Juan 10:29 - Nuevo Testamento Toba Sur

²⁹ Qaq anamayipi aÿim ÿanem ñi ita'a ñi napacalec 'enauacna, qataq sa ishit da huo'o ca nqateeguesop da lhuaqÿaxac ñimayi anamayipi.

Nuevo Testamento Toba Sombrero Negro

²⁹ Ñe'me Taĝadena' jo'ne jayem yanema nach'eñe yataqachiñe let'adaic ja ena'ama yema gaa'me uo'oe, chane'eja qaya'te yaqanatet ta'le doĝotaĝaneque.

La'aqtaqa Ñim Lo'onatac 'Enauacna 2013

²⁹ cha'aye saishet da huo'o ca nqateeguesop da lhuaqỹaxac Ñim Ita'a. Cha'aye Ñimaye napacalec 'enauacna.

Juan 10:29 Referans Kwoze

Juan 6:37

Qaq 'enauac nam aÿim ÿami' ñi ita'a, namayi aÿim nau'a; qaq nam aÿim nau'a, qalaq sa ishit da semaqa'aguet.

Juan 17:9

Qaq aÿim 'am ñachoxonnot souaxat namayipi. Qaq sa ishit da ñachoxodeetapeguelec nam huetalec ana 'alhua, chaqnata nam aÿim 'ai'anempi, cha'ayi 'adalamaxatpi.

Juan 17:2

Cha'ayi 'am 'ai'anem co'ollaxa da l'añaxac na 'ai'alec, da yaqto' ilo'ogue 'enauac na shiÿaxauapi, qataq da yaqto' ÿanem da lca'alaxa mayi chochaq tateec 'enauac nam 'ai'anempi namayi.

Juan 14:28

Qaq mashi aÿim qau'aqaitega da aÿim ashic, qataq ñi'iguelaq, da yaqto' qaltaq qami' soota'agueta. Qaq da ÿoqta 'eesa da aÿim qauauochiic, nachi ishit da qauamaichiguiñi, da qauaÿajñi da aÿim saÿa ñi ita'a; cha'ayi ñimayi aÿim napacalec da l'amaqchic.

Juan 17:6

Qaq nam 'adca'aguishicpi mayi 'auachigoxottoigui co'ollaxa nam huetalec ana 'alhua da yaqto' aÿim 'ai'anem, namayipi sogote da sa'axattem da qoneta. Namayipi 'adalamaxatpi, qalaxayi aÿim 'ai'anem, qaq namayipi ÿataqta ÿalaxaguet da 'ad'aqtac.

Juan 17:11

Qaq aÿim mashi sa ishit da soota'a ana 'alhua. Qalaxayi namayipi ñaq huetalec ana 'alhua, qaq aÿim nagui ashic da 'am ñoqo'ona. 'Am ita'a mayi 'am qui'itta, 'au'ogoxona qome da 'ad'añaxac da 'antela'a nam aÿim 'ai'anempi, yaqto' namayipi ÿataqta n'atta't, 'eeta'am da 'eetec 'am qataq aÿim.

Juan 10:28

Qaq aÿim sanem da lca'alaxa mayi chochaq tateec anamayipi. Huaña, nachi sa ishit da ileu, qataq sa ishit da huo'o ca ishit da nqateeguesop da iuaqÿaxac anamayipi.

Juan 10:30

Aÿim qataq ñi ita'a qomi' 'oonolec da qadataxac.