Hechos 8:5 - Nuevo Testamento Toba Sur

⁵ Qaq huo'o so 'oonolec namayipi, l'enaxat Felipe, somayi co'ollaxa taÿa yi pueblo Samaria. Huaña, nachi i'axattac so nta'a mayi qadca'alaxaqui.

Nuevo Testamento Toba Sombrero Negro

⁵ Felipe, jo'ne chiyaqauelo jogaa'me, dajoyi di'me laeñi ga'me noic jo'ne Samaria, qama'le paja'a da'me 'yaĝatetac ñe'me Cristo.

La'aqtaqa Ñim Lo'onatac 'Enauacna 2013

⁵ Qaq huo'o so 'oonolec somayepi, le'enaxat Felipe, somaye co'ollaxa taỹa ye 'alhua Samaria. Huaña, nache ỹa'axattac So Jesús maye Lca'aguishec Ñim Lo'onatac 'Enauacna.

Hechos 8:5 Referans Kwoze

Hechos 6:5

Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi.

Hechos 21:8

Qaq so lÿa na'a'q, nachi so Pablo nataq'en qomi' qaltaq soqolaq, nachi sovidaxa yi la ciudad Cesarea. Qaq huaña yimayi, nachi ñoqo'onaxau'a yi lma' so Felipe som i'axattac da n'aqtac, som 'oonolec soua siete ntauapi co'olloxochiyi. Nachi souaqa'a yi lma'.

Hechos 8:40

Nachi so Felipe hueta'a co'ollaxa yi Azoto. Huaña, nachi quetaguilo naua pueblolqa, i'axattac da no'on qad'axaÿaxac, chochi ivitta'a yi Cesarea.

1 Corintios 3:11

Qaq ÿoqo'oyi qaica ca ishit da qaltaq lapaxañi ca lÿa n'oxonaxala' que'eca noÿic, cha'ayi mashi huo'o so qalapaqtañi. Somayi nachiso so Jesucristo.

1 Corintios 1:23

Qalaxayi qomi' sa'axataqtac da n'aqtaguec so Cristo co'ollaq qaiuaxaneuo. Na judío l'ecpi da hua'axaÿa de'eda n'aqtaxanaxac, nachi ÿataqta da'aguelec. Qaq nam saq judío l'ecpi da hua'axaÿa, nachi 'eeta'am naq'en da chochi 'oopashic.

Hechos 5:42

Nachi soomayi quetoto da dapaxaguenataxaata'pe qataq i'axattrac so Jesús 'enauaque naua na'axa'te, huo'o da huetra'a aso n'onaxanaxaqui, huo'otaq naua nma'te.

1 Corintios 2:2

Cha'ayi co'ollaq qami' soota'agueta, qalaq ñacoola't da sa ishit da huo'o ca lÿa tatapigui iuel, chaqsota so Jesucristo som qaiuaxaneuo.

Hechos 9:20

Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Hechos 8:1

Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Hechos 8:6

Nachi na shiÿaxauapi laponeu'a somayi. Qaq 'enauac namayipi ÿataqta huo'o da lqochoxo da l'aqtaxanaxac so Felipe, qataq nataq'en qaÿauaatapigui na n'anecpi sa qaÿauanapega mayi i'ottac.

Hechos 8:26

Qaq co'ollaq ime de'eda, nachi so lamaxashic piguem l'ec ñi qadataxala', somayi 'enapego' so Felipe, 'eeta': –Qoñishiguem qome, nachi 'aigue da taguiñi, qoquegue so nqa'aic mayi chigaqshiguemec yi Jerusalén, taÿa'a yi Gaza. Se'eso nqa'aic nachiso so tajlec yi tojlec 'alhua.

Hechos 8:30

Nachi so Felipe co'ollaq mashi sa qaÿapeque asa'aso naigona, nachi hua'aqtega somayi da itaxaÿaxaatac aso lede so Isaías. Nachi inattaco' se'eso shiÿaxaua, 'eeta': –¿Peta'a 'auaÿaten ca llic yi 'autaxaÿaxaatac?