Hechos 8:9 - Nuevo Testamento Toba Sur

⁹ Qalaxayi huo'o so shiÿaxaua l'enaxat Simón. Somayi co'ollaxa do'onataxaatega da napinshaxac da ÿatenachittac na shiÿaxauapi mayi hueta'a yi'iyi pueblo Samaria. Somayi 'eetego' naxa da ÿataqta huo'o naq 'enec.

Nuevo Testamento Toba Sombrero Negro

⁹ Qalaĝaja 'uo ca'li ñe'me 'lachaqaidi lenaĝat Simón, jo'ne joote joca'li da'me 'yetetac da'me napinec nataq'aen jo'ne yoqovi'tape ca'li ga'me jiyaĝadipi di'me Samaria, eetapela't jiyaĝaua jo'ne p'ajaye.

La'aqtaqa Ñim Lo'onatac 'Enauacna 2013

⁹ Qaq huaña, nache huo'o so ỹale le'enaxat Simón. Somaye co'ollaxa do'onataxaatega da hueta'aguet no'onataxac da ỹatenachettac na shiỹaxauapi maye hueta'a yi'iye 'alhua Samaria. Somaye 'eetego' naxa da ỹataqta huo'o naq 'enec.

Hechos 8:9 Referans Kwoze

Hechos 13:6

Nachi soomayi co'ollaq ime da i'axasoxoodelec aso ÿaqa'ata 'alhua, nachi qaivitta'a yi la ciudad Pafos. Qaq huaña yimayi, nachi qanatenalec so judío l'ec, l'enaxat Barjesús, pi'oxonaq, somayi ÿataqta tenataxanaxaic, 'eetega da l'aqtaxanaxanec ñi Dios.

Hechos 5:36

Cha'ayi qami' qauennachii da huo'o so na'a'q co'ollaxa da nachajñi so Teudas, nachi 'enapec da huo'o naq 'enec, nachi ivi' cuatrocientos so shiÿaxauapi mayi quegue somayi. Qalaxayi somayi co'ollaxa qaÿalauat, nachi 'enauac som quetague'pi somayi nlagaxattac. Huaña, nachi imeuo da l'onataxanaxac.

Juan 7:18

Ca shiÿaxaua da huo'otaq maichi nalligoxottela't ca ltaxaÿaxac, camayi 'eetec de'eda, cha'ayi nshitaique da na shiÿaxauapi ÿi'oxoden. Qalaxayi cam ÿataqta npogoxoueetague' da yaqto' qaÿi'oxoden cam namaq, camayi nachica ca ÿoqta 'eesa ca l'aqtaxanaxac, qaq sa ishit da chochi datenataxaatac.

Hechos 8:11

Nachi ÿataqta qaÿoqocha'a, cha'ayi dam napinshaxac ÿataqta sa lcoshi'igue da ipi'itaqchit somayipi.

Apocalipsis 22:15

Qalaxayi pa'atauec qome na i'otta'pe naua qauema, qataq na i'ottac da n'enaxanaxac, qataq nam quishiguetaxaicpi, laataxanaxaicpi, qataq nam natameetacot na nqolacpi, qataq 'enauac nam nqopita da i'ot da latenataxanaxac.

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

2 Timoteo 3:5

Namayipi nachaxaata da 'eetega quetague' da n'amqajnataxanaxac, qalaxayi sa ishit da hueto'ot da l'añaxac da n'amqajnataxanaxac. Qaq 'ena qome na 'antela'aguet.

2 Timoteo 3:2

Cha'ayi da n'onataxac na shiÿaxauapi 'eeta': maichi nauojla't, qataq quetague' da lqopitaxanaqtaic ana plata, qataq ñi'oxonnaxaic, qataq 'otanaxanaxaic. Namayipi sa iyacnapec ñi Dios, qataq sa ÿalaxalguete caua lta'al, qataq 'agaqaic, qataq qaica naq'en ca 'enec da n'amqajnataxanaxac.

2 Ts 2:4

'Eca ca depa'aguenataxan mayi nachajñi da dataÿa'aguet 'enauac na ÿachitac da l'enaxat ñi Dios, huo'otaq nam qanatameetacotpi. Qataq ivitta'a da nso'oolec ca atamnaqa' da qanatamnot ñi Dios, nachi 'eetega da nachica ca Dios.

Hechos 13:8

Qalaxayi som pi'oxonaq mayi da lÿa l'enaxat Elimas, somayi ÿataqta ncotatapegueto soomayi, qataq nqanaxattac so nta'a, da yaqto' sa ishit da da'amqajnataxan.