Juan 11:28 - Nuevo Testamento Toba Sur

²⁸ Qaq co'ollaq ime de'eda l'aqtac aso Marta, nachi jec da iÿaxana aso lqaÿa María. Nachi isoxootot da 'enapega, 'eeta': –Dam dapaxaguenataxaatac hueta'a ne'ena, qaq damayi 'am nÿaxaneu'a.

Nuevo Testamento Toba Sombrero Negro

²⁸ Ca'li yem da'me nenaĝategue da'me dojo', jañe'me Marta ec qama'le yiyaĝana jañe'me laqaya María, qalaĝaja ch'e nejoĝo'tot: —Ñe'me Paĝaguenataĝanaĝaic joote novitequena, am yiyaĝana.

La'aqtaqa Ñim Lo'onatac 'Enauacna 2013

²⁸ Qaq co'ollaq ime de'era la'aqtac aso Marta, nache asomaye jec da iỹaxana aso lqaỹa María. Nache isoxootot da 'enapega, 'eeta': –Dam Napaxaguenataxanaq hueta'a ne'ena, qaq damaye 'am nỹaxaneua'a.

Juan 11:28 Referans Kwoze

Juan 13:13

Qami' naxa da aÿim qauÿaxañiÿa, qalaq qoñiÿapec da aÿim sapaxaguenataxanapec qataq aÿim qadataxala'ai. Qaq damayi sa ishit da soqolguet, ÿataqta 'eesa.

Juan 11:20

Qaq aso Marta co'ollaq ÿaÿaten da so Jesús mashi nvi', nachi huaqata'aguet; qaq aso María, qalaxayi n'onaña ca lma'.

Marcos 10:49

Nachi so Jesús vi'iiguet, nachi 'enapeco': –Ña qauÿaxañiÿa ñimayi. Nachi qaiÿaxana so qanamaic, nachi qoÿiitega, qoÿiita': –'An'añaxat qome, qoñishiguem, cha'ayi 'am qanÿaxana.

Juan 21:7

Nachi som napaxaguenatac mayi ÿataqta nauochaxaua so Jesús, somayi 'enapego' so Pedro, 'eeta': –¡Nachida da qadataxala'! Nachi co'ollaq chochi hua'aqchigui de'eda so Simón Pedro da nachiso so qadataxala', nachi ÿaayiñi soua alogo (cha'ayi somayi nqa't co'ollaxa soua alogo), nachi padenaxangui so 'etaxat.

Juan 20:16

Nachi so Jesús 'enapego' asomayi, 'eeta': –¡María! Nachi asomayi ÿamato'ot, nachi huota'ai naua l'aqtaqa na hebreo da 'enapega, 'eeta': –¡Raboni! (Damayi naigui da 'eeta': 'Am napaxaguenataxanaq).

Juan 10:3

Nachi cam lasom l'o ÿauateguet camayi, da yaqto' pa'auo, qaq anam qaguetapi ÿauatton da lavilÿaxac camayi. Nachi camayi iÿaxaatau'a na l'enaxatpi ana qaguetapi, nachi nqateeguesop aca laÿi'.

Juan 1:45

Nachi so Felipe jec da nmitaique so Natanael. Nachi da'aqtaxanem, 'eeta': –Qomi' mashi ñauanaxai' ñim shiÿaxaua mayi ÿiyiñi co'ollaxa so Moisés naua lqataxaco mayi nanettrañi ana lede, ñim nataq'en ÿiyiñi co'ollaxa so l'aqtaxanaxanecpi ñi Dios. Ñimayi nachiñi ñi Jesús, ñim llalec so José mayi lma' yi pueblo Nazaret.

Juan 1:41

Qaq so Andrés co'ollaxa ÿataqta i'auaxaachiguiñi da nqo'ona so lqaÿa Simón, nachi 'enapega, 'eeta': –Qomi' ñauanaxai' ñim qoÿiitega Mesías –de'eda n'enaxat naigui da Cristo, nta'a nca'alaxaqui.

Lucas 22:11

Nachi qoñiÿapega qome cam lma' que'eca noÿic, qoñiita': “Ñim dapaxaguenataxaatac 'eeta': ¿Chaq huá'ague cam noÿic mayi nqui'aqa', da yaqto' sequi'iÿa'ai' na ÿapaxaguenatacpi da sachiguenaq ca nallic mayi naigui da qaiuennate co'ollaq qanayica'ai yi Egipto?”

Marcos 14:14

Qaq cam tateu'a, nachi qoñiÿapega qome cam lalamaxat ca nma', qoñiita': “Ñi qadataxala' 'eeta': ¿Chaq huá'ague ca iqui'aqa', da yaqto' iqui'axa'u naua ÿapaxaguenataqa da sachic ca nallic mayi naigui da qaiuennate co'ollaq qanayica'ai so Egipto?”

Mateo 26:18

Nachi so Jesús 'enapeco': –Qanqo'oñiu'a qome yi la ciudad, nachi qaiteu'a yi lma' que'eca shiÿaxaua. Nachi qoñiÿapega, qoñiita': “Ñim qanapaxaguenaxala' 'eeta': Yi ÿaloqo' mashi sa qaÿapeque. Qaq na 'adma' qome huaña da sachic ca nallic mayi naigui da qaiuennate co'ollaq qanayica'ai yi Egipto, da sequi'iÿa'ai'salo naua ÿapaxaguenataqa.”

Hebreos 12:12

Qaq ÿoqo'oyi qami' qaltaq n'añaxat qome qanqashiñi' naua qadhuaxayilli' mayi mashi nqui'itreec qataq naua qadllictelli' mayi sa da'añiiguelo.

1 Ts 5:11

Ÿoqo'oyi qantauñiÿa't, qataq ñi 'oonolec i'añaqchit ca lÿa. Qaq de'eda mashi qau'ochiitac, nachida qoquiitot.

Juan 11:29

Qaq co'ollaq chochi hua'aqchigui de'eda aso María, nachi sa naÿaloxon da ñishiguem, nachi nqo'oneuga so Jesús.

Juan 11:30

Qaq so Jesús saxanaxa co'ollaxa da inoxoneu'a ca pueblo. Ñaq hueta'a cam huaña co'ollaq natena'aguet aso Marta.