Hechos 9:15 - Nuevo Testamento Toba Sur

¹⁵ Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

Nuevo Testamento Toba Sombrero Negro

¹⁵ Qalaĝaja ñe'me Jaliaĝanec enaac: “Oc, qa'a nach'eñe ja'atelegue ñe'me jiyaĝaua qaedi jayem 'yaĝate'tapema ena'uaque ga'me jiyaĝadipi jo'ne uetedalegue jena'me aleua, choqoga'me lejaliaĝanaqa nataq'aen nach'e ena'ama ga'me israelpi.

La'aqtaqa Ñim Lo'onatac 'Enauacna 2013

¹⁵ Qalaxaye So Qarataxala' 'enapego' somaye, 'eeta': –'Aue, 'anqo'ona, cha'aye Aỹem ica'aguishec ñi'iñi ỹale da yaqto' Aỹem ỹa'axat da ỹa'axatem na ỹotta'a't shiỹaxauapi, qataq na lta'alpi namayepi, nataqa'en nam Israel le'ecpi.

Hechos 9:15 Referans Kwoze

Romanos 11:13

Qalaxayi aÿim huo'o da i'aqtac qami' tachiguilo qami' mayi sa ishit da qami' judío lashi'. Cha'ayi ñi Dios aÿim ÿamaxalec nam sa ishit da judiopi, qaq ÿoqo'oyi aÿim ÿataqta shi'oxoden da i'onataxanaxac.

Romanos 1:5

Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.

1 Timoteo 2:7

Ÿoqo'oyi ñi Dios aÿim ÿanagui da aÿim l'aqtaxanaxanec qataq lamaxashic, da sapaxaguen na saq judiopi, da sapaxaguenec da npi'iÿaxac qataq da lataxac mayi ÿataqta 'eesa. Da i'aqtaxanaxac ÿataqta 'eesa, sa ishit da aÿim tenataxanaxaic, cha'ayi sa'amaqten so Cristo.

2 Timoteo 2:4

Cha'ayi ca ale, da qaÿamaqtac, sa ishit da maichi ncoñida'aguet ca maichi l'onataxanaxac, cha'ayi mashi huetañot da lamaxasoxonaxac so huataxanaq lta'a.

Hechos 22:21

Qalaxayi so qadataxala' aÿim 'enapega, 'eeta': “'Aue qome, qojec, cha'ayi ÿataqta qaÿoqtegue cam 'am samaxague, 'am samaxa qome nam sa ishit da judiopi.”

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

2 Timoteo 1:11

Qaq ñi Dios ÿanagui da aÿim l'aqtaxanaxanec da sa'axat de'eda n'aqtac. Qataq aÿim ÿamaxalec da sapaxaguen na saq judiopi.

Gálatas 1:1

Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

1 Corintios 15:10

Qalaxayi da lqouagaxanaqtaic ñi Dios nachida da huo'o mshi aÿim nagui, qaq de'eda ñoqouagaxa sa ishit da saqca ca naigui. Cha'ayi aÿim ÿacteec da i'onataxanaxac, ñapacalec 'enauac na laÿipi namaxashicpi. Qalaxayi sa ishit da nachaÿim, nachida da lqouagaxanaqtaic ñi Dios mayi aÿim ÿanem.

Hechos 13:2

Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Mateo 10:18

Qataq ivida'a qome da qami' qaÿauegueu'alo nam ilotagueto naua 'ale'u, qataq na lta'alpi namayipi, souaxat da aÿim qoquiitague'. Huaña, nachi ishit da aÿim qau'axachi da qau'aqtaxañiim namayipi qataq nam sa ishit da judiopi.

Apocalipsis 17:14

Qaq namayipi delogui' qome so qagueta llalec. Qalaxayi somayi loxonec qome namayipi, cha'ayi somayi nachiso so lataxala' na nataxala'pi qataq lta'a na nta'alpi. Qataq na hueta'aguetpi somayi nachina nam ÿataqta qaiÿaxana qataq lca'aguishicpi ñi Dios. Qataq namayipi quetague' somayi.

Hechos 27:24

Qaq somayi aÿim 'eetega, 'eeta': “Sa ishit qome da 'ayi'itac, 'am Pablo, cha'ayi 'am 'anachaateu'a qome ñi nta'a mayi neta'ague da Roma. Qaq souaxat da qoneta, nachi ñi Dios nca'alaxateeguesop qome da l-leuaxa 'enauac nam 'anqotta'ai'pi ana barco.”

Hechos 26:32

Nachi so Agripa 'enapega so Festo, 'eeta': –Ñi'iñi shiÿaxaua ishíttaxa da qaisouec da huo'otaq sa iÿaxaneu'a da nmit cam nta'a mayi neta'ague da Roma.

Hechos 25:22

Nachi so nta'a Agripa 'enapego' so Festo, 'eeta': –Aÿim nataq'en ñishitaique da ñi'axaÿaxana que'eca shiÿaxaua. Nachi so Festo 'enapeco': –Qome nte', qaq 'an'axaÿaxana ñimayi.

Hechos 21:19

Nachi so Pablo nquiitague' 'enauac somayipi. Ime, nachi ÿachigoxottot da i'axattac 'enauac nam i'otpi ñi Dios mayi ÿachigoxotchigui somayi da huaigui naq'en nam sa ishit da judiopi.

Hechos 28:17

Qaq can mashi ivi' tres na'axa'te da sovidaxa yi Roma, nachi so Pablo damaxasoxoneuga nam lataxala'pi na judiopi mayi netaña yimayi. Qaq can mashi laÿoota'a't somayipi, nachi so Pablo 'enapega, 'eeta': –Qami' ÿaqaÿañicpi, aÿim nai'ctaxa co'ollaxa da qaica ca so'otec na qadhuo' judío l'ecpi, qataq qaica da ñipa'agueetega da n'onataxac som hua'au qadta'alpi, qalaxayi ñaqaiyita namayipi aÿim icoñi' can huaña yi Jerusalén, nachi aÿim ÿaneu'a na nta'alpi romano l'ecpi.

Hechos 22:14

Nachi somayi aÿim 'enapega, 'eeta': “Ñim nDios som hua'au qadta'alpi, ñimayi 'am lca'aguishic co'ollaxa, cha'ayi nshitaique da yaqto' 'am 'auaÿaten cam maichi 'eetapeguec ñimayi, qataq da 'anauane' som no'on da lataxac, qataq da yaqto' 'an'axaÿaxana somayi da 'am detaxaÿot.

Hechos 26:1

Nachi so nta'a Agripa 'enapega so Pablo, 'eeta': –'Am peta'a ishit da 'au'ot ca 'adtaxaÿaxac. Nachi so Pablo ÿachaxaashiguem na lhuaq, nachi detaqa, 'eeta':

Hechos 28:28

Qaq nagui qami' qauaÿajñi, da de'eda qotaÿa'ague, nachi de'eda nca'alaxa mayi chigoqo'ot ñi Dios, damayi qoÿami' qome nam sa ishit da judío l'ecpi. Qaq namayipi qome ÿataqta n'axaÿaxana.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

1 Corintios 9:16

Cha'ayi da sa'axattac da n'aqtac mayi chigaqaigui da nca'alaxa, qaq sa ishit da ñi'oxodeetapigui, cha'ayi aÿim qaÿamaxalec da so'ot. Qaq ¡choxodaicolec aÿim da sa sa'axat damayi!

Efesios 3:1

Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.