Juan 1:34 - Nuevo Testamento Toba Sur

³⁴ Qaq aÿim mashi sauaachigui somayi, nachi sa'axattac da somayi nachiso so llalec ñi Dios.

Nuevo Testamento Toba Sombrero Negro

³⁴ Jayem joote jauana, qama'le nayi jechoqotaĝanec queda'me yataqachiñe Lec'oĝot joñe'me Dios.”

La'aqtaqa Ñim Lo'onatac 'Enauacna 2013

³⁴ Qaq aỹem mashe sauaachigui Namaye, nache sa'axattac da Namaye, nachena na Llalec Ñim Lo'onatac 'Enauacna.

Juan 1:34 Referans Kwoze

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Mateo 4:3

Nachi so shiÿaxaua lma'na nqo'ona so Jesús da ÿi'iguen. Nachi 'enapego', 'eeta': –Da ÿoqta 'eesa da 'am llalec ñi Dios, qaq no'on qome da nañigui pan 'anqa'en ne'ena coma'pi.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Apocalipsis 2:18

Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Tiatira. Qoneta': “'Eeta' da l'aqtac na llalec ñi Dios, nam 'eeta'am na nodec l'edaxa naua l'ai'te, qataq naua lchil 'eeta'ama na nqashilgaqtac lcat l'enaxat bronce, 'eeta':

Romanos 1:4

Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

1 Juan 4:9

Qaq ñi Dios qomi' ÿachaxanalo da lauotaxanaqtaic co'ollaq namaxa ana 'alhua so 'oonolec llalec, da yaqto' qomi' sachigoxotaqchigui somayi da qadca'alaxa.

1 Juan 3:8

Qalaxayi cam quetot da i'otta'pe naua lasouaxashi'te, camayi quetague' som shiÿaxaua mayi lma'na. Cha'ayi somayi nal'ena da ÿataqta 'itaxaloxoic co'ollaq chita'ague huo'o ana 'alhua. Qaq ÿoqo'oyi so llalec ñi Dios anac da yaqto' nlaxajñi 'enauac nam l'onataxanaxacpi somayi.

1 Juan 2:23

Qaq 'enauac nam ÿoqolguet som llalec ñi Dios, namayipi sa ishit da hueta'aguet ñi qadta'a. Qalaxayi nam sa ishit da ÿoqolguet so llalec ñi Dios, namayipi nataq'en hueta'aguet ñi qadta'a.

2 Corintios 1:19

Cha'ayi so llalec ñi Dios, l'enaxat Cristo Jesús, som sa'axattac qataq soua iÿa't Silvano qataq Timoteo co'ollaq qami' souaqta'agueta, somayi sa ishit da saq ÿataxalec ca l'aqtac. De'eda n'aqtaxanaxac mayi chigoqo'ot so Cristo ÿataqta 'eesa,

Juan 19:7

Qalaxayi na judiopi 'enapeco': –Qomi' huo'o dam nqataxac mayi qomi' qoÿanema co'ollaxa, qaq damayi 'enapec yi ishit da qaÿalauat ca shiÿaxaua, cha'ayi damayi yi 'eetega da llalec ñi Dios.

Juan 11:27

Nachi asomayi 'enapeco': –Aja', sa'amaqten, 'am ÿataxala', da nachi'am nta'a nca'alaxaqui, mayi 'am llalec ñi Dios, mayi 'am qai'axatta'aguet co'ollaxa da 'auanaÿa'a ana 'alhua.

Juan 10:36

Qaq da huo'otaq ñim Dios aÿim iÿotauga co'ollaxa, nachi aÿim namaxa ana 'alhua, qaq ¿tá'ainco' qami' yi qoñiitega da npa'agueneto naua i'aqtaqa ñimayi, souaxat da shiitega da aÿim llalec ñimayi?

Marcos 1:1

'Eda da 'eetec co'ollaq chita'ague da no'on qad'axaÿaxac mayi i'axat da llic so llalec ñi Dios, l'enaxat Jesucristo.

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Mateo 27:43

Ñi mayi ÿachito'ot da lpi'iÿaxac ñi Dios. Qaq ñi Dios no'on da nca'alaxateec nagui ñimayi, qom ÿoqta 'eesa da lauotaxat. Cha'ayi ñimayi maichi qomi' da'aqtaxaatapeguema co'ollaxa da 'eetega ÿataqta llalec ñi Dios.

