Hechos 8:40 - Nuevo Testamento Toba Sur

⁴⁰ Nachi so Felipe hueta'a co'ollaxa yi Azoto. Huaña, nachi quetaguilo naua pueblolqa, i'axattac da no'on qad'axaÿaxac, chochi ivitta'a yi Cesarea.

Nuevo Testamento Toba Sombrero Negro

⁴⁰ Qama'le Felipe ue'ta di'me Azoto, qama'le quetayilo gaa'me noyaqolqa, 'yaĝatetac da'me onaĝaic 'naqataĝanaĝac, chayovida'a yovita di'me Cesarea.

La'aqtaqa Ñim Lo'onatac 'Enauacna 2013

⁴⁰ Nache so Felipe hueta'a co'ollaxa ye nỹecpi Azoto. Huaña, nache quetaguilo naua nma'ate, ỹa'axattac da no'on na'axaỹaxac, choche ivitta'a ye nỹecpi Cesarea.

Hechos 8:40 Referans Kwoze

Hechos 21:8

Qaq so lÿa na'a'q, nachi so Pablo nataq'en qomi' qaltaq soqolaq, nachi sovidaxa yi la ciudad Cesarea. Qaq huaña yimayi, nachi ñoqo'onaxau'a yi lma' so Felipe som i'axattac da n'aqtac, som 'oonolec soua siete ntauapi co'olloxochiyi. Nachi souaqa'a yi lma'.

Hechos 25:4

Qalaxayi so Festo i'axat so Pablo da qaicoñittai', neta'ague da Cesarea, qataq somayi nachi lhuennataxa da saqaÿaloq da taigue damayi.

Hechos 23:33

Qaq co'ollaq qaivita yi Cesarea, nachi qoÿanem so nta'a aso nede, nataq'en qoÿaneuo so Pablo.

Hechos 23:23

Nachi so nta'a iÿaxanalo soua dos mayi ilotagueto na huataxanaqpi, nachi 'enapegalo da yaqto' ÿaqataxanai'salo ca doscientos huataxanaqpi na petañi, qataq setenta nam ÿauota'a na lalo caaÿo, qataq doscientos nam ÿauota'a ana lataquiaxai, cha'ayi qom qaÿata'ague so pe, nachi soomayi qaÿamaxadegue da Cesarea.

Hechos 10:1

Qaq yim la ciudad Cesarea nachi netaña so shiÿaxaua, l'enaxat Cornelio. Somayi lta'a na huataxanaq, nachi ilotague' som cien huataxanaqpi mayi qaÿamata'ac chigaqa'ague da Italia.

Romanos 15:19

qataq da l'añaxac na n'anecpi qataq nam sa qaÿauanapegapi qataq da l'añaxac so Espíritu Santo. Qaq 'eda da 'eetec da aÿim sematta da sa'axat da n'aqtac mayi n'aqtaguec so Cristo dam chigaqaigui da nca'alaxa, sachigoqchiguiña yi Jerusalén qataq 'enauaque naua 'ale'u, chochi sovitta'a yi Iliria.

Hechos 25:13

Qaq co'ollaq mashi qaÿata'aguelo soua na'axa'te, nachi anac so nta'a Agripa qataq aso lhua Berenice da nqo'ooda yi Cesarea da dequinaxaada so Festo.

Hechos 25:6

Nachi so Festo huac da ivi' naua ocho huo'otaq diez na'axa'te da hueta'a yi Jerusalén. Ime, nachi ÿi'iguelaxague da Cesarea, qaq so lÿa na'a'q nachi nqo'oneu'a aso l'onataxanaxaqui, nachi damaxasoxoneuga so Pablo.

Hechos 25:1

Nachi so Festo co'ollaq mashi qoÿanagui da nta'a, nachi co'ollaq ivi' soua tres na'axa'te nachi chigoqchiguiña yi Cesarea da taigue da Jerusalén.

Hechos 21:16

Nachi huo'oi soua qadÿata'pe nam 'amqajnataxanaxaicpi mayi lma' yi Cesarea, nataq'en nachi ÿalectaiguilo soomayi so chigaqa'ague da Chipre, somayi l'enaxat Mnasón. Qaq somayi mashi sa lcoshi'igue da 'amqajnataxanaxaic. Qaq nachiso so 'eetega da qadanataqa' ca lma' da sovidaq.

Hechos 12:19

Nachi so Herodes damaxasoxoolec da qanmitaique somayi. Qaq co'ollaq sa ishit da qaÿanata, nachi ichimaxattega som huataxanaqpi mayi ilotague' somayi. Ime, nachi damaxasoxoolec 'enauac somayipi da qaÿalauat. Qaq co'ollaq ime de'eda, nachi so Herodes ca'ai yi Judea da taÿa yi Cesarea.

Hechos 10:24

Qaq so lÿa na'a'q nachi qaivita yi Cesarea yim netaña so Cornelio deuataxaatac, qataq 'enauac som lauo' l'ecpi ÿalecta'aguet, qataq 'enauac nam nauochaxauapi mayi icoyiguen co'ollaxa.

Hechos 8:25

Nachi soua Jesús lamaxa'shi co'ollaq ima't da l'aqtaxanaxa'c da i'axattrac da l'aqtac ñi Dios, nachi nqo'ooda nam pueblopiolec mayi huaigui yi Samaria da i'axattrac da no'on qad'axaÿaxac. Ime, nachi ÿi'iguelaxadegue da Jerusalén.

Hechos 9:30

Nachi som 'amqajnataxanaxaicpi co'ollaq l'axaÿaxac de'eda, nachi qaÿauega so Saulo yi ñigaxasom Cesarea. Huaña yimayi, nachi qaÿamaxague da Tarso.

Hechos 11:11

Huaña, nachi nvildeu'a ñi noÿic mayi soota'a soua tres shiÿaxa'u. Soomayi namaxa'shi, chigoqda'ague da Cesarea da aÿim ñi'igueeda'a.

Hechos 18:22

Nachi co'ollaq ivita yi Cesarea, nachi so Pablo taÿa yi Jerusalén da dequinaxana so 'amqajnataxanaxaicpi. Qaq co'ollaq ime, nachi taigue da Antioquía.