Juan 10:5 - Nuevo Testamento Toba Sur

⁵ Qaq anamayipi sa ishit da ca'ategue cam sa ishit da ÿauatton. Chaqdata da dataueguesop camayi, cha'ayi sa ishit da ÿauatton da lavilÿaxac cam ÿaqa'a.

Nuevo Testamento Toba Sombrero Negro

⁵ Qama'le ja ena'am ga'me jo'ne ja yateto'n: ja quetegue, dite da'me dajode'guem joga'me, qa'a yajouaĝat da'me ja yateto'n naa'me mach'e 'laqataqa.”

La'aqtaqa Ñim Lo'onatac 'Enauacna 2013

⁵ Qaq anamayepi, saishet da ca'ategue cam saishet da ỹauatton. Chaqrata da dataueeguesop camaye, cha'aye saishet da ỹauatton da lavilỹaxac.

Juan 10:5 Referans Kwoze

Apocalipsis 2:2

Aÿim saÿaten 'enauac nam 'au'ottacpi, qataq saÿateeta da lta'adaic 'ad'onataxanaxac qataq da 'adhualaxavic. Qataq saÿaten da 'am sa ishit da 'anque'etaxaatapegue' da lataxac na qauemaicpi. Qataq aÿim saÿaten da 'am ÿataqta 'avi'iguen na 'eetega da lamaxashicpi so Jesús, qalaxayi saq 'en, qaq 'am 'aulalec namayipi da chochi tenataxanaxaicpi.

Marcos 4:24

So Jesús nataq'en 'enapeco': –Ÿataqta qauloitelec qome ca qau'aqaichigui. Cha'ayi cam qadaloqnaxanaxaquii da huo'o ca qai'añiiuec, camayi nachica ca ipagaqchiichigui ñi Dios, da huo'o ca qami' ÿanema. Qataq ÿataqta nquicteec ca qami' ÿanema, qami' mayi qan'axaÿaxañiitac.

1 Juan 2:21

Qaq qami' samaxalo ana ÿide, cha'ayi qami' qauauattoñi da 'eesa lataxac, qaq sa ishit da huo'otaq sa qauauattoñi. Qataq qami' qauaÿajñiita da qaica ca natenataxanaxac da huo'otaq ishit da chigaqaigui dam lataxac mayi 'eesa.

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

2 Timoteo 4:3

Cha'ayi huo'o qome ca na'a'q da na shiÿaxauapi sa ishit da ishiteguet da napaxaguenataxanaxac no'oita. Chaqdata da n'axaÿaxaata'a ca maichi lqopitaxanaqtaic, qataq nmitta'a da ÿotta'a't naq'en na napaxaguenaxala' da qaÿapaxaguenec cam n'axaÿaxaata'ai.

Lucas 8:18

Qaq ÿoqo'oyi ÿataqta qan'axaÿaxañiichiguiñi, cha'ayi cam huo'o ca hueto'ot, qalaq qanquigaxateec ca qoÿanem, qalaq cam qaica ca hueto'ot, qalaq qanhuo', ivida'a da qaiuotaxanec cam ipi'itaxaatega da hueto'ot.

Juan 10:4

Qaq da ime da nqateec 'enauac ana lalopi qagueta, nachi camayi hua'auta. Qaq anam qaguetapi nca'ataxaatauo, cha'ayi anamayipi ÿauatton da lavilÿaxac camayi.

Juan 10:16

Qaq huo'o nataq'en anam ilo qaguetapi mayi sa ishit da ÿalectaigui anam netaigui añi laÿi' ana qaguetapi. Qaq anamayipi iuen nataq'en da ñauegueuo. Qaq anamayipi qome ÿataqta aÿim ÿalaxaguet, huaña, qa nachi ishit da 'oonole aca nhuataguishipi qagueta, qataq 'oonolec cam nhuataxaua.