Mateo 27:40

Nachi 'eeta': –'Am mayi qonetega co'ollaxa da 'anlaxajñi añi n'onaxanaxaqui late'edai, ime, nachi qaltaq 'an'oxooshiguem, tres na'axa'te nachi 'aumat. Qaq nagui maichi 'anca'alaxajla't qome. Qom ÿoqta 'eesa da 'am llalec ñi Dios, qaq 'aunoteeguesop qome na 'am qaiuaxaata'aguet.

Mateo 26:63

Qalaxayi so Jesús sa ishit da ÿasat. Nachi so lta'a na lataxala'pi na ntaxaÿaxanaxanecpi 'enapega somayi, 'eeta': –Seÿaxanot nagui ñi Dios mayi nca'altauec da ÿauo'o qome ca 'anhuaxanaguec qom sa ishit da 'en ca 'ad'aqtac. Ñaq qomi' 'au'aqtaxanema nagui qom 'eesa da nachi'am nta'a nca'alaxaqui mayi 'am llalec ñi Dios.

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

2 Juan 1:9

Cha'ayi ca camachaqcague't da huo'otaq hua'auapec, qaq sa ishit da n'onaigui dam dapaxaguenataxanec so Cristo, qachi camayi sa ishit da hueta'aguet ñi Dios. Qalaxayi cam nachi 'eetai' da huetaigui da lapaxaguenataxanaxac so Cristo, camayi hueta'aguet ñi qadta'a Dios qataq so llalec.

Hebreos 7:3

Qaq somayi qaica ca lta'a qataq aca late'e qataq cam hua'au lta'alpi. Qataq somayi sa ishit da qai'axat da 'eetec ca lañoxoc qataq ca l-leuaxa. Qaq 'eda da 'eetec da somayi nachi 'eeta'am da lataxac so llalec ñi Dios, da somayi nachi 'eetai' da ntaxaÿaxanaxanec da qaitaxaÿapegue' ñi Dios.

Lucas 3:22

Nachi so Espíritu Santo anaÿaña somayi, 'eeta'am na qoto' ÿataqta yi'oqta. Ime, nachi chimqot na piguem so n'aqtac, 'eeta': –'Am mayi nachi'am ÿalamaxat ÿalec, 'am ÿauotaxat, aÿim ÿataqta 'am ñitootapeguec.

Lucas 1:35

Nachi so namaxashic 'enapeco': –Qomyi ca Espíritu Santo qome 'am tanguit, nachi da l'añaxac ñi Dios mayi 'amaqtaqaic 'am ipelteelec, 'eeta'am ca l'oc. Qaq ÿoqo'oyi que'eca nogotolec mayi ñiguiñi, camayi ÿataqta qoÿanot da hueto'ot ñi Dios, nachi qaÿamata'ac da llalec ñimayi.

Marcos 1:11

Nachi qai'axaÿa so n'aqtac chimqot na piguem, 'eeta': –'Am mayi nachi'am ÿalec, 'am ÿauotaxat, aÿim ÿataqta 'am ñitootapeguec.

Mateo 16:16

Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Mateo 8:29

Nachi soomayi i'alaqtai'salo, 'eeta': –¿Tá'ainco' yi qomi' 'atapegueu'alo, 'am Jesús mayi 'am llalec ñi Dios? ¿'Am 'auanaicna'a peta'a da 'auauo'o da qanque'ejnaxac, qamaq saxanaxa da sevitaxa ca qadaloqo'?

Mateo 4:6

Nachi 'enapega, 'eeta': –Qom ÿataqta 'eesa da 'am llalec ñi Dios, qaq 'aupadenaxaneec qome. Cha'ayi yi l'aqtac ñi Dios mayi nanettañi 'eeta': Ñi Dios namaq qome ca lamaxashic piguem l'ec, da yaqto' 'am ntela'a. Nachi 'am ÿachitalguete qome naua lhua'q camayipi, da yaqto' sa ishit da ntoqneto naua 'adchil na coma'pi.

Mateo 3:17

Nachi qai'axaÿa, chimqot na piguem, 'eeta': –'Eda da ÿalamaxat ÿalec mayi ÿauotaxat. Damayi ÿataqta ñitootapeguec.

Juan 20:28

Nachi so Tomás 'enapeco': –¡'Am ÿataxala' qataq 'am ita'a Dios!

Juan 10:30

Aÿim qataq ñi ita'a qomi' 'oonolec da qadataxac.

Juan 6:69

Qomi' mashi sogote da sa'amqajnataxanaq, qataq saÿajnaq da nachi'am mayi 'am nta'a nca'alaxaqui mayi 'am llalec ñi Dios mayi nachi 'eetai' da nca'altauec.

Juan 1:18

Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.