Hechos 9:17 - Nuevo Testamento Toba Sur

¹⁷ Nachi so Ananías jec da taÿa ca noÿic mayi netaña so Saulo. Qaq co'ollaq inoxoneu'a ca hueta'a, nachi ÿashil-lec somayi, nachi 'enapego', 'eeta': –'Am ÿaqaÿa Saulo, ñi qadataxala' Jesús mayi 'am nachaxana co'ollaq 'ananactague' na nqa'aic, ñimayi aÿim namaxa 'am, da yaqto' qaltaq 'anauaañi, qataq da 'am nlaqchigui so Espíritu Santo.

Nuevo Testamento Toba Sombrero Negro

¹⁷ Chane'eja Ananías yec'ata ga'me 'nachaqa' jo'ne ue'ta ñe'me Saulo. Mane'e da'me yenoĝoneuo, qama'le yachalo'te loua' joñe'me nataq'aen enaac: —Am yaqaya Saulo, ñe'me Jaliaĝanec Jesús, ñe'me jo'ne am naloĝoneguet jena'me adadic jo'ne auanaquetapegue' jayem namaĝaquena qaedi yitaĝa auanac nataq'aen am najaqachigui ñe'me Dios Lepaqal jo'ne ja 'nalegue.

La'aqtaqa Ñim Lo'onatac 'Enauacna 2013

¹⁷ Nache so Ananías jec da taỹa ca nỹec maye netaña so Saulo. Qaq co'ollaq inoxoneua'a ca hueta'a, nache ỹashel-lec somaye, nache 'enapego', 'eeta': –'Am ỹaqaỹa Saulo, So Qarataxala' 'am nachaxana co'ollaq 'ananactague' na nqa'aic, Somaye aỹem namaxa 'am, da yaqto' qaltaq 'anauaañi, qataq da yaqto' 'am nlaqchigui so Saqcha'a Na'añaxac Qui'itta.

Hechos 9:17 Referans Kwoze

Hechos 8:17

Nachi so Pedro qataq so Juan, soomayi ÿashildelec somayipi. Huaña, nachi somayipi tanguit so Espíritu Santo.

Hechos 6:6

Qaq co'ollaq ime, nachi soomayi qanauegueu'alo so Jesús lamaxa'shi, nachi qanqouagaxaueelguete qataq qaÿashiltalguete soomayi.

Hechos 2:4

Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

1 Timoteo 5:22

Sa ishit da 'auÿalapegue' da 'edeuo ca lataxala' na 'amqajnataxanaxaicpi, cha'ayi sa iuena'a da 'am ishipaxanaqchit ca ñi'itaxaloxoshit ÿaqa'a. 'Antela'agueto' 'enauac qome na sa ÿaÿamaxañi.

Hechos 13:52

Qalaxayi nam da'amqajnataxanpi ÿataqta huo'o da ntonaxac qataq nlaqchigui so Espíritu Santo.

Hebreos 6:2

qataq da llic da qanachilaxan ca shiÿaxaua, qataq da qaÿachiltalec na 'amqajnataxanaxaicpi, qataq da llic qom qaltaq qanca'alaxateec na leuaxaicpi, qataq qom qanmit 'enauacna.

Filemón 1:16

Qaq nagui namayi sa ishit da 'ico' 'adlatac. Cha'ayi namayi saq 'en'am ca chochi nlatac, cha'ayi namayi 'eeta'am ca 'anauochaxaua 'adqaÿa. Namayi ÿataqta sauotec, qalaxayi ÿataqta ÿacteec 'anqa'en qome da 'adauochi. Sa ishit da chaqdata da 'auauotec, cha'ayi qoneta'am shiÿaxaua, cha'ayi namayi 'eeta'am ca 'adqaÿa 'ad'amqajnataxanaxaua so qadataxala'.

2 Timoteo 1:6

Ÿoqo'oyi nagui 'am saqata da 'au'edaxatoigui ñi 'anshitaxat mayi 'am ÿami' ñi Dios se'eso na'a'q co'ollaq 'am sashil-lec.

1 Timoteo 4:14

Sa ishit da 'anañaxane' da l'onataxanaxac ñi 'anshitaxat mayi 'am ÿami' ñi Dios so na'a'q co'ollaq ÿachanguit añi lquiyaqte na lataxala'pi na 'amqajnataxanaxaicpi da 'am ÿashil-lec.

1 Corintios 15:47

So hua'auchiguiñi shiÿaxaua qaÿachigoxotaigui ana 'alhua, qaq somayi 'alhua l'ec. Qalaxayi so ÿaqa'aguet shiÿaxaua som qadataxala', somayi chigoqo'ot na piguem.

1 Corintios 15:8

Ime, qaltaq jec aÿim sepa'ateec, aÿim nachaxana nataq'en somayi, nai'ctaxa da aÿim shin'am da lañoxoc ca nogotolec mayi ichiÿa'a ca laloqo' da ñiguiñi.

Romanos 15:7

Qaq ÿoqo'oyi ñi 'oonolec qome da qoñiita ÿataqta ÿaconguet ca lÿa da 'eeta'am naq'en da 'eetec so Cristo co'ollaq qomi' ÿacongueta, da yaqto' qaÿi'oxoden ñi Dios.

