Hechos 9:42 - Nuevo Testamento Toba Sur

⁴² Qaq de'eda 'enauac nam netaña yi la ciudad Jope ÿaÿaten, nachi ÿataqta qalota na i'amaqten so qadataxala'.

Nuevo Testamento Toba Sombrero Negro

⁴² Joca'li yayate'n da'me dojo' yema naa'me neta'ña di'me noic Jope, qama'le yataqata jalcote naa'me p'iida'a ñe'me Qadejaliaĝanec.

La'aqtaqa Ñim Lo'onatac 'Enauacna 2013

⁴² Qaq de'era 'enauac nam netaña ye nỹecpi ye Jope ỹaỹaten, nache ỹataqta qalota na ỹa'amaqten So Qarataxala'.

Hechos 9:42 Referans Kwoze

Hechos 9:35

Qaq 'enauac ÿauaachigui de'eda nam netaña yi Lida qataq yi Sarón. Huaña, nachi namayipi ÿalat da toguishic l'amqajnataxanaxac, nachi quegue so qadataxala'.

Juan 12:11

cha'ayi souaxat da chigoqchigui somayi da ÿataqta qalota na judiopi na ca'ai somayipi da i'amaqten so Jesús.

Juan 11:45

Huaña, nachi ÿataqta qalota nam i'amaqten so Jesús nam judiopi mayi anaÿa aso María da i'añaqchit co'ollaq ÿauaachigui dam i'ot so Jesús.

Hechos 11:21

Nachi dam l'añaxac so qadataxala' ÿataqta hueta'aguet namayipi, qaq ÿoqo'oyi ÿataqta qalota na ÿaxaneec da toguishic l'amqajnataxanaxac, nachi i'amaqten so qadataxala'.

Juan 12:44

Nachi so Jesús ÿataqta nlamaxaden da detaqa, 'eeta': –Ca aÿim i'amaqten, camayi sa ishit da nachaqaÿimta da aÿim i'amaqten, cha'ayi nataq'en ñi ita'a mayi aÿim namaq.

Juan 11:4

Nachi so Jesús co'ollaq hua'axaÿa de'eda, nachi 'eeta': –De'eda nalolaxa, damayi sa ishit da taÿa'a ca nleuaxa. Chaqdata da yaqto' damayi ishit da chigoqchigui da lli'oxoyic ñi Dios, qataq yaqto' de'eda nalolaxa ishit nataq'en da chigoqchigui da lli'oxoyic na llalec ñi Dios.

Hechos 9:36

Qaq se'esoua na'axa'te huo'o aso 'amqajnataxanaxai netaña yi la ciudad Jope. Asomayi naua judío l'aqtaqa l'enaxat Tabitá, qaq naua griego l'aqtaqa Dorcas (de'eda n'enaxat naigui da ñi'imshi). Asá'aso 'alo ÿataqta no'on da l'onataxanaxac, qataq itauaatac nam huo'o da lhuenaxanaxa.

Hechos 9:38

Qaq yi'iyi Jope nachi sa qaÿapeque yi Lida yim hueta'a so Pedro. Nachi som 'amqajnataxanaxaicpi co'ollaq l'axaÿaxac somayi da hueta'a yimayi, nachi qaÿamaxalo soua dos shiÿaxa'u da qoÿinapega, qoÿiita': –'Ananaÿa qome na Jope; sa ishit da 'anaÿaloxon.

Hechos 9:43

Nachi so Pedro ÿataqta huo'oi soua na'axa'te da hueta'a yi la ciudad, netaña ca lma' so l'enaxat Simón, l'oc l'o.

Hechos 10:5

Qaq huo'oi qome caua 'adamaxa'shi da tadegue da la ciudad Jope, da yaqto' ÿi'igueeda'a ñi l'enaxat Simón, da lÿa l'enaxat Pedro.

Hechos 10:8

Nachi ÿataqta da'aqtaxaatem somayi 'enauac dam lauanaqchic. Ime, nachi ÿamaxadegue da Jope.

Hechos 11:5

–Aÿim soota'a co'ollaxa yi la ciudad Jope. Nachi can ñoqouagaxaueetac, nachi huo'o so ÿauanaqchic: aÿim sela'a so 'eeta'am na hualoq laÿi lta'adaic chigoqto'ot na piguem, qoÿaxatta'a't naua cuatro ltela. Nachi chochi nvittaña yi soota'a.

Hechos 11:13

Nachi somayi qomi' da'aqtaxaatapeguema da 'eetec co'ollaq huaña so lma' da nauane' so namaxashic piguem l'ec, nachattau'a, nachi 'enapego', 'eeta': “'Auauo'oi qome caua 'auamaxadegue da la ciudad Jope, da yaqto' ÿi'igueeda'a ñi l'enaxat Simón, da lÿa l'enaxat Pedro.