Hechos 8:35 - Nuevo Testamento Toba Sur

³⁵ Nachi so Felipe cot da l'aqtaxanaxac, ÿachigoxotchiguiña som n'aqtac mayi qaitaxaÿaxaatac, qataq i'axatem somayi da no'on qad'axaÿaxac mayi n'aqtaguec so Jesús.

Nuevo Testamento Toba Sombrero Negro

³⁵ Chane'eja Felipe, 'yatelegue da'me yachiyoĝotetelegue ga'me nedii's jo'ne joote yec'atetac ñe'me etiope, 'yaĝatetac da'me onaĝaic 'naqataĝanaĝac jo'ne 'yaĝatetac ñe'me Jesús.

La'aqtaqa Ñim Lo'onatac 'Enauacna 2013

³⁵ Nache so Felipe cot da la'aqtaxanaxac, ỹachegoxotchiguiña som na'aqtac maye qaitaxaỹaxaatac, qataq ỹa'axatem somaye da no'on na'axaỹaxac maye na'aqtaguec So Jesús.

Hechos 8:35 Referans Kwoze

Lucas 24:27

Ime, nachi da'aqtaxanema soomayi 'enauac nam n'aqtaguec somayi nam nanettañi naua ñiyigui'shi l'aqtaqa ñi Dios, ÿachigoxottot aso hua'auchiguiñi lliyiguishi so Moisés, ividaxatta'a asom pa'ateec lliyiguishi som l'aqtaxanaxanecpi ñi Dios.

Hechos 18:28

Cha'ayi ÿataqta i'axattem 'enauac na lsomaxacpi na judiopi. Qaq somayi ÿataqta sa ishit da huo'o ca ÿoqolguet. Cha'ayi somayi ÿaconalo naua ñiyigui'shi n'aqtaqa, nachi i'axattac so Jesús da nachiso so nta'a qadca'alaxaqui mayi iuattaique namayipi.

1 Corintios 2:2

Cha'ayi co'ollaq qami' soota'agueta, qalaq ñacoola't da sa ishit da huo'o ca lÿa tatapigui iuel, chaqsota so Jesucristo som qaiuaxaneuo.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Mateo 5:2

Nachi so Jesús ÿapaxaguen somayipi, 'eeta':

Hechos 5:42

Nachi soomayi quetoto da dapaxaguenataxaata'pe qataq i'axattrac so Jesús 'enauaque naua na'axa'te, huo'o da huetra'a aso n'onaxanaxaqui, huo'otaq naua nma'te.

Efesios 4:21

lamaaxa da ÿoqta 'eesa da qau'aqaichigui da n'aqtaguec somayi, qataq da qami' qaÿapaxaguenque dam ÿoqta 'eesa lataxac mayi chigoqo'ot so Jesús.

2 Corintios 6:11

Qami' qadqaÿa't mayi qadmayi na Corinto, qomi' ÿataqta qaica ca sauoqtaique da qami' setaxasoxoiguilo, ÿataqta imauec da qadquiyaqteÿaxac da qaica ca 'oonolec soxotaqtapiguiñi.

1 Corintios 1:23

Qalaxayi qomi' sa'axataqtac da n'aqtaguec so Cristo co'ollaq qaiuaxaneuo. Na judío l'ecpi da hua'axaÿa de'eda n'aqtaxanaxac, nachi ÿataqta da'aguelec. Qaq nam saq judío l'ecpi da hua'axaÿa, nachi 'eeta'am naq'en da chochi 'oopashic.

Hechos 19:13

Qalaxayi huo'oi soua judío lashi' mayi quetragui na shiÿaxauapi da i'ottrapeguec na n'ecpi leguemaxaic. Nachi soomayi nshitraique da do'onataxaada da l'enaxat so qadataxala' Jesús, da yaqto' i'oldauec na n'ecpi. Nachi soomayi 'eetegalo' na n'ecpi, 'eeta': –Qami' sedolguete da l'enaxat so Jesús mayi i'axattac so Pablo da qoquii.

Hechos 11:20

Qalaxayi huo'o na 'amqajnataxanaxaicpi mayi chigaqa'ague da Chipre qataq da Cirene na nvita yi la ciudad Antioquía. Nachi namayipi nataq'en da'aqtaxanem nam sa ishit da judiopi, da i'axatem dam no'on qad'axaÿaxac mayi n'aqtaguec so Jesús mayi qadataxala'.

Hechos 10:34

Huaña, nachi so Pedro da'aqtaxan, 'eeta': –Nagui aÿim saÿaten da ñi Dios ÿoqta 'eesa da sa ishit da lca'atagui 'enauac na shiÿaxauasat.

Hechos 9:20

Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Hechos 3:20

Nachi qami' qanamaxalo so Jesús mayi nta'a qadca'alaxaqui, som nal'ena co'ollaxa da qaÿauotaique da qadca'alaxaquii.

Hechos 17:18

Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

Hechos 8:34

Nachi se'eso nta'a inattac so Felipe, 'eeta': –Ñaq aÿim 'adqouaguec da aÿim 'au'aqtaxanem, ¿chaq négue't ca l'aqtac de'eda, peta'a nachiso som l'aqtaxanaxanec ñi Dios da maichi n'axattapeguela't, qalqo' lÿa shiÿaxaua ca n'aqtaguec de'eda?