Hechos 9:20 - Nuevo Testamento Toba Sur

²⁰ Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Nuevo Testamento Toba Sombrero Negro

²⁰ Ua'edi Saulo t'aqataĝatapegouelo ga'me nemaĝaiqui' queda'me Jesús nach'eñe c'oĝot ñe'me Dios.

La'aqtaqa Ñim Lo'onatac 'Enauacna 2013

²⁰ Qaq co'ollaq ime de'era, nache so Saulo da'aqtaxaatapoigui ana napaxaguenaxaquipi na judiopi, ỹa'axattac So Jesús da nacheso So Llalec Ñim Lo'onatac 'Enauacna.

Hechos 9:20 Referans Kwoze

Juan 20:28

Nachi so Tomás 'enapeco': –¡'Am ÿataxala' qataq 'am ita'a Dios!

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Mateo 27:43

Ñi mayi ÿachito'ot da lpi'iÿaxac ñi Dios. Qaq ñi Dios no'on da nca'alaxateec nagui ñimayi, qom ÿoqta 'eesa da lauotaxat. Cha'ayi ñimayi maichi qomi' da'aqtaxaatapeguema co'ollaxa da 'eetega ÿataqta llalec ñi Dios.

Mateo 4:3

Nachi so shiÿaxaua lma'na nqo'ona so Jesús da ÿi'iguen. Nachi 'enapego', 'eeta': –Da ÿoqta 'eesa da 'am llalec ñi Dios, qaq no'on qome da nañigui pan 'anqa'en ne'ena coma'pi.

Apocalipsis 2:18

Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Tiatira. Qoneta': “'Eeta' da l'aqtac na llalec ñi Dios, nam 'eeta'am na nodec l'edaxa naua l'ai'te, qataq naua lchil 'eeta'ama na nqashilgaqtac lcat l'enaxat bronce, 'eeta':

Romanos 1:4

Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

Hechos 13:14

Qaq co'ollaq ime, nachi soomayi queda'ai yi Perge da nqo'ooda yi la ciudad Antioquía mayi huaigui yi 'alhua Pisidia. Qaq co'ollaq huaña yimayi, nachi nqo'oodeu'a aso laponaxaqui na judiopi so na'a'q mataxaqui, nachi nso'ooyiñi.

Hechos 13:5

Qaq co'ollaq ivitra yimayi, nachi huetra'a so ñigaxasom l'enaxat Salamina. Huaña, nachi i'axattrac da l'aqtac ñi Dios, huetraigui ana laponaxaquipi na judiopi. Qaq so Juan Marcos nachi quetaiguilo soomayi da itauaata'pe.

Hechos 9:22

Qalaxayi so Saulo lamaaxa nquigaxatteec da l'añaxac da ÿachaxaatac so Jesús da nachiso so nta'a mayi qadca'alaxaqui, chochi ivitta'a da ÿataqta sa ÿaÿaten ca 'eetec naq'en na judiopi mayi netaña yi Damasco.

Hechos 8:36

Qaq co'ollaq ivitra som huaña da huo'o na 'etaxat, nachi se'eso nta'a 'enapeco': –Ne'ena huo'o na 'etaxat, qaq ¿sa ishito' peta'a da aÿim qanachilaxan?

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Juan 19:7

Qalaxayi na judiopi 'enapeco': –Qomi' huo'o dam nqataxac mayi qomi' qoÿanema co'ollaxa, qaq damayi 'enapec yi ishit da qaÿalauat ca shiÿaxaua, cha'ayi damayi yi 'eetega da llalec ñi Dios.

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Hechos 13:33

Cha'ayi qomi' maichi qomi' llalaqpi somayipi, qaq ÿoqo'oyi ñi Dios ÿataqta ipacchigui dam 'enapec co'ollaxa da qaltaq nca'alaxateec so Jesús da qadca'alaxaqui. Cha'ayi nachi nanettalec aso nede l'enaxat Salmo da l'aqtac, 'eeta': “'Am mayi nachi'am ÿalec, 'am seco'oic ne'ena na'a'q.”

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Hechos 14:1

Qaq huetra'a yi Iconio so Pablo qataq so Bernabé, nachi soomayi nqo'oodeu'a aso laponaxaqui na judiopi, nachi da'aqtaxaata'pe. Nachi ÿataqta qalota na da'amqajnataxan nam judiopi, qataq ivida'a nam saq judiopi.

Hechos 16:13

Qaq huo'o so na'a'q mataxaqui, nachi saxaueegue da laÿi yi la ciudad, ñoqo'onaqaama so loigue so tala yim huaña naxa da qai'ot da nqouagaxaunaxac. Huaña, nachi ñiso'onaqtañi, nachi sa'axataqtapeguem da n'aqtac na 'alpi mayi lapoota'a't.

Hechos 17:2

Qaq so Pablo, cha'ayi nachi n'onataxac, somayi ivi' soua tres mataxaqui' da ÿi'iguelaqtau'a aso laponaxaqui na judiopi, nachi da'aqtaxaatapeguem.

Hechos 17:10

Qaq so nqaÿañicpi nachi ÿataqta sa qaÿaÿaloxon da so Pablo qataq so Silas qaÿamaxadegue da Berea se'eso pe. Qaq co'ollaq ivilyi', nachi nqo'oodeu'a aso laponaxaqui na judiopi.

Hechos 17:17

Qaq ÿoqo'oyi nqo'oneu'a aca naponaxaqui, nachi da'aqtaxaatapeguem na judiopi, nataq'en nam laÿipi mayi ÿi'oxodeetac ñi Dios. Qataq 'enauaque naua na'axa'te da'aqtaxaatac, da'aqtaxaatapeguem nam hueta'a ca naponqa'.

Hechos 18:4

Nachi naxa da iviteuga yi na'a'q mataxaqui, nachi so Pablo tau'a aca laponaxaqui na judiopi, nachi da'aqtaxaatapeguem, qataq nam sa ishit da judiopi, da yaqto' da'amqajnataxan naq'en.

Hechos 18:19

Qaq co'ollaq ivitra yi la ciudad Éfeso, nachi so Pablo n'onaxatañi aso Priscila qataq so lhua Áquila, nachi tau'a aso laponaxaqui na judiopi, nachi da'aqtaxaatapeguem 'enauac so lapoota'a't judiopi.

Hechos 19:8

Nachi so Pablo ÿataqta ividaxattreec soua tres ca'agoxoiqa da ÿi'iguelaqtau'a aso laponaxaqui na judiopi da da'aqtaxaatac, qaica ca ñi'itaique, qataq i'axattapeguem somayipi da l'onataxanaxac ñi Dios da ilo'ogue 'enauacna, da yaqto' da'amqajnataxan.

Gálatas 1:16

nachi huaña, qaq aÿim ÿauattonaxanaxanguet so llalec, da yaqto' aÿim sa'axatem nam saq judiopi da l'aqtac mayi chigaqaigui da nca'alaxa. Qaq co'ollaq mashi ime de'eda, nachi aÿim sa ishit da huo'o ca ñinate'.

Hechos 8:37

Nachi so Felipe 'enapego' somayi, 'eeta': –Da ÿataqta imauec da 'adquiyaqteÿaxac da 'au'amqajnataxan, nachi ishit. Nachi se'eso shiÿaxaua 'enapeco': –Aÿim sa'amaqten so Jesucristo da nachiso so llalec ñi Dios.