Hechos 9:39 - Nuevo Testamento Toba Sur

³⁹ Nachi so Pedro ca'ateguelo soomayi. Qaq co'ollaq iviyi', nachi somayi qaÿaviguishiguemec so noÿic mayi huetaña aso Dorcas. Qaq 'enauac nam pa'aipi datatau'a, noÿiitagui. Nachi qaÿachaxaatac ana l'onata npotopi qataq na lomaxaquipi mayi l'onatacpi asomayi co'ollaq ña qanachattague'.

Nuevo Testamento Toba Sombrero Negro

³⁹ Qama'le Pedro equeguelo jogaa'me. Ca'li yovi't, qama'le qoyauega ga'me emec jo'ne uetaue ga'me napat; qama'le ena'uaque ga'me p'ail noye'tape, quedajop ñe'me Pedro nataq'aen yaloĝo'tape naa'me neuoĝoil choqonaa'me lapo'ote jo'ne Dorcas 'ye't ca'li maliaĝa nec'aletaye.

La'aqtaqa Ñim Lo'onatac 'Enauacna 2013

³⁹ Nache so Pedro ca'ateguelo soomaye. Qaq co'ollaq ivilye', nache somaye qaỹaviguisheguemec se'eso nỹec maye huetaigui aso Dorcas. Qaq qalota aso pa'aipi datataua'a so Pedro nỹeetagui. Nache ỹachaxaatac ana npotopi qataq na npo'pi maye lo'onatacpi asomaye co'ollaq ña qanachattague'.

Hechos 9:39 Referans Kwoze

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

Efesios 4:28

Qaq cam decachitapec co'ollaxa, qalaq no'on da ÿaxaañi nagui da lcachaxac. Chaqdato' da do'onataxan, ÿacootapegue' ca l'onatac, yaqto' ishit da itauan cam huo'o da lhuenaxanaxa.

1 Juan 3:18

Qami' ÿalqolqa, de'eda qadsoxoyic sa ishito' qome da chochi ndotreec naua qad'aqtaqa, chaqdato' qome da ÿataqta 'eesa da qadsoxoyic, yaqto' ÿataqta qaila'a da huo'o ca so'otaq.

1 Ts 4:13

Qami' qadqaÿa't, sa saÿamaxadenaq da sa qauaÿajñi ca lliquiaxac na mashi qanmataxanaxaneec, yaqto' sa ishit da huo'o ca daquicota, i'enaxattapeguem ca saxanaxa da da'amqajnataxan mayi saqca ca naquitaxac.

2 Corintios 8:12

Cha'ayi ca shiÿaxaua da ÿoqta 'eesa da lhuennataxa da huo'o aca ÿan, qalaq ñi Dios ÿataqta ÿaÿamaxadeeta acam nalotau'a da ÿan camayi. Cha'ayi ñimayi sa ishit da iÿaxanaique acam sa ishit da qanalou'a.

Hechos 20:35

Qaq nachi 'eetai' da qami' sapaxagueetapegueeque de'eda, da ca shiÿaxaua do'onataxan, yaqto' ishit da itauan cam huo'o da lhuenaxanaxa. Qaq ñitounaqta'ac qome da l'aqtac co'ollaxa so qadataxala', mayi 'eeta': “Ÿataqta machiguiñi ca shiÿaxaua qom dachitaqtaxan, qaq saq 'en'am cam chochi qaÿachit.”

Hechos 9:41

Nachi somayi ÿacona na lhuaq asomayi, nachi ÿanaxanaxaashiguem. Ime, nachi iÿaxaneuga so nqaÿañicpi qataq som pa'aipi, nachi ÿachaxan asomayi da qaltaq nca'aleec.

Hechos 8:2

Qaq huo'o nam shiÿaxauapi mayi quetague' ñi Dios nam ilayiñi co'ollaxa so Esteban, nachi ÿataqta noÿiitapeguelec somayi.

Hechos 6:1

Qaq se'esoua na'axa'te ÿataqta nquictauec na da'amqajnataxanpi. Nachi nam judiopi mayi ÿaÿate'n naua l'aqtaqa na griegopi, namayipi nachitega nam laÿipi judiopi, cha'ayi namayipi 'eetega da sa ishit da ÿoqta qailo'oguet nam pa'aipi mayi lauo' lashipi da ivita da qoÿaneec na nallic yi na'a'q.

Juan 17:12

Co'ollaq soota'aguet namayipi ana 'alhua, qalaq aÿim so'ogoxona da 'ad'añaxac da ñitela'a qataq da ñipaxattalec nam aÿim 'ai'anempi. Qaq sa ishit da huo'o ca daqat namayipi, chaqsota som nal'ena da taÿa'a da daqat, yaqto' ÿataqta ipacchigui dam 'enapec naua nanettrañi n'aqtaqa.

Juan 12:8

Qami' nachi 'eetai' da qoviita'aguet na choxodaqpi; aÿim, qalaxayi sa ishit da nachi 'eetai' da aÿim qoviita'aguet.

Lucas 24:44

Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Marcos 14:8

Ada'ada 'alo, adamayi i'ot dam nalotau'a. Adamayi icodelec da i'oquiaxac so codaxat, llaxatemallaxa da saxanaxa da aÿim qailayiñi.

Mateo 26:11

Qaq nam choxodaqpi, qalaq nachi 'eetai' qome da qami' hueta'agueta; aÿim, qalaxayi sa ishit da nachi 'eetai' qome da qami' hueta'agueta; aÿim, qalaxayi sa ishit da nachi 'eetai' da qami' soota'agueta.

Mateo 17:17

Nachi so Jesús 'enapeco': –¡Aicoue qami' mayi sa qau'amqajnataxañi, qataq qami' qauemaiqa! Mashi huo'oi soua na'axa'te da qami' sootaiguilo, qataq mashi huo'oi soua na'axa'te da qami' ñiualaxaueetapegueto. Ña qanaviquiicna'a da nsoq.

Hechos 1:13

Qaq co'ollaq ivildeu'a yi la ciudad, nachi tayishiguemec ca pa'ashiguem ca noÿic mayi lanataqa't. Qaq na l'enqa'te soomayi: Pedro, Santiago, Juan, Andrés, Felipe, Tomás, Bartolomé, Mateo qataq so Santiago, Alfeo llalec, qataq so Simón mayi chigaqaigui na cananistapi, qataq so Judas mayi lqaÿa so Santiago.

1 Timoteo 5:3

'Autauan aca pa'ai da ÿataqta qaica ca pi'iÿa'a.

1 Timoteo 5:5

Cha'ayi da huo'o aca pa'ai da huo'otaq ndoguiñi qataq qaÿalata'a't, qalaxayi mashi hueto'ot ñi Dios da naquitaxac, qataq queto'ot da nqouagaxaunaxac na na'axa'tesat qataq na pesa'chi.