Hechos 9:31 - Nuevo Testamento Toba Sur

³¹ Nachi 'enauac nam 'amqajnataxanaxaicpi mayi netaña yi 'alhua Judea, qataq yi Galilea, qataq yi Samaria, namayipi ÿataqta lactapiguiñi qataq nquictauec da l'añaxac, qataq ÿataqta huo'o da lcolanaxa so qadataxala'. Qaq so Espíritu Santo ÿataqta i'añaqchittac namayipi da nquictauec naq'en yi lcata na da'amqajnataxan.

Nuevo Testamento Toba Sombrero Negro

³¹ Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.

La'aqtaqa Ñim Lo'onatac 'Enauacna 2013

³¹ Nache 'enauac nam ỹa'amaqten So Jesús maye netaña ye 'alhua Judea, qataq ye 'alhua Galilea, qataq ye 'alhua Samaria, namayepi ỹataqta saishet da ñe'etega da sa qaiyacnapec. Nache queto'ot da ỹo'oxoreetac So Qarataxala', nache ima'ape naua na'axa'te da nquictauec da lpi'iỹaxac So Jesús. Qaq So Saqcha'a Na'añaxac Qui'itta ỹataqta ỹa'añaqchettac namayepi da nquictauec naqa'en ye lcata na da'amqaanataxan.

Hechos 9:31 Referans Kwoze

Romanos 5:5

Qaq de'eda qanaquitaxac i'ot da sa ishit da ñi'aloxonaqtac. Cha'ayi da lsoxoyic ñi Dios sogote da qaicoyinguita naua qadquiyaqte, chigoqchigui naq'en so n'Espíritu Santo mayi qomi' ÿanema.

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

Hechos 8:1

Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.

Efesios 4:12

Qaq 'eda da 'eetec co'ollaq ÿaqataxanai' da llic naq'en na lalamaxatpi, yaqto' ñi 'oonolec i'ot ca l'onataxanaxac, da yaqto' nquictashiguem da l'oquiaxac so Cristo,

2 Corintios 13:10

Qaq sa'auaxaañi nagui da qami' samaxalo ana ÿide, yaqto' qom ivita da qami' ñoqo'onalo, qalaq sa ishit da ÿapacteec da huo'o ca sedolec da shinec dam aÿim ÿanem so qadataxala', da yaqto' qami' ishit da qanquiquiitashiguem, qaq sa ishit da 'ico' qami' ñilaxajyiñi.

2 Corintios 10:8

Qaq nai'ctaxa da huo'otaq aÿim ñishitaique da cada'ac da 'ico' sagaqtenaqpec dam shinaxac, qalaxayi sa ishit da ñi'aloxootac. Cha'ayi so qadataxala' qomi' ÿanema de'eda shinaxac, da yaqto' nañaxat ñaq'enaq dam saq cha'a qanachaalataxaqui. Qaq sa ishit da 'ico' qami' ñilaxataxayiñi.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

Hechos 16:5

Huaña, nachi na 'amqajnataxanaxaicpi ÿataqta huo'o da l'añaxac da lpi'iÿaxac, nachi naua na'axa'tesa'chi ÿataqta nquictauec yi lcata na da'amqajnataxan.

Hechos 12:24

Qalaxayi da l'aqtac ñi Dios lamaaxa nqochiitauec qataq qai'axattac 'enauaque naua laÿil ana 'alhua.

Hechos 6:7

Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.

Judas 1:20

Qalaxayi qami' ñauochaxa'u ÿaqaÿa't, ÿataqta qauaÿamaxachiitec qome dam qui'itta qad'amqajnataxanaxaqui. Qataq da qanqouagaxauñi, qalaq nachida da l'añaxac so Espíritu Santo.

Hebreos 4:9

Qaq ÿoqo'oyi ñaq huo'o qone' que'eca na'a'q mataxaqui mayi qaÿauotaique da nmataxaqui na lalamaxatpi ñi Dios.

1 Timoteo 1:4

qataq nal'en sa ishit da ÿoqocha'a na chochi n'aqtaxanaxac n'ajnaxaic, nataq'en da n'aqtaguec da lliquiaxac so hua'au lta'alpi. Cha'ayi damayi ndota't da cotaxac mayi qaica ca naigui, qataq sa ishit da itauan ca shiÿaxaua da huapegue' da n'onataxanaxac mayi Dios qomi' ÿanema, souaxat da huo'o da qadpi'iÿaxac.

1 Ts 5:11

Ÿoqo'oyi qantauñiÿa't, qataq ñi 'oonolec i'añaqchit ca lÿa. Qaq de'eda mashi qau'ochiitac, nachida qoquiitot.

