Juan 1:16 - Nuevo Testamento Toba Sur

¹⁶ Qaq 'enauac da shinaqta saconaxaguet dam chochaq huañi lsallaxa dam lqouagaxanaqtaic mayi nacalec lÿa da qomi' ÿanema.

Nuevo Testamento Toba Sombrero Negro

¹⁶ Chane'eja da'me chiyaqayi da'me mach'e leyalaqataĝanaĝac let'adaic, male ena'uaque da'me qo'mi joote jaconaĝaguet da'me qanichoĝodenataguec jo'ne dalaĝaic 'me napacalegue da'me jo'ne 'uaechiñe.

La'aqtaqa Ñim Lo'onatac 'Enauacna 2013

¹⁶ Qaq 'enauac da shenaqta saconaxaguet dam chochaq huañi lsallaxa, qaq nachera dam lqouagaxanaqtaic maye nacalec lỹa da qomi' ỹanema.

Juan 1:16 Referans Kwoze

Colosenses 1:19

Cha'ayi ñi Dios nshitaique da so Cristo ÿataqta imatta't 'enauac da lataxac ñimayi.

Romanos 5:2

Cha'ayi somayi chigoqchigui da huo'o mshi qomi' senoxonaxau'a de'eda lqouagaxanaqtaic ñi Dios, qaq de'eda chigoqchigui da qadpi'iÿaxac. Qaq ÿoqo'oyi de'eda nqouagaxanaqtaic ÿataqta ñi'añaxataqtec, qataq samaqchiguiñi, cha'ayi huo'o da qanaquitaxac da ñiuanaqhua'a da lli'oxoyic ñi Dios.

Efesios 3:19

Qataq seÿaxaatacot ñimayi, da yaqto' qami' ÿataqta qauauattoñiita de'eda nauotaxanaqtaic mayi ÿataqta napacalec 'enauac na qadauattonaxanaxacpi, yaqto' qami' ÿataqta qami' nlaqchiguilo da lataxac ñi Dios.

Efesios 1:23

Cha'ayi na 'amqajnataxanaxaicpi nachina na 'eeta'am da l'oquiaxac so Cristo. Qaq namayipi ÿataqta imatta't da lataxac somayi. Qaq somayi ÿataqta naloqchiichiguiñi naq'en 'enauacna.

Romanos 5:17

Cha'ayi de'eda nleuaxa da huo'otaq chigoqchigui da lasouaxashit so 'oonolec shiÿaxaua da ÿataqta huo'o da l'añaxac co'ollaxa, nachi ¿táloxochiyictoxo' da saq 'eetec nam shiÿaxauapi mayi chochi ÿaatem ñi Dios da ishit da ÿaÿamaxadeeta? Namayipi ishit da huo'o da l'añaxac dam dalaxaic achaalataxac mayi chigoqchigui so 'oonolec shiÿaxaua Jesucristo.

Juan 3:34

Cha'ayi cam namaq ñi Dios, camayi i'axa't naua l'aqtaqa ñi Dios, cha'ayi ñimayi ÿataqta imato'ot naq'en so n'Espíritu da ÿami' camayi.

1 Pedro 1:2

Qami', mayi nal'ena da qami' lca'agui'shi ñi qadta'a Dios co'ollaq saxanaqaca ana 'alhua, da ÿachigoxotchigui naq'en so n'Espíritu da qami' iÿotaugalo, da yaqto' qaualaqaiguet ñimayi, qataq yaqto' ÿataqta qami' qui'itto' naq'en naua ltago'q so Jesucristo. Aÿim ñishitaique da qauacoñiiguet da chochaq huañi nqouagaxanaqtaic qataq da nlagaxayic.

Mateo 13:12

Qaq ÿoqo'oyi cam huo'o ca hueto'ot, qalaq qanquigaxatteec ca qoÿanem, nachi ÿataqta qaica ca iueetac. Qaq cam qaica ca hueto'ot, qalaq camayi qanhuo', ivida'a cam saq 'amaqtaq hueto'ot qaÿacona.

Colosenses 2:3

Cha'ayi somayi nachiso so imatta't 'enauac na ÿotta'a't naÿajneguesat qataq na nauattonaxanaxacpi mayi chochaq huañi.

Romanos 8:9

Qalaxayi qami' mashi sa ishit da qoquiitague' cam 'eetapeguec da qadapachiyaxaqui. Chaqdata da qoquiitague' cam 'eetapeguec so Espíritu Santo, qom ÿoqta 'eesa da qami' netanguita so Espíritu mayi chigoqo'ot ñi Dios. Qaq cam sa ishit da netanguit so Espíritu mayi chigoqo'ot so Cristo, nachi camayi sa ishit da lalamaxat somayi.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Mateo 3:14

Qalaxayi so Juan co'ollaq chita'ague, nachi sa ÿaÿamaxaden da nachilaxan somayi. Nachi 'enapego' so Jesús, 'eeta': –Aÿim mayi iuen da aÿim 'anachilaxan, qalaq ¿tá'ainco' yim aÿim 'auanaÿa?

Mateo 3:11

Qaq 'eesa da aÿim nagui qami' ñachilaxanguilo na 'etaxat, qaq damayi naigui da qami' qai'axañiideec naua qan'onataxacolli'. Qalaxayi nam aÿim nca'attalec, namayi dachilaxanataxana qome ca Espíritu Santo qataq ca nodec. Qaq namayi ÿataqta ÿacteec da l'añaxac, sa ishit da aÿim 'eeta'am. Qataq sa ishit da ñalau'a da chochi sachita'pe caua lapela'te.

1 Pedro 1:11

Qataq so n'Espíritu so Cristo nal'ena co'ollaxa ÿaÿajnaxanaxanec se'eso l'aqtaxanaxanecpi ñi Dios dam taÿa'a nque'ejnaxac so Cristo qataq da lli'oxoyic mayi nca'attauo. Nachi somayipi ÿauotaique da ÿataqta ÿauattoota chaq negue't que'eca shiÿaxaua qataq huotaique da ÿaÿaten ca na'a'q mayi huetoigui cam i'axatta'aguet so Espíritu Santo mayi hueta'aguet somayipi.

Romanos 5:20

Cha'ayi nam nqataxacpi anac, da yaqto' ishit da nquicteec da yi'oq naq'en na nasouaxashitpi. Qalaxayi co'ollaq nquicteec na nasouaxashitpi, nachi da lqouagaxanaqtaic ñi Dios nataq'en ÿataqta nquiguishiguem.