Hechos 9:36 - Nuevo Testamento Toba Sur

³⁶ Qaq se'esoua na'axa'te huo'o aso 'amqajnataxanaxai netaña yi la ciudad Jope. Asomayi naua judío l'aqtaqa l'enaxat Tabitá, qaq naua griego l'aqtaqa Dorcas (de'eda n'enaxat naigui da ñi'imshi). Asá'aso 'alo ÿataqta no'on da l'onataxanaxac, qataq itauaatac nam huo'o da lhuenaxanaxa.

Nuevo Testamento Toba Sombrero Negro

³⁶ Jaa'me jaajo' noloqo'ote ga'me noic jo'ne Jope na'ña jañe'me p'etaqadai lenaĝat Tabitá, jo'ne griego 'laqatac yelo'teguet Dorcas. Janjo' yauo yema da'me nejiyaĝauayaĝac 'yetetac da'me 'noota nataq'aen lecochiyalo gaa'me 'uo da'me louenaĝanaĝa'j.

La'aqtaqa Ñim Lo'onatac 'Enauacna 2013

³⁶ Qaq se'eso ñegaxasom ye nỹecpi ye Jope, huo'o aso ỹa'amaqten So Jesús, asomaye naua judío la'aqtaqa le'enaxat Tabitá, qaq naua griego la'aqtaqa Dorcas. (De'era ne'enaxat naigui da ñi'imshe.) Asa'aso 'alo ỹataqta no'on da lo'onataxanaxac, qataq itauaatac na choxoraqpi.

Hechos 9:36 Referans Kwoze

Tito 3:8

Qaq de'eda shiitega ÿataqta 'eesa. Qaq ÿoqo'oyi ñishitaique da ÿataqta 'au'axat, yaqto' 'enauac na i'amaqten ñi Dios ÿataqta npogoxoinapegue' da i'ot ca ÿaÿamaqchiguiñi. De'eda shiitega ÿataqta 'onaxaic, qataq huo'o naq naigui.

Tito 2:7

Qataq 'am ÿataqta 'auachaxana namayipi ca no'on n'aqtaguec da 'ad'onataxanaxac. Da 'auapaxagueetac, sa ishit da huo'o ca camachaqca 'oxottapiguiñi. Chaqdata da sa 'auasaguettac.

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

Santiago 1:27

Da n'amqajnataxanaxac mayi ÿataqta imeteeta ñi qadta'a Dios da ÿataqta qui'itta qataq saqca ca huetapoigui nasouaxashit, damayi 'eeta': ca shiÿaxaua itauan ca saqcaua caua lta'al qataq aca pa'ai mayi huetaigui da nque'ejnaxac, qataq ÿataqta ndenguet 'enauac na sa ÿaÿamaxañisat mayi huetalec ana 'alhua.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Efesios 2:10

Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

Hechos 10:31

Nachi somayi aÿim 'enapega, 'eeta': “Cornelio, ñi Dios mashi hua'aqtega da 'anqouagaxaunaxac, qataq iuennate dam 'adtaunaxanaxac da 'autauaatac nam huo'o da lhuenaxanaxa.

1 Timoteo 5:10

Qataq qaÿauattoota da l'onataxanaxac ÿaÿamaqchiguiñi. Qaq 'eda da n'aqtaguec acamayi: Da ÿataqta no'on da lco'oxoc, qataq da ilo'oguet ca namaxasoxoic, qataq qaica ca huotaique da huapegue' na 'amqajnataxanaxaicpi, qataq da huo'otaq mashi itauaatac da huo'o ca huetapigui ca lÿa, qataq da huo'o ca lÿa l'onataxanaxac ÿaÿamaqchiguiñi.

1 Ts 4:10

Qataq nachi 'eetai' da qami' nachi qoñiita'ac 'enauac na qad'amqajnataxanaxauapi mayi netaña yi 'alhua Macedonia. Qalaxayi qami' qadqaÿa't, qami' ñachoxodenaqtoto da qoquiitot damayi da qanqochiñiita'aguet.

Filipenses 1:11

Qaq yaqto' so Jesucristo ÿataqta nlaxatchigui da qanachaalataxaqui ca no'on nataxac, da yaqto' huo'o da ñi'oxonnataguec qataq da lli'oxoyic ñi Dios.

Juan 15:8

Ñi ita'a huo'o da ñi'oxonnataguec da huo'otaq ÿataqta qalota da alaÿaxac da qoñiita, nachi qami' ishit da ÿataqta qaviyiÿa'a da qami' ÿapaxaguenataqa.

Juan 15:5

Qaq aÿim mayi shiita'am aca nanguishi, qaq qami' nachiqami' icoue. Qaq cam nachi 'eetai' da aÿim n'attau'a qataq ñi'atta'ai', nachi camayi ÿataqta qalota da alaÿaxac, cha'ayi qami' sa ishit da huo'o ca qoñiic da huo'otaq sa ishit da aÿim qan'ayiitau'a.

Colosenses 1:10

Qaq yaqto' qami' ishit da no'on da qadataxaqui, 'eeta'am da lataxac na quetague' so qadataxala', qataq yaqto' qau'ochiitac cam ÿaÿamaxadeeta somayi. Huaña, nachi huo'o da alaÿaxac 'enauac nam ÿaÿamaqchiguiñisat mayi qau'ochi, qataq qaviyiita'a da ÿataqta qauauattoñiita ñi Dios.

Hechos 9:38

Qaq yi'iyi Jope nachi sa qaÿapeque yi Lida yim hueta'a so Pedro. Nachi som 'amqajnataxanaxaicpi co'ollaq l'axaÿaxac somayi da hueta'a yimayi, nachi qaÿamaxalo soua dos shiÿaxa'u da qoÿinapega, qoÿiita': –'Ananaÿa qome na Jope; sa ishit da 'anaÿaloxon.

Hechos 9:42

Qaq de'eda 'enauac nam netaña yi la ciudad Jope ÿaÿaten, nachi ÿataqta qalota na i'amaqten so qadataxala'.

Hechos 10:8

Nachi ÿataqta da'aqtaxaatem somayi 'enauac dam lauanaqchic. Ime, nachi ÿamaxadegue da Jope.

Hechos 10:23

Nachi so Pedro ipa'axaadeuo, nachi soomayi l'ochaqa't ca hueta'a somayi se'eso pe. Qaq so lÿa na'a'q nachi so Pedro ca'ateguelo soomayi, nataq'en huo'oi soua lÿata'pe nam 'amqajnataxanaxaicpi mayi netaña yi Jope.

Hechos 11:5

–Aÿim soota'a co'ollaxa yi la ciudad Jope. Nachi can ñoqouagaxaueetac, nachi huo'o so ÿauanaqchic: aÿim sela'a so 'eeta'am na hualoq laÿi lta'adaic chigoqto'ot na piguem, qoÿaxatta'a't naua cuatro ltela. Nachi chochi nvittaña yi soota'a.

Hechos 11:13

Nachi somayi qomi' da'aqtaxaatapeguema da 'eetec co'ollaq huaña so lma' da nauane' so namaxashic piguem l'ec, nachattau'a, nachi 'enapego', 'eeta': “'Auauo'oi qome caua 'auamaxadegue da la ciudad Jope, da yaqto' ÿi'igueeda'a ñi l'enaxat Simón, da lÿa l'enaxat Pedro.

Mateo 25:17

Qaq nachi 'eetec nataq'en som ÿaconguet asom dos mil, somayi ivi' dos mil aso laÿi laueque.