamato'ot na piguem, nachi somayi ila'a da lli'oxoyic ñi Dios, qataq ila'a so Jesús nachattañi, hueta'ague na aloic ñi Dios.