Hechos 9:13 - Nuevo Testamento Toba Sur

¹³ Nachi co'ollaq hua'aqchigui de'eda so Ananías, nachi 'enapeco': –'Am ÿataxala', ÿataqta qalota na aÿim da'aqtaxanem que'eca shiÿaxaua qataq 'enauac nam qauem mayi i'otec nam netaña yi Jerusalén mayi 'am i'amaqteetac.

Nuevo Testamento Toba Sombrero Negro

¹³ Ca'li domachiya da'me dojo', qama'le Ananías enaac: “Jaliaĝanec, qayoĝode' gaa'me 'yaĝatetedac ñe'me jiyaĝaua nataq'aen ena'uaque gaa'me ja 'noe'n jo'ne 'yeteque ga'me neda'ña di'me Jerusalén jo'ne mach'e ac'oqo'tepi.

La'aqtaqa Ñim Lo'onatac 'Enauacna 2013

¹³ Nache co'ollaq hua'aqchigui de'era so Ananías, nache 'enapeco': –'Am Ỹataxala', ỹataqta qalota na aỹem da'aqtaxanem que'eca ỹale nam qalota ỹo'otec sa ỹaỹamaxañi nam netaña ye nỹecpi ye Jerusalén maye 'am ỹa'amaqteetac.

Hechos 9:13 Referans Kwoze

Hechos 8:3

Qaq so Saulo nachi ÿataqta ÿoqopitaxanapec da icaatac na 'amqajnataxanaxaicpi, inoxotta'pe naua noiqa. Cam ilalec ÿale, huo'otaq 'alo, nachi ÿauogonnauec, nachi ÿauegueuo, da yaqto' qaicoñi'.

Hechos 9:1

Qaq so Saulo ñaq queto'ot da ÿadeetega da ÿalauat na i'amaqteetac so qadataxala'. Qaq ÿoqo'oyi somayi nqo'oneu'a so lta'a na ntaxaÿaxanaxanecpi da qaitaxaÿapegue' ñi Dios.

Romanos 16:15

Nataq'en samaxa da iquinaxanaxac ca Filólogo qataq aca Julia, Nereo qataq aca lqaÿa, qataq ca Olimpas qataq 'enauac ca qadqaÿañicpi qad'amqajnataxanaxauapi mayi hueta'agueta caamayi.

Romanos 16:2

da ÿataqta qauacoñiiguet, cha'ayi acamayi lalamaqte so qadataxala'. 'Eeta'am qanqashiñi da 'eetec na nqaÿañicpi da ÿaconguet ca l'amqajnataxanaxaua. Qataq ÿataqta qautauañi da huo'o ca iueetac, cha'ayi acamayi ÿataqta qalota na itauan, ivida'a nataq'en aÿim.

Romanos 15:31

da yaqto' ñimayi aÿim nca'alaxateeguesop nam sa da'amqajnataxanpi mayi netaña yi Judea, qataq yaqto' aca ntaunaxanaqte mayi seda'a ca qadqaÿañicpi mayi netaña yi Jerusalén ishit da saqca ca da qom qaÿaconguet,

Romanos 1:7

Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Hechos 22:4

Qaq aÿim co'ollaxa ÿataqta secaatac nam quetague' de'eda n'aqtac, chochi ivitta'a da huo'o na salauat. Nachi saconeu'a da secoñi' na ÿallippi qataq na 'alpi, da yaqto' sanaigui añi ncoñitaxanaxaqui.

Hechos 9:32

Qaq so Pedro co'ollaq queuotapigui 'enauac na nqaÿañicpi, nachi nataq'en ivida'a so 'amqajnataxanaxaicpi mayi netaña yi Lida.

Mateo 10:16

¡Qaq qan'axaÿaxañiichigui de'eda shinapec! Da aÿim qami' sama'q, qalaq qoñiita'am qome ana qagueta da quichiguingui nam shiguiÿacpi mayi dequi'iÿapec. Qalaq ÿataqta sa qanqalaachi qome, qoñiita'am na n'adaxanaq, qalaxayi sa ishit da qauacoñiÿa'aguet ca qad'oi, qoñiita'am na qoto'pi.

Hechos 9:21

Nachi 'enauac nam n'axaÿaxaatega somayi ÿataqta huo'o da l'aalaxa. Nachi 'eeta': –¿Sa ishito' peta'a da saq nachida dam shiÿaxaua mayi icaatac nam nqouagaxaueetega so Jesús mayi netaña yi Jerusalén? qataq ¿sa ishito' peta'a da saq nachida dam naÿa'a ne'ena souaqta'a da ÿaconeu'a da icoñi' na 'amqajnataxanaxaicpi, nachi ÿaneu'a nam lataxala'pi na ntaxaÿaxanaxanecpi?

Hechos 9:41

Nachi somayi ÿacona na lhuaq asomayi, nachi ÿanaxanaxaashiguem. Ime, nachi iÿaxaneuga so nqaÿañicpi qataq som pa'aipi, nachi ÿachaxan asomayi da qaltaq nca'aleec.

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

1 Corintios 6:5

Qaq damayi shinapec, yaqto' huo'o da qad'alqoi. 'En'amo' da ÿoqta qaica ca 'oonolec da qoñiita da nalotau'a da nmit ca lasouaxashit ca l'amqajnataxanaxaua.

1 Corintios 14:33

cha'ayi ñi Dios sa ishit da chigoqo'ot da nasouaxattega't naq'en na shiÿaxauapi. Chaqdata da nlagaxayic. Cha'ayi da n'onataxac 'enauac ana l'onaxanaxaquipi na qadqaÿañicpi 'amqajnataxanaxaicpi 'eeta':

1 Corintios 16:1

Qaq qom qau'ochi aca ntaunaqte na qadqaÿañicpi 'amqajnataxanaxaicpi, qalaq qau'enaxachiichigui da ÿapaxaguenataxanaxac mayi sanem na 'amqajnataxanaxaicpi mayi netaña yi 'alhua, l'enaxat Galacia.

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Filipenses 4:22

Nataq'en qami' ÿamaxalo da lquinaxanaxac 'enauac nam hueta'a ne'ena nam lalamaxatpi ñi Dios. Qataq ÿataqta lta'adaic da lquinaxanaxac nam nallippi ñim lta'a na nta'alpi mayi netaña na Roma.

Colosenses 1:2

qaq aÿim qami' ÿaqaÿañicpi mayi qoñiitaña yi la ciudad Colosas, qami' samaxalo ana ÿide, qami' qau'amaqchiñiitac so Cristo, qataq qami' lalamqa'te ñi Dios. Ñishitaique da qami' qauacoñiiguet qome da lqouagaxanaqtaic ñi qadta'a Dios qataq da l-lagaxayic.

Hebreos 13:24

Qaq qai'añiim qome da iquinaxanaxac 'enauac na qadataxala'aipi, qataq 'enauac na qadqaÿañicpi mayi qad'amqajnataxanaxauapi. Qaq nam netaña na Italia qami' ÿamaxalo da lquinaxanaxac.

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.