Juan 1:17 - Nuevo Testamento Toba Sur

¹⁷ Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Nuevo Testamento Toba Sombrero Negro

¹⁷ Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

La'aqtaqa Ñim Lo'onatac 'Enauacna 2013

¹⁷ Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Juan 1:17 Referans Kwoze

Romanos 6:14

Cha'ayi de'eda ñi'itaxaloxo mashi sa ishit da qami' ÿamaqta'pe, cha'ayi qami' sa ishit da qoviito'ot da lamaxasoxonaxac na nqataxacpi, chaqdata dam lqouagaxanaqtaic ñi Dios.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Hebreos 9:22

Nachi de'eda lliquiaxac ne'ena nqataxacpi i'axat da huac da 'enauac nam qai'otpi iuen da qaÿauota'a naua ntago'q da huo'o ca qaiqui'itaxat. Qaq sa ishit da huo'o ca chochi qaÿapalaxat nasouaxashit da huo'otaq sa ishit da qaicoldeec naua ntago'q.

Juan 8:32

Nachi qami' qome ÿataqta qauauattoñiita da 'eesa lataxac, qaq de'eda 'eesa lataxac, nachida da ÿataqta qami' huesochiyiñi naq'en.

Juan 7:19

¿Sa ishito' peta'a da 'eesa so Moisés da qami' ÿanema so lqataxacpi? Qalaxayi ñaqaiyita sa ishit da huo'o ca 'oonolec da qoñiita da ÿalaxalec se'eso nqataxacpi. Cha'ayi ¿tá'ainco' yi qanshiitaique da aÿim qaualauachi?

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Gálatas 3:17

Qaq dam shiitega 'eeta': Ñi Dios co'olloxochiyi i'ot so naÿamaxataxac da naÿamaxate' so Abraham. Qaq co'ollaq ime, nachi nanedelec. Qaq co'ollaq mashi ivi' naua cuatrocientos treinta vi'iyi, qanachi anac so nqataxacpi, chigoqchigui so Moisés. Qalaxayi se'eso nqataxacpi sa ishit da huo'otaq nlaxajñi se'eso aÿamaxataxac, qataq sa ishit da huo'otaq qaica ca naigui naq'en dam ÿachaxanapec ñi Dios.

Hechos 7:38

Qataq nachiso so Moisés som huetaigui so shiÿaxauapi co'ollaq huaña so tojlec 'alhua. Qataq nachiso so detaqtague' so namaxashic piguem l'ec co'ollaq huaña aso qasoxonaxa l'enaxat Sinaí, qataq hueta'aguet som hua'au qadta'alpi. Qataq nachiso so ÿaconguet co'ollaxa da n'aqtac mayi chigaqaigui da nca'alaxa, da yaqto' qomi' ÿanema.

Juan 5:45

Qaq sa ishit qome da qaupi'itaxañiitega da nachaÿim mayi sa'aqtaxanem qome ñi ita'a da chaq negue't ca qadasouaxashichi, cha'ayi som Moisés mayi nachiso so i'axat ca qadsomaxaqui, som qami' qauachiito'ot da qanaquitaxaqui.

2 Corintios 1:20

cha'ayi somayi nachiso so ipacchigui naq'en 'enauac na ÿachaxanapecpi ñi Dios. Qaq ÿoqo'oyi da shi'oxodenaq ñi Dios, qaq chigoqchigui so Cristo Jesús da shinaqta' da qadasataxac, “Aja', nachida lataxac.”

Juan 9:29

Cha'ayi qomi' saÿajnaqta da so Moisés detaxaÿapegue' co'ollaxa ñi Dios; qaq se'eso shiÿaxaua, qalaxayi qomi' sa ishit da chochi saÿajnaq cam chigaqa'ague.

Juan 18:37

Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.