Hechos 9:10 - Nuevo Testamento Toba Sur

¹⁰ Qaq yim Damasco nachi netaña so shiÿaxaua 'amqajnataxanaxaic, l'enaxat Ananías. Qaq somayi huo'o co'ollaxa so lauanaqchic da so qadataxala' nachaxana somayi. Nachi 'enapego', 'eeta': –¡Ananías! Nachi somayi 'enapeco': –Aja', nachaÿim, 'am ÿataxala'.

Nuevo Testamento Toba Sombrero Negro

¹⁰ 'Uo ñe'me na'ña di'me Damasco jo'ne p'etaqadaic lenaĝat Ananías, nach'eñe jo'ne qoyen taue ga'me 'lochaĝa da'me naloĝoneguet ñe'me Jaliaĝanec, qama'le enaac da'me yanem 'laqatac: “¡Ananías!” Joñe'me 'yateguet: “Jaja'a, Jaliaĝanec, jayem 'uo.”

La'aqtaqa Ñim Lo'onatac 'Enauacna 2013

¹⁰ Qaq yem nỹecpi ye Damasco netaña so ỹale maye quetague' So Jesús le'enaxat Ananías. Qaq somaye huo'o co'ollaxa so lauanaqchec da So Qarataxala' nachaxana somaye. Nache 'enapego', 'eeta': –¡Ananías! ¡Ananías! Nache somaye 'enapeco': –Aja', nachaỹem, 'am Ỹataxala'.

Hechos 9:10 Referans Kwoze

Hechos 22:12

Qaq yimayi nachi netaña so shiÿaxaua l'enaxat Ananías. Qaq somayi ÿataqta ÿalaxalec nam lqataxacpi so Moisés, qaq nam judiopi mayi lma' yi Damasco ÿataqta no'on naq'en da n'aqtaguec somayi.

Hechos 10:3

Qaq huo'o so na'a'q mashi dashichiguiñi aso nala', nachi somayi huo'o so lauanaqchic: ila'aguet so namaxashic piguem l'ec da taÿau'a ca hueta'a somayi, nachi 'enapego', 'eeta': ¡Cornelio!

Hechos 2:17

Ñi Dios 'enapec: Caua pa'atreec na'axa'te, nachi aÿim ñanacot ñi'Espíritu Santo da sanem 'enauac na shiÿaxauapi; nachi na ñalaqpi qataq na ñalpi, namayipi qome i'axa't naua i'aqtaqa, na nsoxotpi huo'oi naua lauanaqchico chigoqo'oto ñi Dios, qataq na ÿi'axaiquipi huo'oi naua lchoxonaxaco.

Hechos 9:9

Huaña yimayi, nachi hueta'a tres na'axa'te, sa ishit da nauaañi, qataq sa ishit da huo'o ca chic, qataq sa ishit da nÿom.

Hechos 11:5

–Aÿim soota'a co'ollaxa yi la ciudad Jope. Nachi can ñoqouagaxaueetac, nachi huo'o so ÿauanaqchic: aÿim sela'a so 'eeta'am na hualoq laÿi lta'adaic chigoqto'ot na piguem, qoÿaxatta'a't naua cuatro ltela. Nachi chochi nvittaña yi soota'a.

Hechos 12:9

Nachi so Pedro huenoxoneec, ca'atteueegue so namaxashic. Qalaxayi sa ÿaÿaten da ÿoqta 'eesa de'eda, huo'otaq saq 'en. Cha'ayi somayi 'eeta'am naq'en da huo'otaq chochi lauanaqchic de'eda.

Hechos 16:9

Qaq huaña yimayi, nachi so Pablo huo'o so lauanaqchic se'eso pe: iloto'o' so shiÿaxaua mayi naña yi 'alhua Macedonia. Somayi nachattañi, nachi nachoxodeetacot somayi, 'eeta': “Ña 'ananaita qome na Macedonia, qomi' 'autaua'n.”

Hechos 16:10

Qaq co'ollaq chochi huo'o da lauanaqchic so Pablo, nachi qomi' ñaÿamaxataq da saxatague da Macedonia. Cha'ayi ÿoqta da 'eesa da nachiñi ñi Dios ñi qomi' nÿaxaategalo, da yaqto' sa'axataxam camayipi dam no'on qad'axaÿaxac.

Hechos 18:9

Qaq huo'o so pe, nachi so qadataxala' 'enapego' so Pablo co'ollaq huaigui so l'ochaxa, 'eeta': –Sa ishit qome da 'ayi'itac, nachi qoqueto'ot da 'ad'aqtaxanaxac, sa ishit da 'anañaxaañi.

2 Corintios 11:32

Co'ollaq soota'a yi Damasco, nachi so nta'a mayi ilotague' yimayi, mayi do'onataxaatacot so lÿa nta'a l'enaxat Aretas, somayi ÿauo'o so nallippi da qanauan naq'en so lasom yi la ciudad, da yaqto' aÿim qaÿaconeu'a da aÿim qaicoñi'.

Gálatas 1:17

Qataq sa ishit da saigue da Jerusalén da huo'otaq ñoqo'onalo soua nachi 'eetai'salo da lamaxa'shi so Jesús. Chaqdata da aÿim sa ñaÿaloxon da saigue da Arabia. Qaq co'ollaq ime, nachi ñi'iguelaxa yi Damasco.

Hechos 9:12

nachi huo'o so lauanaqchic: ila'a ca shiÿaxaua, l'enaxat Ananías, da taÿau'a ca hueta'a, nachi ÿashil-lec na lqaic, da yaqto' qaltaq nauaañi.