Hechos 9:32 - Nuevo Testamento Toba Sur

³² Qaq so Pedro co'ollaq queuotapigui 'enauac na nqaÿañicpi, nachi nataq'en ivida'a so 'amqajnataxanaxaicpi mayi netaña yi Lida.

Nuevo Testamento Toba Sombrero Negro

³² Pedro, ya'uo leuoĝoc jo'ne dejapichiyalo gaa'me laqaya'olqa, nach'e ena'am dec'atenaĝanalo gaa'me ja 'nalo'te jo'ne neda'ña ga'me noicolec jo'ne Lida.

La'aqtaqa Ñim Lo'onatac 'Enauacna 2013

³² Qaq so Pedro co'ollaq coleetapigui 'enauac na nqaỹañecpi, maye ỹa'amaqteetac So Jesús, nache nataqa'en ivira'a so 'amqaanataxanaxaicpi maye netaña ye nỹecpi ye Lida.

Hechos 9:32 Referans Kwoze

Hechos 9:13

Nachi co'ollaq hua'aqchigui de'eda so Ananías, nachi 'enapeco': –'Am ÿataxala', ÿataqta qalota na aÿim da'aqtaxanem que'eca shiÿaxaua qataq 'enauac nam qauem mayi i'otec nam netaña yi Jerusalén mayi 'am i'amaqteetac.

Hechos 8:25

Nachi soua Jesús lamaxa'shi co'ollaq ima't da l'aqtaxanaxa'c da i'axattrac da l'aqtac ñi Dios, nachi nqo'ooda nam pueblopiolec mayi huaigui yi Samaria da i'axattrac da no'on qad'axaÿaxac. Ime, nachi ÿi'iguelaxadegue da Jerusalén.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Romanos 1:7

Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Hechos 26:10

Qaq damayi sepacalec da so'ot co'ollaq huaña yi Jerusalén, nachi nam lataxala'pi nam ntaxaÿaxanaxanecpi aÿim ÿanem so l'aqtac. Huaña, nachi ÿataqta qalota na secoñi' nam 'amqajnataxanaxaicpi. Qataq naxa da huo'o na qaÿalauat, nachi aÿim ÿataqta saÿamaxadeeta.

Hechos 9:41

Nachi somayi ÿacona na lhuaq asomayi, nachi ÿanaxanaxaashiguem. Ime, nachi iÿaxaneuga so nqaÿañicpi qataq som pa'aipi, nachi ÿachaxan asomayi da qaltaq nca'aleec.

Hechos 8:14

Nachi soua Jesús lamaxa'shi mayi nejdaña yi Jerusalén co'ollaq ÿaÿate'n da na netaña yi Samaria i'amaqten da l'aqtac ñi Dios, nachi qaÿamaxa yimayi so Pedro qataq so Juan.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Mateo 27:52

Qataq nauajñigui ana huachiquipi, nachi ÿataqta qalota na nca'aleec nam leuaxaicpi mayi i'amaqteetac co'ollaxa ñi Dios.

Hechos 9:33

Qaq huaña yimayi, nachi ilalec so shiÿaxaua l'enaxat Eneas. Somayi ivi' naua ocho vi'iyi da dalola, sa da'añiigue. Qaq ÿoqo'oyi huetalec ca lacanec.