Juan 1:4 - Nuevo Testamento Toba Sur

⁴ Qaq somayi nachiso so chigoqchigui da nca'alaxa, qaq de'eda nca'alaxa nachida da yi'oqojlec naq'en na shiÿaxauapi.

Nuevo Testamento Toba Sombrero Negro

⁴ Nach'e ena'am da'me nach'eñe jo'ne chiyaqayi da'me nec'alaĝa, qama'le da'me nec'alaĝa nach'eda jo'ne yecoyadelegue ena'uaque gaa'me jiyaĝadipi.

La'aqtaqa Ñim Lo'onatac 'Enauacna 2013

⁴ Qaq se'eso Na'aqtac, nacheso so chegoqchigui da nca'alaxa, qaq de'era nca'alaxa, nachera da yo'oqoolec naqa'en na shiỹaxauapi.

Juan 1:4 Referans Kwoze

Juan 8:12

Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

Juan 12:46

Aÿim mayi aÿim lcoÿadaqte ana 'alhua. Ñanaÿa anamayi, da yaqto' ca aÿim i'amaqten, nachi camayi sa ishit da huetaigui na napalaxa.

Juan 5:26

Cha'ayi ñim lta'a huo'o da l'añaxac, da yaqto' maichi ÿan da nca'alaxa, nataq'en ÿanem na llalec da l'añaxac da ÿan da nca'alaxa.

Juan 9:5

Nagui da aÿim ñaq soota'a na 'alhua, qalaq aÿim mayi nachaÿim lcoÿadaqte ana 'alhua.

Juan 11:25

Nachi so Jesús 'enapego' asomayi, 'eeta': –Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec.

1 Juan 5:11

Qaq de'eda l'aqtaxanaxac ñi Dios naigui da qomi' ÿanema da nca'alaxa mayi chochaq tateec. Qaq de'eda nca'alaxa chigoqchigui so llalec.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 12:35

Nachi so Jesús 'enapega somayipi, 'eeta': –Ñaq cada'acolec da qami' hueta'agueta nam lcoÿadaqte ana 'alhua, qalaxayi sa qaÿadauec caua na'axa'te da qami' hueta'agueta. Qaq ÿoqo'oyi qauqueuoitapigui' qome, llaxatemallaxa da ñaq huo'o na yi'oqchiguiñi, yaqto' sa ishit qome da qami' ique'elaxa't ca napalaxa. Cha'ayi cam queuotapigui na napalaxa, camayi sa ishit da ÿaÿaten cam tata'ague.

Efesios 5:14

Qaq ÿoqo'oyi dam n'aqtac 'eeta': 'Am mayi 'au'ochita, ña 'anlouec; qoñishiguem, qoca'ai nam leuaxaicpi, qaq so Cristo nachi 'am icoÿadelec.

Mateo 4:16

Nam shiÿaxauapi mayi huetaigui na napalaxa, qalaq namayipi ila'a aso late'edai 'ico' ncoÿadaxanaxaqui. Nam huetaigui nam ÿataqta lta'adaic lpaqal da nleuaxa, qalaq namayipi icoÿadelec aso 'ico' coÿadaxanaxaqui.

Colosenses 3:4

Cha'ayi so Cristo nachiso so qanachaalataxac. Qaq qom ivita da ñi'iguelaq da nachaxan, nachi qami' nataq'en qanachaxañi. Nachi qanhuañiÿau'a da lli'oxoyic somayi.

Hechos 26:23

Qaq dam n'aqtaxanaxac qoÿinac yi cam nta'a mayi nca'alaxaqui, camayi qome ÿataqta huo'o da nque'ejnaxac. Qaq da ime, nachi qaÿalauat, qaq nachica qome ca l'auaxanec da qanca'alaxateeguesop na leuaxaicpi. Ime, nachi camayi i'axatem da nca'alaxa nam qadhuo' l'ecpi qataq nam saq judío l'ecpi, qaq damayi 'eeta'am na yi'oqchiguiñi.

Lucas 2:32

Namayi nachina na 'ico' ncoÿadaxanaqte mayi icoÿadelec nam sa ishit da Israel l'ecpi, nataq'en i'ot da lli'oxoyic nam Israel llalaqpi nam 'adalamaxatpi.

1 Juan 1:2

Qaq se'eso chigaqaigui da nca'alaxa co'ollaq nachaxan, nachi qomi' sauanaqchigui, qataq sa'axataqtac somayi. Qataq qami' sa'axataxama se'eso chigaqaigui da nca'alaxa mayi chochaq tateec, som hueta'aguet co'ollaxa ñi qadta'a Dios, qataq qomi' nachaxanalo.

Juan 5:21

Cha'ayi de'eda 'eetec da ñi ita'a da ishit da qaltaq nca'alaxateec ca leuaxaic, nachi ÿanem da lca'alaxa, qaq nachi 'eetec nataq'en nam llalec da ishit da ÿanem da lca'alaxa cam tajlec da ÿanem.

Apocalipsis 22:16

–Qaq nachaÿim Jesús mayi ñamaq so ÿamaxashic, da yaqto' i'axatem 'enauac de'eda nam aÿim i'amaqteetac. Qaq nachaÿim mayi aÿim chigoxoguet so nta'a David qataq nachi sachigoxoguet somayi. Qataq aÿim mayi nachaÿim huaqajñi yi'oxoñi lalaqte.

1 Corintios 15:45

Qaq ÿoqo'oyi 'ena'pe naua ñiyigui'shi l'aqtaqa ñi Dios: “So hua'auchiguiñi shiÿaxaua, l'enaxat Adán, co'olla qai'ot, nachi ÿataqta qoÿanagui da nca'altauec qanqoÿin.” Qalaxayi so Cristo som pa'ateec Adán, nachiso som saq cha'a mayi ishit da deca'alaqtaxan.

Apocalipsis 22:1

Nachi so namaxashic aÿim ÿachaxana so tala mayi chigoqtapoigui da nca'alaxa na l'ec 'etaxat. Somayi 'eeta'am na chauec, ÿataqta yi'oqchiguiñi. Qaq somayi chigoqteu'a ca nso'onqa' ñi Dios qataq so qagueta llalec.

Juan 3:19

Nam sa ishit da da'amqajnataxan, nachi qaÿauo'o ca nhuaxanaguec. Cha'ayi co'ollaq anac som yi'oqchiguiñi da anaÿa ana 'alhua, qalaq namayipi ÿagaqnauec da lqopichi na napalaxa, cha'ayi namayipi i'otta'pe naua qauema.

1 Juan 1:1

Qaq sedaxañi da yaqto' qami' samaxasaxalo se'eso nal'ena da huo'o co'ollaq saxanaxa da huo'o ana 'alhua, som qomi' sa'axasoqchigui qataq ñimaqa'ai' da sauanaqchigui. Somayi sauanaqchigui qataq naua qadhua'q ipottau'alo, qaq somayi nachiso so l'enaxat n'aqtac mayi chigaqaigui da nca'alaxa.