Hechos 26:15

Nachi aÿim shinapec: “¿Négue't da qoneta, 'am ÿataxala'?” Nachi somayi aÿim 'enapega, 'eeta': “Qomyi nachaÿim Jesús mayi aÿim 'aucaatac.

Hechos 21:20

Qaq can ime da qai'aqchigui 'enauac de'eda, nachi ÿataqta qaÿi'oxodeetac ñi Dios. Ime, nachi qoÿiitega so Pablo, qoÿiita': –Hua', 'am qadqaÿa, qalaxayi 'am mashi 'auaÿaten da na judiopi ÿataqta qalota na da'amqajnataxan. Qaq namayipi ÿataqta ipactega da qaipactelec da qanayiigue 'enauac nam lqataxacpi so Moisés.

Hechos 19:6

Nachi so Pablo co'ollaq ÿashiltalec somayipi, nachi so Espíritu Santo anac da tanguit somayipi. Huaña, nachi detaxaiguilo naua n'aqtaqa mayi sa qaÿauanapegalo, qataq i'axatta'pe naua l'aqtaqa ñi Dios.

Hechos 13:3

Qaq co'ollaq ime da qouagaxaunaxac qataq da qouaqchitaxac, nachi qanatameetapeguelguete soomayi, qaÿashiltalguete. Ime, nachi qaÿama'q.

Hechos 10:36

Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.

Hechos 4:31

Nachi co'ollaq ime da nqouagaxaunaxac somayipi, nachi que'eca qanayiuta'a ÿataqta cholaxan. Nachi 'enauac somayipi ÿataqta nlaqchigui so Espíritu Santo. Huaña, nachi sa ishit da qañi'ilec da qai'axat da l'aqtac ñi Dios.

Lucas 15:32

Qalaxayi nagui no'on da so'otaq ca qadqui'axac da ñitonaqpigui'. Cha'ayi ñi 'adqaÿa, ñimayi mashi saqca, qalaxayi qaltaq nca'aleec; ñimayi daqat, qalaxayi mashi sanataxa.”

Lucas 15:30

Qaq nagui da nvi' da 'ai'alec mayi chochi ÿaqataqchit aso 'om souaxat ana quishiguetaxai, nachi 'aualaataxanem, 'aualauat so huaca llalec mayi chaxadaic.”

Lucas 2:11

Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Lucas 1:76

Qaq 'am ÿalcolec, 'am qoÿanagui qome da 'am l'aqtaxanaxanec ñim Dios mayi 'amaqtaqaic, cha'ayi 'am qai'auaxaata'ague qome na llic ca qadataxala' da yaqto' 'auqataxanai',

Marcos 6:5

Nachi so Jesús sa ishit da huo'o ca i'ot nam sa qaÿauanapigui. Nda'a't da huo'o na ÿashil-lec na sa no'onpi da nataden, qalaxayi saq 'amaqtaq.

Mateo 19:13

Nachi huo'o so qanauegueu'a ñaqpiolec so Jesús, da yaqto' somayi ishit da ÿashil-lec qataq da natameelec. Qalaxayi soua lapaxaguenataqa nachi nlaqtrega nam nauectapegueuo na ñaqpiolec.

Marcos 5:23

Nachi ÿataqta nachoxodeetot, 'eeta'; –Ayi ÿale mashi ileetapigui'. Ña 'auanáctaxa da 'auashil-lec, yaqto' no'oita qataq nca'aleec.

Lucas 1:41

Nachi aso Elisabet co'ollaq hua'axaÿa da nquinaxanaxac, nachi so nogotolec mayi huetagui na lauel ndashiguem, nachi asomayi ÿataqta nlaqchigui so Espíritu Santo.

Lucas 1:67

Nachi so lta'a Zacarías ÿataqta nlaqchigui so Espíritu Santo, nachi i'axattac da l'aqtac ñi Dios mayi ÿami', 'eeta':

Hechos 9:18

Huaña, nachi so Saulo huo'o aso chigoqtoiguilo naua l'ai'te, 'eeta'am ana lso, nachi ishit da qaltaq nauaañi. Nachi somayi ñishiguem, nachi qanachilaxan, da yaqto' da'amqajnataxan.

1 Corintios 9:1

Aÿim 'eesa da aÿim huosochiguiñi, qataq yalau'a da 'enec ca lamaxashic so Jesús. Cha'ayi aÿim ñauane' somayi som qadataxala'. Qaq qami' mayi nachiqami' naiguilo da i'onataxanaxac da so'onataxaatacot so qadataxala'.

2 Pedro 3:15

Qataq qantouñiita'ac da lhualaxavic ñi Dios da qomi' iuatta'alo. Damayi naigui da qadca'alaxa. Qaq 'eeta'am nataq'en da 'eetec ana ledepi so qanauochaxaua qadqaÿa Pablo mayi qami' ÿamaxalo co'ollaq somayi ÿiyiñi da laÿajnec mayi ÿami' ñi Dios.