Juan 10:3 - Nuevo Testamento Toba Sur

³ Nachi cam lasom l'o ÿauateguet camayi, da yaqto' pa'auo, qaq anam qaguetapi ÿauatton da lavilÿaxac camayi. Nachi camayi iÿaxaatau'a na l'enaxatpi ana qaguetapi, nachi nqateeguesop aca laÿi'.

Nuevo Testamento Toba Sombrero Negro

³ Ga'me jo'ne jom lo'o 'youategue ga'me 'naĝanaĝatelpi lae't najom, qama'le ga'me 'naĝanaĝate nouatoqo't yiyaĝanalo gaa'me onole'tape 'naĝanaĝatel, e'n gaa'me mach'e lenaqa'te, qama'le gaa'me 'naĝanaĝatel yateto'n naa'me mach'e 'laqataqa, nataq'aen da'me yamaĝadegue qaedi e'n queda'ae q'ae'n jaga'me lae't.

La'aqtaqa Ñim Lo'onatac 'Enauacna 2013

³ Nache cam lasom lo'o ỹauateguet camaye, da yaqto' pa'auo, qaq anam qaguetapi ỹauatton da lavilỹaxac camaye. Nache camaye iỹaxaataua'a na le'enaxatpi añi 'oonole ana qaguetapi, ime, nache nqateeguesop aca laỹe' da ỹauec.

Juan 10:3 Referans Kwoze

2 Timoteo 2:19

Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

Juan 10:4

Qaq da ime da nqateec 'enauac ana lalopi qagueta, nachi camayi hua'auta. Qaq anam qaguetapi nca'ataxaatauo, cha'ayi anamayipi ÿauatton da lavilÿaxac camayi.

Juan 10:16

Qaq huo'o nataq'en anam ilo qaguetapi mayi sa ishit da ÿalectaigui anam netaigui añi laÿi' ana qaguetapi. Qaq anamayipi iuen nataq'en da ñauegueuo. Qaq anamayipi qome ÿataqta aÿim ÿalaxaguet, huaña, qa nachi ishit da 'oonole aca nhuataguishipi qagueta, qataq 'oonolec cam nhuataxaua.

Juan 10:14

Aÿim mayi nachaÿim no'on qagueta l'o. Qaq de'eda 'eetec da ñi ita'a aÿim ÿauattoota, qataq da aÿim sauatton ñimayi, qaq nachida da 'eetec da aÿim sauattoota ana ilo qaguetapi, qaq anamayipi nataq'en ÿataqta aÿim ÿauattoota. Qaq aÿim san da ñachaalataxac souaxat anamayipi.

Apocalipsis 3:20

Qaq ña 'aula'a da aÿim sootaigui na lasom, seÿaxaatac. Qaq da huo'o ca hua'axaÿa da iÿaxanaxac, qaq da aÿim nauateguet, nachi aÿim senoxonoigui ca lma'. Ime, qaq qomi' nqui'axa'u.

Apocalipsis 7:17

Cha'ayi ñi qagueta llalec mayi netangui na laiñi yi so'onqa', ñimayi ilo'ogue qome namayipi, 'eeta'am naq'en ana qagueta, qataq ÿauega cam chochi npaxaatashiguem na 'etaxat mayi chigaqaigui da nca'alaxa. Huaña, nachi ñi Dios iÿouec 'enauac na lachi' namayipi.

Romanos 8:30

Qaq nam lca'aguishicpi co'ollaxa ñi Dios, nachi nataq'en iÿaxana. Qaq nam lÿaxanataguishicpi ñimayi nataq'en ÿanagui da ÿataqta ÿaÿamaxadeeta qataq nhuanau'a naq'en da lli'oxoyic.

Juan 6:45

Naua nanettrañi l'aqtaqa som l'aqtaxanaxanecpi ñi Dios, naamayi 'eeta': “Ñi Dios ÿapaxaguen qome 'enauac na shiÿaxauapi.” Qaq ÿoqo'oyi 'enauac nam n'axaÿaxana ñi ita'a qataq lapaxaguenatac ñimayi, nachi namayipi aÿim nau'a.

Juan 6:37

Qaq 'enauac nam aÿim ÿami' ñi ita'a, namayi aÿim nau'a; qaq nam aÿim nau'a, qalaq sa ishit da semaqa'aguet.

Apocalipsis 20:15

Nachi somayi qaÿasaxangui nam sa ishit da qoÿittau'a aso nanedaxalate nam qanca'alaxateecpi.

Colosenses 4:3

Qataq nataq'en qomi' qanqouagaxauñiitalguete qome, yaqto' ñi qadataxala' Dios qomi' ÿanema ca qaddaqa' sa sa'axataq da n'aqtac qataq dam sa ishit co'ollaxa da qaÿaÿaten n'aqtaguec so Cristo, cha'ayi nachida da huo'o mshi aÿim qaicoñittai'.

Filipenses 4:3

Qataq 'am i'onataxanaxaua mayi saq aÿim 'auÿoteec, 'am shinapega da 'autaua'n qome que'ecaua qadqaÿa't, cha'ayi caamayi ÿataqta qalota da ltaunaxanaxa'c aÿim da sa'axataqtac da nca'alaxa, nataq'en ca Clemente qataq nam laÿipi i'onataxanaxauapi. Qaq ñi Dios mashi ÿidelec acam nanedaxalate nam nca'aleec na l'enaxatpi namayipi.

1 Pedro 1:12

Qalaxayi ñi Dios ÿaÿajnaxanaxanec somayipi da de'eda huetapegue' sa ishit da lalamaxat, cha'ayi damayi qaÿauotaique da qomi' talguete. Qaq ÿoqo'oyi nachida da qami' qai'axattapeguema dam qami' i'axatema nam i'añaqchit so Espíritu Santo mayi chigoqo'ot na piguem mayi i'axattac da n'aqtaxanaxac mayi chigaqaigui da nca'alaxa. Qaq damayi nataq'en nachida da nshitaique da ÿaÿateeta co'ollaxa nam chigaqshiguem lamaxashicpi ñi Dios.

1 Corintios 16:9

cha'ayi yimayi ÿataqta aÿim nauatteguet da so'onataxan, da yaqto' saqalota na i'amaqten so qadataxala'. Qaq nai'ctaxa da saqalota na depa'aguenataxaatac.

Juan 10:9

Qaq aÿim mayi nachaÿim lasom. Qaq ca aÿim tateu'a, nachi camayi nca'aleec. Nachi camayi 'eeta'am aca qagueta da pa'auo qataq da npa'aueguesop aca laÿi', nachi ÿanata ca 'auaqpi.

1 Juan 4:6

Qomi', qalaxayi qomi' lalamqa'te ñi Dios. Qaq nam ÿauatton ñi Dios nachi ÿataqta qomi' n'axaÿaxanalo. Qaq nam sa ishit da lalamaxatpi ñi Dios, qalaq sa ishit da qomi' n'axaÿaxanalo. Qaq ÿoqo'oyi qomi' ishit da sauattonaq cam hueto'oto naua nhuennataxaco mayi ÿataqta 'eesoda qataq cam hueto'oto naua nhuennataxaco mayi desomaxanaqtaxa'n.

3 Juan 1:14

Cha'ayi seuata'a qom huo'otaq saqaÿaloq da 'am ñauane', nachi ÿataqta ñima'ai' da 'am setaqtapegue'.