Colosenses 1:10

Qaq yaqto' qami' ishit da no'on da qadataxaqui, 'eeta'am da lataxac na quetague' so qadataxala', qataq yaqto' qau'ochiitac cam ÿaÿamaxadeeta somayi. Huaña, nachi huo'o da alaÿaxac 'enauac nam ÿaÿamaqchiguiñisat mayi qau'ochi, qataq qaviyiita'a da ÿataqta qauauattoñiita ñi Dios.

Filipenses 2:1

Qaq ÿoqo'oyi so Cristo da qami' i'añaqchi't, qataq da qami' machiyiñi naq'en da lauotaxanaqtaic somayi, qataq da qami' hueta'agueta so n'Espíritu, qataq da qauauattoñi da nauotaxanaqtaic qataq da nchoxonnataxanaxac,

Efesios 5:21

Ñi 'oonolec qome da qoñiita ÿataqta ipacapegue' ca lÿa, souaxat da ÿataqta huo'o naq 'enec qanqashiñi ñi Dios.

Efesios 4:29

Qataq sa ishit da qauema naua qad'aqtaqalli'. Chaqdata da qan'onaxachi' naua qad'aqtaqalli', yaqto' ishit da nquiguishiguem, qataq huo'o da n'achiquiaxac cam qami' n'axaÿaxaategalo.

Efesios 4:16

Qaq nachiso so Cristo som ÿataqta nacoota't qataq n'atta't naq'en 'enauac de'eda n'oquiaxac mayi n'atta'a't. Qaq ÿoqo'oyi ñi 'oonolec ne'ena n'atta'a'tpi, da ÿataqta ÿaÿamaqchiguiñi da lataxac, nachi 'enauac namayipi nañaxattac qataq nquictashiguem, souaxat da nauotaxanaqtaic.

2 Corintios 12:19

Qalqo' ¿qami' qaupi'itaxañiÿa peta'a da qomi' shinaqpec de'eda, da chochi qami' ñoqolguetaqtagueto? 'A'i, sa ishit. Chaqdata da qomi' ÿaÿateete' ñi Dios nagui da qomi' itaxaÿaxanaxa'n so Cristo. Qaq 'enauac de'eda so'otaq, qami' ÿaqaÿadolqa, damayi naigui da yaqto' ishit da qanquiquiitashiguem.

1 Corintios 14:26

Ÿoqo'oyi qami' ÿaqaÿa't, da ivita da qalapoñiÿa't, qaq da huo'o ca 'oonolec da qoñiita huo'o ca l'onec, huo'otaq ca lÿa huo'o ca lapaxaguenataxanaxac, huo'otaq ca lÿa huo'o ca ÿaÿajnaxanaxanec ñi Dios, huo'otaq ca lÿa detaxaiguilo naua n'aqtaqa sa qaÿauangalo, huo'otaq ca lÿa nsoyiñi ne'enaua n'aqtaqa, hua', qaq 'enauac ne'enapi no'on da nañaxat naq'en na 'amqajnataxanaxaicpi.

1 Corintios 14:12

Qaq ÿoqo'oyi qami' mayi huo'o da qadyaqai da qauacoñiiguet na nshitaxanaxatpi mayi chigoqo'ot so Espíritu Santo, ÿataqta qanpogoxoiñiÿapegue' qome da qauacoñiiguet cam ishit da nañaxat naq'en na 'amqajnataxanaxaicpi.

Romanos 14:19

Qaq ÿoqo'oyi qolaqtot qome da ñimitaqaique cam i'ot ca nlagaxayic, yaqto' ñi 'oonolec da shinaqta itaunec ca lÿa da da'añi naq'en da lpi'iÿaxac.

Romanos 14:17

Cha'ayi da l'onataxanaxac ñi Dios da ilo'ogue 'enauacna, damayi sa ishit da naigui da yi'oqchigui nqui'axac qataq da ÿomaxac, chaqdata da qui'itta achaalataxac, nlagaxayic, qataq da namaiquiaxac mayi chigoqo'ot so Espíritu Santo.

Hechos 2:47

Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.

Hechos 5:11

Nachi 'enauac nam shiÿaxauapi 'amqajnataxanaxaicpi qataq 'enauac na laÿipi co'ollaq ÿaÿaten de'eda, nachi ÿataqta qalota da lcolanaxa.

Hechos 20:32

Qaq nagui qami' ÿaqaÿa't, qami' sepataxagueta da ltelaxa ñi Dios qataq dam n'aqtaguec da lchoxonnataxanaxa mayi ÿataqta huo'o da l'añaxac, da yaqto' qami' 'añaxaiqa naq'en, qataq da yaqto' qauacoñiiguet cam ÿaqataxaatapigui' da ÿami' ñi Dios 'enauac nam lalamaxatpi.